متفرق اشعار

[ساجد تاج]

حرم پاک بھی ، اللہ بھی قرآن بھی ایک
کیا بڑی بات تھی ہوتے جو مسلمان بھی ایک

 

[ساجد تاج]

جمالِ حسنِ قرآں نور جاں ہر مسلماں ہے
قمر ہے چاند اوروں کا ہمارا چاند قرآں ہے
نظیر اس کی نہیں ملتی جہاں میں ڈھونڈ کر دیکھا
بھلا کیوں کر نہ ہو یکتا، کلام پاک رحماں ہے

 

[ساجد تاج]

قرآن ميں ہو غوطہ زن اے مردِ مسلماں
اللہ کرے تجھ کو عطا جدت کردار
اقبال

 

[ساجد تاج]

وہ جنس نہیں ' ایمان ' جسے لے آئیں دکانِ فلسفہ سے
ڈھونڈے سے ملے گی قاری کو یہ قُرآں کے سِی پاروں میں
ـــــــ مولانا ظفر علی خاں ـــــــــــــ

 

[ساجد تاج]

اس دنیا میں خوش قسمت ہے وہی شخص
جس نے قرآن کو سینے سے لگا رکھا ہے

 

[ساجد تاج]

تیری سچّی کتاب دینِ حق کا نصاب
رکھے اس کو اِمام زیست میری تمام
تیرے صادق رسول ﷺ رحمتوں کا نزول
رکھ انہیں راہ نما میرے ہر سانس کا
میرے رحمان رب میرے سبحان رب
میرے رحمان رب میرے سبحان رب

 

[ساجد تاج]

کیوں نھ ھو اسلام معزز دنیا بھر کے دینوں میں
وھاں مذھب کتابوں میں یھاں قرآن سینوں مین

 

[ساجد تاج]

رکھتی ہے مجھے ہر رازِمشیت سے خبردار
ہر لمحہ،ہر اک حال میں ۔ہر سورہ قرآن
مفلس ہے وہی شخص دلِ صدق کے نزدیک
ہو جس کو میسر نہ کوئی حلقہ قرآن

 

[ساجد تاج]

بہت ہی کم پائے اپنے عارف کلام باری نے ہم میں آ کر
سرے سے بگڑا ہے سچ جو پوچھو عرب کا مذہب عجم میں آ کر
اکبر الہ آبادی

 

[ساجد تاج]

قرآن کی شِیرینی ہے شیرینی حقیقی
شیرینی قرآں کا مزا اور ہی کچھ ہے
قرآن ہے اِک رختِ سفر راہِ وفا کا
سب راہوں میں اِک راہِ وفا اور ہی کچھ ہے
قرآن جہاں بھر کی کتابوں سے جدا ہے
رُتبے میں یہ اِک نورِ خدا اور ہی کچھ ہے