متفرق اشعار

[ساجد تاج]

وہ مل گیا ہے تو پھر دل اُداس کیسے ہو
مسرتوں‌میں غموں کا خیال روشن تھا
میں سوچتا تھا مگر سوچنے سے پا نہ سکا
وہ ایک بھید کہ جس کا کمال روشن تھا

 

[ساجد تاج]

بچھڑتے وقت دلوں کو اگرچہ دُکھ تو ہوا
کھُلی فضا میں مگر سانس لینا اچھا لگا

 

[ساجد تاج]

یہ جگہ دل لگانے کی دنیا نہیں ھے
یہ عبرت کی جا ھے تماشہ نہیں ھے

 

[ساجد تاج]

دوستو ترکِ محبّت کی نصیحت ہے فضول۔
اور نہ مانو تو دلِ زار کو سمجھا دیکھو۔۔
(حسرت موہانی)

 

[ساجد تاج]

گر فیصلہ لاحاصل کو جو حاصل کرلے
خلوص کو بھی دل میں شامل کرلے
اسے پانا کوئی ایسا مشکل تو نہیں
نگاہ کو سامنے اور دل میں منزل کرلے

 

[ساجد تاج]

ایک مدّت تک دلِ غمگیں کوسمجھاتےرہے
ضبط غم کرتے رہے، کہنے سے شرماتے رہے
سیرِ کوہ و راغ و دریا روز دِکھلاتے رہے
الغرض سو سوطرح سے دل کو بہلاتے رہے
اب مگر چلتا نہیں دل پر فریبِ آرزو
یوں تو ہم کھایا کئے اکثر فریب ِآرزو

 

[ساجد تاج]

کشتيء دل ہو گئی اُمید کے دریا میں غرق
اور اے تقدیر تکتے رہ گئے ساحل سے ہم

 

[ساجد تاج]

اب تو جینے کی تمنّا دلِ مضطر میں نہيں
وہ یہ کہتے ہیں کہ ہم تیرے مقدّر میں نہیں

 

[ساجد تاج]

میں سادہ دل، آزردگیِ یار سے خوش ہوں
یعنی سبقِ شوقِ مکرّر نہ ہوا تھا

 

[ساجد تاج]

دل کی دل ہی میں رہی بات نہ ہونے پائی
ایک بھی اُن سے ملاقات نہ ہونے پائی