دھنک رنگ

[محمد زاہد بن فیض]

غصہ ہمیشہ تنہا آتا ہے لیکن جاتے ہوئے ساتھ عقل۔اخلاق۔اور شخصیت کی خوبصورتی لے جاتا ہے۔

 

[محمد زاہد بن فیض]

اگر تم پنسل بن کر کسی کی خوشیاں نہیں لکھ سکتے تو کوشش کرکے ایک اچھا ربڑ بن جائو تاکہ کسی کا غم تو مٹا سکو۔

 

[محمد زاہد بن فیض]

جب ناخن بڑھ جاتے ہیں تو ناخن ہی کاٹے جاتے ہیں انگلیاں نہیں۔اسی طرح جب کسی رشتے میں غلط فہمیاں پیدا ہوجاتی ہیں تو غلط فہمیاں ختم کرنی چاہیے رشتہ نہیں

 

[اخت ولید]

یہ بے فیض روزے اور بے روح عبادات!!!​

 

[محمد زاہد بن فیض]

عزت سالوں میں بنتی ہے اور لمحوں میں ختم ہوجاتی ہے!!​

اس لئے آخرت بنانی چاہیے جس کی چاہت لمحوں میں تو کیا کبھی بھی ختم نہیں ہوگی۔

 

[اخت ولید]

پہلی تراویح۔۔مساجد بھری تھیں۔۔مرد،خواتین،بزرگ اور بچے۔۔کچھ تمیز نہ تھی!
دھیمی سی مسکراہٹ چہرے پر نمودار ہو گئی“چار دن ٹھہر کر ان خواتین کی تناسبِ آمد ٹھیک سے معلوم ہوجائے گی“
پانچ سے چھ دن میں حاضری کم ہو گئی۔۔۔
“دیکھ لیجیے۔۔۔میں نے کہا ناں تھا“میں بڑائی سے بولی۔
“السلام علیکم ۔۔رمضان مبارک“
“خیر مبارک“میں ناگواری سے بولی“ہفتے بعد یاد آ گیا کہ رمضان المبارک کا آغاز ہے“ہاتھ آیا موقع میں کیوں ضائع جانے دیتی۔
“جی۔۔جنہیں ہفتے قبل رمضان المبارک کا علم ہو گیا تھا۔۔ان کا حال دیکھ رہا تھا“ضمیر آخر کو میرا ضمیر ہے!“باجی ایک بات پوچھوں؟ماشاء اللہ!اللہ نے آپ کو بہت علم دے رکھا ہے“
“ہاں پوچھو۔۔۔۔“
“مساجد میں فرض نماز ادا کرنا خواتین کے لیے افضل ہے؟“
“جی نہیں گھر میں“
“اچھا۔۔میں سمجھا تھا کہ مسجد میں افضل ہے۔ اور وہ۔۔تراویح فرض ہے ناں؟لوگ پڑھتے ہی نہیں ہیں۔“
“نہیں۔۔ سنت ہے۔۔پڑھ لی تو اجر کبیر۔۔نہ پڑھی تو گناہ نہیں“
“جب مسجد میں آنا لازم ہے نہ تراویح پڑھنا فرض ہے تو لوگ معتوب کیوں ٹھہریں؟؟جن لوگوں کو اللہ نے اس سال استطاعت دے رکھی ہے کہ وہ مسجد میں تراویح پڑھیں۔۔انہیں طنز و تکبر کی بجائے اسسے ڈرنا چاہیے کہ کیا علم اگلے سال وہ گھر میں بھی تراویح ادا نہ کر سکیں“

 

[اخت ولید]

’’آدھی عقل“ اگر اپنی ڈی پی ایسی رکھے تو حرج نہیں کہ آدھی عقل ہے مگر ’’پوری عقل‘‘ پردے دار بیبیوں کی ڈی پی لگا کر جانےکیا جتلانا چاہتی ہے؟

 

[یوسف ثانی]

’’آدھی عقل“ اگر اپنی ڈی پی ایسی رکھے تو حرج نہیں کہ آدھی عقل ہے مگر ’’پوری عقل‘‘ پردے دار بیبیوں کی ڈی پی لگا کر جانےکیا جتلانا چاہتی ہے؟

یہی کہ (نام نہاد) پوری عقل، عقل سے بالکل ہی ”پیدل“ ہے۔

 

[اخت ولید]

انسان کی زندگی میں "بولنے" اور "بھولنے" کی دو عادات ہیں اور انکے دو ادواربھی ہیں۔۔نیزیہ عمر طبعی بھی ہے اور غیر طبعی یعنی خودساختہ بھی!!
بولنے کی طبعی عمر:آغازیہ عموما بارہ تیرہ سال سے ہوتا ہے اور اختتام ٹین ایج کے ختم ہونے سے قبل ہو جاتا ہے
غیر طبعی(خود ساختہ):یہ جس وقت چاہیں ،شروع کی جاسکتی ہے خصوصا اس وقت جب پبلک سے اردگرد میں ہوتی کوئی بات ،کام چھپانا ہو۔۔اس غیر طبعی بولنے میں ایسے ایسے بول بھی منہ سے نکل جاتے ہیں،جنہیں کبھی منہ میں آنا ہی نہیں چاہیے صرف دماغ یا دل میں ہی ان کا ٹکا رہنا آپ کے لیے مناسب ہے۔۔اس کی علامات میں سے ایک بڑی علامت بڑی اپنائیت سے تیز تیز اور اونچا اونچا بولنا ہے!!

بھولنے کی طبعی عمر:اس کا آغازآج کل تیس سال سے شروع ہو جاتا اور مرتے دم تک اختتام نہیں ہوتا۔۔یاد رہے خاندانی لڑائیاں اوررشتہ داروں کے طعنے کبھی نہیں بھولتے وہ تاریخ و وقت سمیت یاد رہتے ہیں۔۔۔شنید ہے کہ کچھ لوگ پڑھائی کا وقت شروع ہوتے ہی تیس سال کے ہوجاتے ہیں
غیر طبعی عمر(خودساختہ):جس وقت آپ ایک ساتھ ڈھیر سارے کام نبٹا رہے ہوں،اس کا حملہ ہوجاتا ہے اور جب آپ اپنا پسندیدہ کام کر رہے ہوں تب بھی آپ اس کے شکار ثابت ہو سکتے ہیں۔۔۔نیزیہ بھی کسی وقت بھی شروع ہو سکتی ہے ،اٹھ کر کام کرنے کو دل نہ چاہے تو بھی "بھول جانا چاہیے"

 

[اخت ولید]

کہتے ہیں کہ "ہر عمل کا ایک رد عمل ہوتا ہے"
اب سب یہ بھی کہتے ہیں کہ یہ میرا رد عمل تھا،اس کے عمل کے جواب میں۔۔وہ نہ کرتا تو میں بھی نہ کرتا!!
اب پتا نہیں "عمل" پھر کون کر جاتا ہے؟؟"
ویسے آپسی بات ہے"ہر رد عمل" بھی تو بذاتِ خود ایک"عمل" ہے!!