قرآن و حدیث میں تحریف

[محمد نعیم یونس]

اس نسخہ میں ادارۃ القرآن و العلوم الاسلامیہ کراچی والوں نے تحت السرۃ کے الفاظ جلی حروف کے ساتھ لکھوائے ہیں اور اس تحریف کے دوران جگہ کی تنگی کی وجہ سے ربیع اور ابو معشر راویوں کے درمیان جو عن تھاوہ بھی کٹ کر رہ گیا، ملاحظہ فرمائیے:

 

[محمد نعیم یونس]

اگر ناشرین کے نزدیک یہ الفاظ کسی نسخہ میں موجود تھے تو انہیں حاشیہ میں نسخہ کے طور پر لکھ دینا چاہیئے تھا لیکن ان کی جرأت ملاحظہ فرمائیں کہ انہوں نے ان الفاظ کو حدیث میں داخل کر دیا اور اللہ کے عذاب کا انہیں ذرہ برابر بھی ڈر محسوس نہ ہوا۔

 

[محمد نعیم یونس]

ادارۃ القرآن کراچی کے بعد طیب اکادمی بیرون بوہڑ گیٹ ملتان والوں نے اس تحریف کا بیڑا اٹھایا اور اس حدیث میں تحریف کی۔ اور اس مخصوص مقام پر انہوں نے اعلیٰ قسم کا ورق استعمال کیا اور اس صفحہ کو خاص طور پر کمپوز کر کے لگایا گیا ہے اور اللہ تعالیٰ کی شان ملاحظہ فرمائیں کہ جلدی میں اسے ۴۲۴ صفحہ کے بعد لگا دیا گیا حالانکہ اس مخصوص صفحہ کا نمبر ۴۲۷ ہے فاعتبروا یا اولی الابصار۔ اس مقام کے عکوس ملاحظہ کئے جائیں:

 

[محمد نعیم یونس]

 

[محمد نعیم یونس]

طیب اکادمی ملتان والوں نے دارالفکر بیروت کے نسخہ کا عکس لیا ہے لیکن اس مخصوص صفحہ کو انہوں نے اعلی قسم کے کاغذ پر الگ کمپوز کر کے لگایا ہے اور سیدنا وائل بن حجر رضی اللہ عنہم کی حدیث کے بعد تحت السرہ کا اضافہ اس طرح کیا ہے: (و فی نسخۃ تحت السرۃ) اور ان الفاظ کو الگ بریکٹوں کے درمیان لکھا ہے۔ کیا یہ بہتر نہیں تھا کہ ان الفاظ کو یہ حضرات حاشیہ میں تحریر کر دیتے اور متن میں تحریر کرنے کی غلطی کا ارتکاب نہ کرتے۔ غالباً اسی موقع کے لئے کہا گیا ہے کہ ''چور چوری سے جائے لیکن ہیراپھیری سے نہ جائے''۔

 

[محمد نعیم یونس]

طیب اکادمی ملتان والوں کے علاوہ مکتبہ امدادیہ ملتان والوں نے بھی اس حدیث میں تحریف کی ہے اور حاشیہ میں تحت السرہ کے الفاظ کی زبردست تائید کی ہے اور اس اضافہ کو درست قرار دیا ہے۔ اور دلیل کے طور پر الشیخ محمد ہاشم سندھی کی کتاب درھم النضرہ کا حوالہ دیا ہے اور اس کتاب کو اس جلد کے آخر میں لگا دیا گیا ہے تاکہ تحریف کی اصل کہانی کا لوگوں کو علم ہو سکے۔ شروع میں جب مکتبہ امدادیہ والوں نے اس کتاب کو شائع کیا تو اس میں یہ اضافہ موجود نہ تھا اور اس کتاب کے کئی نسخے مختلف کتب خانوں میں بھی بھیجے گئے تھے جن میں سے جماعت اسلامی کا مدرسہ منصورہ لاہور کا کتب خانہ بھی ہے اور اس میں یہ نسخہ بغیر تحریف کے موجود ہے بعد میں مکتبہ امدادیہ والوں کو خیال آیا کہ جس مقصدکے لئے اس کتاب کو شائع کیا گیا تھا وہ مقصد تو پورا ہی نہیں ہوا چنانچہ ان حضرات نے اس مخصوص صفحہ کو الگ کمپوز کر کے ٹیپ کے ذریعے اسے اس جلد میں جوڑ دیا اور مزے کی بات یہ ہے کہ اس صفحہ کی لکھا ئی دوسرے صفحوں سے بالکل مختلف ہے اور ان حضرت نے بھی ''تحت السرہ'' کا اضافہ کر کے اسے بریکٹ میں قید کر دیا ہے یعنی (تحت السرۃ) اس طرح لکھا ہوا ہے۔ چنانچہ اس کاروائی کو عکس کے ذریعے ملاحظہ کرتے ہیں:

 

[محمد نعیم یونس]

 

[محمد نعیم یونس]

 

[محمد نعیم یونس]

یہ بات یقینی ہے کہ ان تینوں نسخوں میں جو تحت السرہ کا اضافہ کیا گیا ہے وہ کسی تحقیق و دلیل کی بناء پر نہیں بلکہ کسی کی غلط فہمی کی بناء پر کیا گیا ہے اس لئے کہ کسی بھی معتبر نسخہ میں یہ الفاظ موجود نہیں ہیں۔ اگر کوئی دعویٰ کرتا ہے تو اس کی ذمہ داری ہے کہ وہ واضح کرے کہ وہ معتبر نسخہ کہاں ہے؟

 

[محمد نعیم یونس]

مصنف ابن ابی شیبہ حدیث و آثار کا بہترین ذخیرہ ہے اس کی اشاعت کا متعدد اداروں کو شرف حاصل ہے۔ سب سے پہلے مولانا عبدالتواب کی تعلیق سے اس کی اشاعت ملتان سے ہوئی، بعد میں حیدرآباد دکن سے مولانا ابوالکلام آزاد اکادمی نے۱۳۸۶ھ میں اس کی پہلی جلد کو شائع کیا۔ بعد میں الدارالسلفیہ بمبئی نے اس کو پندرہ جلدوںمیں شائع کیا۔ ابتدائی تین چار جلدیں بھی۱۹۸۴ء میں شائع کی تھیں۔ (جو اب مکمل چھپ چکی ہے) اس کے صفحہ ۳۵۱ جلد دوم طبع مطابع الرشید مدینۃ المنورہ ۱۹۸۴ء میں بھی یہ حدیث انہیں الفاظ کے ساتھ موجود ہے، مگر جب دیوبندیوں نے ادارۃ القرآن و العلوم الاسلامیہ کراچی سے ۱۹۸۶ء میں اس کی اشاعت کی تو متن حدیث میں تحریف کرتے ہوئے (تحت السرۃ) کا اضافہ بھی کر دیا۔ اس اضافہ سے حدیث کا مفہوم یہ بن گیا کہ ''نبی صلی اللہ علیہ وسلم نے نماز کے اندر ناف کے نیچے ہاتھ باندھے''۔ اِنَّا ِﷲِ وَ اِنَّآ اِلَیْہِ رَاجِعُوْنَ۔ حالانکہ یہ صریحاً بددیانتی ہے۔ یہ حدیث ایک درجن کے قریب کتب حدیث میں پائی جاتی ہے اور کسی میں بھی (تحت السرہ) کا اضافہ نہیں ہے۔ اور جس نسخہ کے حوالے سے اس اضافہ کا دعوٰی کیا جاتا ہے اس کے ضعیف و معلول ہونے کا دیوبندی اکابرین کو بھی اقرار ہے۔ (تحفہ حنفیہ ص۴۱)۔