ماہ رجب کے حوالے سے پیش کی جانے والی یہ روایات ضعیف ، جھوٹی اور باطل ہے :

[محمد عامر یونس]

٭ ماہِ رجب کے ابتداء کی دعا

ضعیف احادیث، سلسلة الأحادیث الضعیفة

جب ماہ رجب شروع ہوتا تو رسول اللہ ﷺ دعا فرماتے :

اللَّهُمَّ بَارِكْ لَنَا فِي رَجَبَ وَشَعْبَانَ ، وَبَلِّغْنَا رَمَضَانَ.

"اے اللہ! ہمارے لیے رجب و شعبان میں برکت فرما اور ہمیں رمضان تک پہنچا۔"

(شعب الإیمان: ۳۸۱۵)

ضعیف جدًا(سخت ضعیف): یہ روایت سخت ضعیف ہے۔

۱: اس کا راوی زائدہ بن أبی الرقاد "منکر الحدیث" ہے۔ (تہذيب التہذيب:۳۰۵/۳۔ ۳۰۶)

٭امام بخاری نے زائدہ کو "منکر الحدیث" کہا ہے۔ (التاریخ الکبیر: ج ۳ ص۴۳۳ح۱۴۴۵ )

۲: جب کہ زیاد النمیری "ضعیف" ہے۔ (ميزان الاعتدال:۹۱/۲ رقم: ۲۸۲۴)

٭ جمہور محدثین کرام نے اسے ضعیف کہا ہے۔ (مجمع الزوائد: ۳۸۸/۱۰ رقم ۱۸۶۸۰)

٭علامہ نووی (الأذکار: ص ۱۸۹رقم ۵۴۱) ، ابن رجب (لطائف المعارف: ۱۲۱) اور علامہ البانی (ضعیف الجامع : ۴۳۹۵) نے اس روایت کو ضعیف قرار دیا ہے۔ رحمہم اللہ

نوٹ: حدیث ضعیف ہونے کے ساتھ ، اس میں ایسی کوئی بات نہیں ہے کہ یہ دعا صرف رجب کی پہلی رات ہی کہی جائے گی، بلکہ اس میں مطلق دعا کے الفاظ ہیں، چنانچہ ان الفاظ کو بطورِ دعا رجب میں یا رجب سے پہلے بھی کہا جا سکتا ہے۔

اگر کوئی مسلمان یہ دعا کرتا ہے کہ یا اللہ! مجھے ماہِ رمضان نصیب فرما، تو اس میں کوئی حرج نہیں ہے۔

چنانچہ حافظ ابن رجب رحمہ اللہ کہتے ہیں:

"معلی بن فضل کہتے ہیں: [سلف صالحین] چھ ماہ تک اللہ تعالی سے دعا کیا کرتے تھے کہ یا اللہ! ہمیں ماہِ رمضان نصیب فرما، اور چھ ماہ تک یہ دعا کرتے تھے کہ یا اللہ! جو عبادتیں ہم نے کیں ہیں وہ ہم سے قبول فرما "

یحیی بن ابی کثیر رحمہ اللہ کہتے ہیں:

"سلف صالحین کی دعا یہ ہوا کرتی تھی: "یا اللہ! مجھے رمضان تک پہنچا دے، اور رمضان مجھ تک پہنچا دے، اور پھر مجھ سے اس میں کی ہوئی عبادات قبول بھی فرما"انتہی"

"لطائف المعارف" (ص 148)

شیخ عبد الکریم خضیر حفظہ اللہ سے استفسار کیا گیا :

حدیث: ( اللَّهُمَّ بَارِكْ لَنَا فِي رَجَب، وَشَعْبَانَ، وَبَلِّغْنَا رَمَضَانَ ) کی صحت کے بارے میں کیا حکم ہے؟

تو انہوں نے جواب دیا:

"یہ حدیث تو ثابت نہیں ہے، لیکن اگر کوئی مسلمان اللہ عز و جل سے یہ دعا کرے کہ اسے رمضان نصیب ہو جائے ، اور رمضان میں قیام و صیام کی توفیق ملے، لیلۃ القدر تلاش کرنے کی توفیق دے، یا کوئی بھی اسی معنی پر مشتمل دعا کرے تو ان شاء اللہ اس میں کوئی حرج نہیں ہے" انتہی

ماخوذ از:

http://khudheir.com/text/298#sthash.JSvROXez.dpuf

​

واللہ اعلم.

http://zaeefhadees.blogspot.com/2015/04/Maah-e-Rajab-k-Ibtada-ki-Dua.html

 

[اسحاق سلفی]

یہاں دو تین پوسٹوں میں " کفن کی واپسی " کا حوالہ دیا گیا ،
کوئی بھائی بتائے گا کہ کیا یہ کتاب ہے یا کوئی پوسٹر وغیرہ قسم کی چیز ؟
کس کی مرتب کردہ ہے؟

 

[عمر اثری]

کوئی بھائی بتائے گا کہ کیا یہ کتاب ہے یا کوئی پوسٹر وغیرہ قسم کی چیز ؟

شیخ محترم یہ ایک کتاب ھے.
کفن کی واپسی
مع رجب المرجب کی بہاریں.

الیاس عطار قادری رضوی کی کتاب ھے یہ.

یہاں کلک کریں.

 

[اسحاق سلفی]

شیخ محترم یہ ایک کتاب ھے.
کفن کی واپسی
مع رجب المرجب کی بہاریں.

الیاس عطار قادری رضوی کی کتاب ھے یہ.

یہاں کلک کریں.

بہت شکریہ ۔۔۔۔جزاکم اللہ خیراً
ویسے عطاری باپا جانی کے باقی کاموں کی طرح یہ نام بھی بڑاعجیب وغریب ہے،
دوسری بات یہ کہ روافض کے کئی ایک نمایاں کاموں کی طرح رجب کی اہمیت وفضائل میں بھی بریلوی ان کے ہمنوا ہیں ،

 

[مزمل حسین]

کفن کی واپسی
مع رجب المرجب کی بہاریں.

اس کتاب کی روایات کی تحقیق حافظ محمد یونس اثری حفظہ اللہ نے پیش کی تھیں ماہنامہ ضرب حق میں، اس طرح انہوں نے الیا قادری کی دوسری کتابوں کی روایتوں کی تحقیق بھی پیش کی ہے، جن میں شعبان کی فضیلت اور رمضان کی فضیلت کی روایتیں شامل ہیں۔

 

[عمر اثری]

اس کتاب کی روایات کی تحقیق حافظ محمد یونس اثری حفظہ اللہ نے پیش کی تھیں ماہنامہ ضرب حق میں، اس طرح انہوں نے الیا قادری کی دوسری کتابوں کی روایتوں کی تحقیق بھی پیش کی ہے، جن میں شعبان کی فضیلت اور رمضان کی فضیلت کی روایتیں شامل ہیں۔

آنلائن مطالعہ کے لئے دستیاب ہے؟

 

[مزمل حسین]

آنلائن مطالعہ کے لئے دستیاب ہے؟

فضائل رمضان کی روایات کی تحقیق آپ ماہنامہ ضرب حق: شمارہ نمبر 40، ص 30 پر دیکھ سکتے ہیں باقی شعبان اور رجب کی روایات کی تحقیق میں ڈھونڈ رہا ہوں کہ کس شمارے میں ہیں۔ ان شاء اللہ آپ کو جلد بتا دوں گا۔

 

[عمر اثری]

فضائل رمضان کی روایات کی تحقیق آپ ماہنامہ ضرب حق: شمارہ نمبر 40، ص 30 پر دیکھ سکتے ہیں باقی شعبان اور رجب کی روایات کی تحقیق میں ڈھونڈ رہا ہوں کہ کس شمارے میں ہیں۔ ان شاء اللہ آپ کو جلد بتا دوں گا۔

میں ہندوستان سے صرف آنلائن ہی ہڑھ سکتا ہوں یا پی ڈی ایف میں

 

[مزمل حسین]

میں ہندوستان سے صرف آنلائن ہی ہڑھ سکتا ہوں یا پی ڈی ایف میں

ضرب حق کے آن لائن لنک نہیں مل رہے اگر یہاں پی ڈی ایف اپلوڈ ہوسکتی ہے تو کردوں؟

 

[عمر اثری]

ضرب حق کے آن لائن لنک نہیں مل رہے اگر یہاں پی ڈی ایف اپلوڈ ہوسکتی ہے تو کردوں؟

جزاک اللہ خیرا