متفرق اشعار

[ساجد تاج]

اس چالباز دنیا کی تیزرفتاری سے ڈر لگتا ہے
اب کسی کی خوش گفتاری سے ڈر لگتا ہے
کیا سبق دیتے پھرتے ہو اپنے ہی دوستوں کو
ان خوشیوں کی امن تابکاری سے ڈر لگتا ہے
جو بوئے تھے کل ہم نے، برباد ہو گیا آج سب
اپنے ہی ہاتھ کی شجرکاری سے ڈر لگتا ہے
وہ سکون کہاں سے لائیں جو بیت گئے دن
ہر راہ پر بے خبر، مارا ماری سے ڈر لگتا ہے
ماں بیٹی کی عزت کو کس کی نظر لگی
زمانے کی رسم کارا کاری سے ڈر لگتا ہے
خنجر سے لگا گھاؤ سنبھل بھی جائے گا
قاتل نظروں کی دو دھاری سے ڈر لگتا ہے
ہم نے رزق حلال کی تمنا کی تھی مگر
زمین پر بیٹھے بے کاری سے ڈر لگتا ہے
ارمان اپنے سمیٹ کر، دریا میں ڈال دیئے
خوش ہوں اب مگر دنیاداری سے ڈر لگتا ہے

 

[ساجد تاج]

گھر لوٹ کر پہنچے تو ایسا لگا
کچھ اپنا اپنا مگر بیگانہ سا لگا
سب بدل گئے، کوئی اپنا نہ رہا
ممتا کا پیار تھا، جو اپنا سا لگا
ماں کو اپنے لئے، وہاں تڑپتے پایا
وہی مجھے وہاں، اپنا شناسا لگا
گھر کے درو دیوار، اور میرا بچپن
گررا تھا جہاں، کچھ انجانا سا لگا
ماں کو اب کہاں، ہوش تھا وہاں
بس ایک گود کا وہ سہارا سا لگا
مجھ کو لگایا گلے، ماتھا جو چوما
تڑپ اٹھا میں، خود دیوانہ سا لگا

 

[ساجد تاج]

اپنے اپنے غم کو دیکھو گلے لگائے پھرتے ہیں
اچھا نہ ہوجائے زخم، کھار جمائے پھرتے ہیں
ہمارے لئے تو کچھ کہنا بھی کیسا جرم ہوگیا
وہ تو زمانے بھر میں شور مچائے پھرتے ہیں
کبھی ان سے سہمے سہمے سے رہتے تھے
اب ہمیں دیکھ کر وہ چہرہ چھپائے پھرتے ہیں
دنیا کے باد و باراں نے کچھ نہ کہنے دیا ہمیں
وہی بات ہم اپنی زبان میں دبائے پھرتے ہیں
ارمان دل میں جانے کیا کیا پوشیدہ کر رکھا ہے
چھپ چھپ کر ہم بھی آنسو بہائے پھرتے ہیں

 

[ساجد تاج]

میں نے کل اک جھلک زندگی کو دیکھا
وہ میری راہ میں گنگنا رہی تھی
میں نے اسے ڈھونڈا ادھر ادھر
آنکھ مچولی کھیلتی ہوئی وہ مسکرا رہی تھی
اک عرصے بعد آیا تھا میرے دل کو قرار
وہ تھپکی دے کر مجھے سلا رہی تھی
ہم دونوں کیوں تھے خفا ایک دوسرے سے
میں اسکو، وہ مجھ کا بتا رہی تھی
میں نے کہا تو نے مجھے یہ درد کیوں دیا؟
بولی میں زندگی ہوں، تجھے جینا سیکھا رہی تھی

 

[ساجد تاج]

کہانی درد کی میں زندگی سے کیا کہتا
یہ درد اس نے دیا ہے اسی سے کیا کہتا
گلا تو مجھ کو بھی کرنا ہے پیاس کا لیکن
جو خود ہی سوکھ گئی اس ندی سے کیا کہتا
میرے عزیز ہی مجھ کو نہ سمجھ پائے کبھی
میں اپنا حال کسی اجنبی سے کیا کہتا
اندھیری رات نے مجھ کو بہت ستایا ہے
بھلا یہ بات میں اب روشنی سے کیا کہتا
تمام شہر میں جھوٹ کا راز تھا محسن
میں اپنے غم کی حقیقت کسی سے کیا کہتا

 

[ساجد تاج]

نہ گلا ہے کوئی حالات سے نہ شکایتیں تیری ذات سے
خود ہی سارے ورق جدا ہوئے میری زندگی کی کتاب سے
تجھے چاہا تھا تجھے پا لیاتجھے پا کہ بھی کھو دیا
مجھے خواہشوں کی تھی آرزو میری زندگی میں عذاب تھے
میری وحشتوں کی راہ میں فقط محفلوں کے سراب تھے
کٹی عمر جن کی تلاش میں میرے رت جگوں کے وہی خواب تھے
یوں بھٹک بھٹک کے تمام عمرکبھی اثر ہی نہ ہوا
جنھیں کھو دیا تمام عمر وہ سپنے بے حساب تھے

 

[ساجد تاج]

یہ جو زندگی کی کتاب ہے
یہ کتاب بھی کیا کتاب ہے
کہیں اک حسین سا خواب ہے
کہیں جان لیوا عذاب ہے
کہیں آنسوؤں کی ہے داستان
کہیں مسکراہٹوں کا بیان ہے
کئی چہرے اس میں چھپے ہوئے
اک عجیب سا یہ نقاب ہے
کہیں کھو دیا کہیں پا لیا
کہیں رو لیا کہیں گا لیا
کہیں چھین لیتی ہے ہر خوشی
کہیں مہرباں بے حساب ہے
کہیں برکتوں کی ہیں بارشیں
کہیں تشنگی بے حساب ہے
یہ جو زندگی کی کتاب ہے
یہ کتاب بھی کیا کتاب ہے

 

[ساجد تاج]

کہو کرے گا حفاظت مری خدا مرا
رہوں جو حق پر مخالف کریں گے کیا میرا

 

[ساجد تاج]

جس سے بھی وفا کی وہی بے وفا نکلی
اب تو وفا والے بھی بے وفا نظر آتے ہیں

 

[ساجد تاج]

جدھر دیکھوں بس تو ہی تو
اللہ ھو اللہ ھو اللہ ھو