متفرق اشعار

[ساجد تاج]

اے دلِ بے قرار چپ ہو جا
جا چکی ہے بہار چپ ہو جا
چھوٹ جاتی ہے پھول سے خُوشبو
روٹھ جاتے ہیں یار چپ ہو جا

 

[ساجد تاج]

گردِشِ دوراں، زمانے کی نظر، آنکھوں کی نیند
کتنے دشمن ایک رسمِ دوستی سے ہو گئے

 

[ساجد تاج]

آج روٹھے ہوئے ساجن کو بہت یاد کیا
اپنے اُجڑے ہوئے گلشن کو بہت یاد کیا
جب کبھی گردِشِ تقدیر نے گھیرا ہے
گیسوئے یار کی اُلجھن کو بہت یاد کیا
ہم سرِطور بھی مایوسِ تجلی ہی رہے
اُس درِ یار کی ِچلمن کو بہت یاد کیا

 

[ساجد تاج]

فرصت ملے تو اپنا گریباں بھی دیکھ لے
اے دوست، یوں نہ کھیل میری بے بسی کہ ساتھ

 

[ساجد تاج]

آخر آخر، سچے قول بھی چبھتے ہیں د۔ل والوں کو
پہلے پہلے، پیار کہ جھوٹے وعدے اچھے لگتے ہیں
کل اُس روٹھے روٹھے یار کو دیکھا تو محسوس ہوا
ُمحسن ُاجلے جسم پہ میلے کپڑے اچھے لگتے ہیں

 

[ساجد تاج]

دشمنوں کی شکایت کروں، یہ بھی مجھ کو گوارا نہیں ہے
دوستوں نے کرم کچھ ایسے کئے ہیں، دشمنوں کی ضرورت نہیں ہے

 

[ساجد تاج]

اے دوست کیا بتائیں کہ کیا کیا نہ ہو سکا
ہم سے ترے ستم کا بھی شکوہ نہ ہو سکا
اے دوست اختلافِ طبیعت کے باوجود
ہم کو ترا فراق گوارا نہ ہو سکا

 

[ساجد تاج]

تیرگی کے گھنے حجابوں میں
دُور کے چاند جھلملاتے ہیں
زندگی کی اُداس راتوں میں
بے وفا دوست یاد آتے ہیں

 

[ساجد تاج]

عجب اعتبار و بے اعتباری کے درمیاں ہے زندگی
میں قریب ہوں کسی اور کے مجھے جانتا کوئی اور ہے
مجھے دشمنوں کی خبر نہ تھی، مجھے دوستوں کا پتہ نہیں
تیری داستاں کوئی اور تھی میرا واقعہ کوئی اور ہے

 

[ساجد تاج]

پہلے سا وہ خلوص وہ الفت نہیں رہی
اب دوستوں میں رسمِ محبت نہیں رہی
مدت سے میری یاد سے غافل ہے میرا دوست
شاید اب اس کو میری ضرورت نہیں رہی