شرح اسماءِ حسنٰی

[محمد نعیم یونس]

الْعَظِيمُ

(سب سے بڑا)​

شان، حکومت اور غلبہ میں۔ (الزجاج)

 

[محمد نعیم یونس]

الْغَفُورُ

(بخشنے والا)
​

یہ بھی غفار کی طرح مبالغہ کے معنی رکھتا ہے مگر غفار میں تکرار کے معنی ہیں (یعنی باربار بخشنے والا) اور غفور میں کمال اور تمام کے یعنی سب گناہ بخشنے والا۔ (الغزالی)

 

[محمد نعیم یونس]

الشَّكُورُ

(تھوڑی سی محنت پر بہت زیادہ اجر دینے والا)​

یعنی جو قلیل عبادت پر زیادہ درجات عطا فرمائے اور دنیا کی قلیل عبادت پر آخرت کی لامحدود نعمتیں عطا کرے۔ (الغزالی) کیونکہ اللہ تعالی عمل کے بدلے اجر دیتے ہیں اس لیے اسے بھی شکر کہا گیا ہے۔ (الزجاج)

 

[محمد نعیم یونس]

الْعَلِيُّ

(بلند)
​

کیونکہ وہ اپنی ساری مخلوق سے بلند ہے۔ (الزجاج) وہ سات آسمانوں سے اوپر عرش پر ہے۔
الرَّحْمَـٰنُ عَلَى الْعَرْشِ اسْتَوَىٰ ﴿٥﴾-طہ
اللہ مستوئ عرش ہے۔

 

[محمد نعیم یونس]

الْكَبِيرُ

(سب سے بڑا)​

اس کی شان و جلال کے سامنے بڑے سے بڑے بھی حقیر ہیں۔ (بیھقی)

 

[محمد نعیم یونس]

الْحَفِيظُ

(سنبھالنے والا)
​

پوری کائنات کو دکھوں اور تکالیف سے پناہ میں رکھنے والا (الغزالی)۔

 

[محمد نعیم یونس]

الْمُقِيتُ

(روزی دینے والا)
​

خود پیدا کرے اور بندوں تک پہنچائے یا سب کو کافی ہو۔ (الغزالی) اور بقول زجاج یہ معنی بھی ہیں کہ وہ ہر چیز پر قدرت و نگاہ رکھنے والا ہے۔ قرآن کریم میں ہے۔
وَكَانَ اللَّـهُ عَلَىٰ كُلِّ شَيْءٍ مُّقِيتًا ﴿٨٥﴾۔ النساء
اور الله تعالی ہر چیز پر نگہبان ہے۔
قاضی سلیمان منصور پوری صاحب شرح اسماء الحسنی ص90 پر لکھتے ہیں:
"المقیت وہ ہے جو جملہ قوائے بدن کو توانائی دیتا ہے۔ مقیت وہ ہے جو قوائے روحانی کو غذا بخشتا ہے۔ مقیت وہ ہے کہ نباتات و جمادات وحیوانات، جن و ملک اپنی اپنی ساخت اور اقتضائے فطرت کے مطابق اس کی روزی سے پل رہے، بڑھ رہے اور نشوونما پارہے ہیں۔"

 

[محمد نعیم یونس]

الْحَسِيبُ

(کافی ہونے والا)
​

ہر ایک چیز کے لیے (الغزالی)۔ یا تمام اجزاء اور ان کی مقدار سے بخوبی آگاہ اور بغیر (تخمینہ لگائے و) حساب کے۔ (البیھقی)۔

 

[محمد نعیم یونس]

الْجَلِيلُ

(بزرگی والا)
​

اس کی صفات بزرگانہ ہیں۔ مثلا بادشاہت، پاکیزگی، علم و قدرت وغیرہ (الغزالی)

 

[محمد نعیم یونس]

الْكَرِيمُ

(بڑا بزرگ اور سخی)
​

جو باوجود قدرت کے معاف کرے، جو ہمیشہ وفا کرے اور اُمید سے بڑھ کر دے۔ مانگنے سے راضی ہو، اگر کسی اور سے مانگا جائے تو ناراض ہو۔ دنیا میں گناہ گاروں کی ان کے گناہوں پر گرفت نہ کرے۔ اس کی طرف رجوع کرنے والوں کو تمام سفارشیوں اور وسیلوں سے بے نیاز کر دے۔ (الغزالی)۔