متفرق اشعار

[ساجد تاج]

کچھ رسمِ محبت کے تقاضے بھی ہیں اے دوست
دل ورنہ تیری یاد سے غافل تو نہیں ہے

 

[ساجد تاج]

میں اُسے عہد شکن کیسے سمجھ لوں جس نے
آخری خط میں یہ لکھا ہے " فقط آپ کا دوست"

 

[ساجد تاج]

پھولوں کی مہک بن کے بکھر جائے گی اردو
یہ وہم ہے اے دوست کہ مر جائے گی اردو

 

[ساجد تاج]

تمہاری دوستی کو دیکھ کر سب رشک کرتے ہیں
جو بس چلتا تو دنیا چھین لیتی زندگی میری

 

[ساجد تاج]

بیٹھے ہیں تیری محفل میں کئی دوست نئے
اب تمھیں یار پرانے کی ضرورت کیا ہے

 

[ساجد تاج]

شکوہ خدا سے کیا،مقّدر میں کچھ نہ تھا
ہم غوطہ زن ہوئے تو سمندر میں کچھ نہ تھا
دیکھا جو دور سے تو سبھی لعل و گوہر تھے
پرکھا جو دوستوں کو تو اکثر میں کچھ نہ تھا

 

[ساجد تاج]

دوست بن بن کے ملے مجھکو مٹانے والے
میں نے دیکھے ہیں کئی رنگ بدلنے والے

 

[ساجد تاج]

خلوص دل ہی نہیں ربط باہمی کے لیے
وفا بھی شرط ہے اے دوست دوستی کے لیے

 

[ساجد تاج]

آج کے دور میں اے دوست یہ منظر کیوں ہے
زخم ہر سر پے ہر اک ہاتھ میں پتھر کیوں ہے

 

[ساجد تاج]

رسوائیوں کا آپ کو آیا ہے اب خیال
ہم نے تو اپنے دوست بھی دشمن بنا لیے