متفرق اشعار

[ساجد تاج]

جب دل تو تمھارا اپنا ہو
پر باتیں ساری اس کی ہوں
جب خوشبو اسکی آتی ہو
اور سانسیں تمھاری اپنی ہوں
جب حد درجہ مصروف ہو تم
وہ یاد اچانک آئے تو
جب آنکھیں نیند سے بوجھل ہوں
تم اس کو پاس ہی پاؤ تو
پھر خود کو دھوکہ مت دینا
اور اس سے جا کر کہہ دینا
ہاں دل کو چاہت ھے تم سے

 

[ساجد تاج]

تم تکلف کو بھی اخلاق سمجھتے ہو فراز
دوست ہوتا نہیں ہو ہر ہاتھ ملانے والا

 

[ساجد تاج]

تیرے ہوتے ہوئے آ جاتی تھی ساری دنیا
آج تنہا ہوں توکوئی نہیں، آنے والا

 

[ساجد تاج]

لنڈر سے نہیں مشروط میرے رات دن ساجد
میں جیسا چاہتا ہوں ویسا موسم ڈھونڈ لیتا ہوں

 

[ساجد تاج]

زندہ رہ لوں کسي صورت تو بڑي بات ہے
ورنہ جان سے تو گزرنا کوئي دشوار نہيں

 

[ساجد تاج]

ہر کسی کو دنیا میں شُہرتیں نہیں ملتیں
زندگی کے لمحوں کی قیمتیں نہیں ملتیں
فتح کی خواہش میں عمل بھی تو لازم ھے
صرف کچھ ارادوں سے مُسرتیں نہیں ملتیں
فیصلے یہ چاہت کے آسماں پہ ھوتے ھیں
دو دلوں کے ملنے سے قسمتیں نہیں ملتیں
دین اور دنیا کو ساتھ رکھنا پڑتا ھے
مسجدوں میں رہنے سے جنتیں نہیں ملتیں
مان لو زمانے میں اور بھی ھیں ہم جیسے
حسبِ آرزو جن کو چاہتیں نہیں ملتیں

 

[ساجد تاج]

سلوک اُس نے مجھ سے کسی سگریٹ کا سا کیا
پہلے جلایا' پھر پِیا' پاوں رکھا اور بُجھا دیا
یعنی طلب تھی اُس کو میری کچھ وقت کے لئیے
پہلے لگایا ہونٹ سے اور پھر دُھوئیں میں اُڑا دیا
اپنی سانسیں کھینچ کے میری خوشبو خود میں بسا لی
میری جلتی ھوئی راکھ کو اپنی اُنگلیوں سے گِرا دیا

 

[ساجد تاج]

محبت سوز ھوتی ھے ساز ھوتی ھے
محبت دو دلوں کے درمیاں اک راز ھوتی ھے

 

[ساجد تاج]

مجھ میں بے لوث محبت کے سوا کچھ بھی نہیں
تم اگر چاہو تو میری سوچوں کی تلاشی لے لو

 

[ساجد تاج]

میرے مولا نے مجھ کو چاہتوں کی سلطنت دے دی
مگر پہلی محبت کا خسارہ یاد رہتا ھے