متفرق اشعار

[ساجد تاج]

اک پل بغیر دیکھے اسے کیا گزر گیا
ایسے لگا کہ ایک زمانہ گزر گیا
سب کے لیے بلند رہے ہاتھ عمر بھر
اپنے لیے دعاؤں کا لمحہ گزر گیا

 

[ساجد تاج]

اس نے اپنا بنا کر چھوڑ دیا
کیا آسیری تھی ، کیا رہائی ہے

 

[ساجد تاج]

آوارگی میں‌حد سے گزر جانا چاہئے
لیکن کبھی کبھار تو گھر جانا چاہئے
اس بُت سے عشق کیجئے لیکن کچھ اس طرح
پوچھے کوئی تو صاف مکر جانا چاہئے

 

[ساجد تاج]

اسی کی ذات سے منسوب ہے ہر اِک احساس
وہ انجمن میں نہ ہو تو غزل سنائے کون

 

[ساجد تاج]

اسے اپنے فردا کی فکر تھی وہ جو میرا واقفِ حال تھا
وہ جو اس کی صبح عروج تھی وہی میرا وقت زوال تھا

 

[ساجد تاج]

ابھی سے ہوش اُڑے مصلحت پسندوں کے
ابھی میں‌ بزم میں آیا ، ابھی بولا کہاں ؟

 

[ساجد تاج]

اک دیا دل میں‌جلانا بھی، بجھا بھی دینا
یاد کرنا بھی اُسے روز، بھلا بھی دینا
کیا کہوں یہ مری چاہت ہے کہ نفرت اس کی
نام لکھنا بھی مرا، لکھ کے مٹا بھی دینا

 

[ساجد تاج]

اتنی دردناک ہے داستان میری
کہ جس کو سن کر پتھر بھی رودیا ہوگا

 

[ساجد تاج]

آتا ہے وہ خیال میں کچھ بولتا نہیں
تکتا ہے مجھ کو پیار سے لب کھولتا نہیں

 

[ساجد تاج]

اجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہوجائے