متفرق اشعار

[ساجد تاج]

اے عدم ہر گناہ کر ! لیکن
دوستوں سے ریا کی بات نہ کر

 

[ساجد تاج]

اے خدا جو بھی مجھے پندِ شکیبائی دے
اس کی آنکھوں کو مرے زخم کی گہرائی دے
اتنا بے صرفہ نہ جائے مرے گھر کا جلنا
چشمِ گریاں نہ سہی چشمِ تماشائی دے

 

[ساجد تاج]

یہ دشتِ ہجر، یہ وحشت یہ شام کے سائے
خدا یہ وقت تری آنکھ کو نہ دکھلائے
اسی کے نام سے لفظوں میں چاند اترے ہیں
وہ ایک شخص کہ دیکھوں تو آنکھ بھر آئے
امجد اسلام امجد

 

[ساجد تاج]

ٹھہرتی ہی نہیں آنکھیں جاناں
تیری تصویر کی زیبائی پر
سطح کے دیکھ کے اندازے لگیں
آنکھ جاتی نہیں گہرائی پر
پروین شاکر

 

[ساجد تاج]

ڈھونڈو گے تو مل ہی جائے گا
مگر میری طرح کون تم کو چاہے گا
تمہیں ضرور کوئی چاہتوں سے دیکھے گا
مگر وہ آنکھیں ہماری کہاں سے لائے گا

 

[ساجد تاج]

کسی آنکھ کو صدا دو ، کسی زلف کو پکارو
بڑی دھوپ پڑ رھی ھے کوئی سائباں نہیں ھے
انہی پتھروں پہ چل کے اگر آ سکو تو آؤ
میرے گھر کے راستے میں کوئی کہکشاں نہیں ھے

 

[ساجد تاج]

کیا میں بھی پریشانیِ خاطر سے قریں تھا
آنکھیں تو کہیں تھیں دلِ غم دیدہ کہیں تھا
کس رات نظر کی ہے سوۓ چشمکِ انجم
آنکھوں کے تلے اپنے تو وہ ماہ جبیں تھا
نام آج کوئی یاں نہیں لیتا ہے انہوں کا
جن لوگوں کے کل ملک یہ سب زیرِ نگیں تھا
میر

 

[ساجد تاج]

اس ایک خواب کی حسرت میں جل بجھیں آنکھیں
وہ ایک خواب کہ اب تک نظر نہیں آیا
افتخار عارف

 

[ساجد تاج]

یہ اور بات چشم نہ ہو معنی آشنا
عبرت كا ایک درس تھی، تحریر جو بھی تھی
امجد ہماری بات وہ سُنتا تو ایک بار
آنكھوں سے اُس كو چُومتے، تعزیر جو بھی تھی

 

[ساجد تاج]

کسی کی آنکھ سے سپنے چرا کر کچھ نہیں ملتا
منڈیروں سے چراغوں کو بجھا کر کچھ نہیں ملتا
یہ اچھا ھے کہ آپس کے بھرم نہ ٹوٹنے پایئں
کبھی بھی دوستوں کو آزما کر کچھ نہیں ملتا