محدث بک

[اخت ولید]

خصوصا میرا اور عموما ہمارا المیہ یہ ہے کہ ہم میں سے ہر ایک اپنے منصب اور ذمہ داری کو چھوڑ کر دوسروں کے معاملات میں ٹانگ اڑاتا ہے۔غیر شادی شدہ،شادی شدہ حضرات اور تربیت اولاد کو زیر بحث لائیں گے۔شادی شدہ اپنی زندگی کو سمجھنے کی بجائے غیر شادی شدہ حضرات کا لائحہ عمل تیار کرتے ہیں۔یہ باتیں بالکل بھی نا مناسب نہیں،لیکن ہمیں اپنے شعبے پر پہلے کام کرنا ہے۔اسے توجہ دینی ہے۔اس متعلق ہر ممکن کتاب و مواد دیکھنا ہے۔ایک غیر شادی شدہ لڑکی گھرداری اور بطور بیٹی،بہن اپنے آپ کو بہترین بنانے کی کوشش کرے اسی طرح غیر شادی شدہ لڑکا۔شادی شدہ اپنے آپ میں بہترین بیوی،خاوند کی صفات پیدا کرنے کے ساتھ ساتھ اپنے آپ کو بہترین ماں،باپ بننے کے لیے تیار کرے۔دوسرے موضوعات پر کام کیجیے،ضرور کیجیے لیکن اپنی ذمہ داری کو پورا کرنے کے بعد۔

 

[محمد نعیم یونس]

تقلید کی شرعی حیثیت کو اگر سمجھ سکے تو صرف یہ مقلدین ہی سمجھ سکے ورنہ اُن کے ائمہ سے یہ غلطی ہوئی جنہوں نے ایسی شاندار چیز کی ترغیب تک نہیں دی....ابتسامہ!

 

[ٹرومین]

حقیقت کو جھوٹ کے لبادے میں چھپا کر معصوم و مظلوم ہونے کے نعرے لگانے سے چند لوگوں کو تو ہم قائل کرسکتے ہیں مگر وہ ذات جو تصویر کا ہر رخ ہر سچ جانتی ہے اس کی عدالت میں ہونے والے انصاف سے ہم کبھی نہیں بچ سکتے!
انتخاب​

 

[خضر حیات]

جدید سہولیات نے ہمیں ’ علم کے شوق ‘ کی بجائے ’ معلومات کی ہوس ‘ میں مبتلا کردیا ہے۔
کتابیں دھڑا دھڑ اپلوڈ اور ڈاون لوڈ کی جارہی ہوتی ہیں ، لیکن ان میں لکھا کیا ہے ؟ وہ پڑھنے کی فرصت بہت کم لوگوں کو ملتی ہے ۔
نوٹ : مذمت ’ نہ پڑھنے والے رویے ‘ کی کی گئی ہے ، کتابوں کی نشر و اشاعت کا باعث بننے والا جذبہ لائق تحسین ہے ۔​

 

[عمر اثری]

کتابیں دھڑا دھڑ اپلوڈ اور ڈاون لوڈ کی جارہی ہوتی ہیں ، لیکن ان میں لکھا کیا ہے ؟ وہ پڑھنے کی فرصت بہت کم لوگوں کو ملتی ہے ۔

100 سے بھی اوپر اگر ہو تو اتنا فیصد متفق.

 

[طاہر اسلام]

مدارسِ اسلامیہ حفاظتِ دین کا خدائی انتظام ہیں ، انھیں کوئی طاقت مٹا نہیں سکتی !

 

[اخت ولید]

پردہ پردہ ہوتا ہے۔شرعی غیر شرعی ہماری ذاتی اختراعات ہیں۔​

 

[اخت ولید]

مجھے واٹر فوبیا نہیں لیکن یہ حقیقت ہے کہ میں کھلے پانی سے بہت ڈرتی ہوں۔مینار پاکستان میں چلتی موٹر بوٹ میں شیر خوار بچے بھی بیٹھے تھے لیکن ایک پانچ سالہ بچی کی وجہ سے اس کی والدہ بھی اس کے ہمراہ کنارے کھڑی رہیں۔شعور کی عمر میں بھی جب کہیں ڈیم،پانی،کشتی کا ذکر آتا،مجھے لگتا تھا کہ میں اس پانی سے کبھی واپس نہیں آ سکوں گی۔ایک بڑا سا مگرمچھ کھا جائے گا۔امی جان لاکھ سمجھاتیں مگر وہی انجانا خوف۔میں تو ٹیوب ویل میں بھی ہاتھ پکڑے کھڑی رہتی۔سب بچے کھیلتے،غوطے لگاتے۔مگر مجھے سدھرنا تھا نہ سدھری۔بس یہ ہوا کہ بیتتے سالوں میں گلشن اقبال پارک ہو،خان پور ڈیم ہو یا راول ڈیم یا مینار پاکستان کے احاطے میں چلتی کشتی۔۔۔کوئی بھی نہ بیٹھ سکا لیکن میرا خوف قدرے کم ہوتا جا رہا تھا۔
اس دن راول ڈیم میں اخت علی نے ضد پکڑ لی کہ وہ کشتی میں بیٹھے گی اور اس کے ساتھ کوئی بیٹھنے والا نہیں تھا۔مجھے پتا بھی نہیں چلا کہ میں کیسے راضی ہو گئی؟پانی میں اترے تو مجھے پتا چلا کہ دیو ہیکل کشتی پیڈل والی ہے۔ایک سنسی دوڑ گئی۔اخت علی اس قدر خوش تھی کہ میں اس سے اپنے خوف کا اظہار ہی نہ کر سکی۔گھنٹے ڈیڑھ بعد مجھے احساس ہوا کہ ہم کنارے سےبہت دور آ چکے ہیں،مزید رکے تو واپس جاتے دقت ہو گی۔دیگر کشتیوں میں محترمات اپنے محترم ہونے کا فائدہ اٹھاتے تسلی سے بیٹھی تھیں۔چپکے سےکشتی موڑتے ہوئے ہم دونوں کو یہ شرارت سوجھی کہ ہم سب سے پہلے نکلے تھے ،اب سب سے پہلے واپس جا کر جیتیں گے۔تیزی سے پیڈل چلاتے ایک جیسے کٹاو سے دھوکہ کھا کر ہم کہیں دور نکل آئے۔کنارا قریب آتا محسوس ہوا تو ہم نے ہمت ہار کر کشتی سے گرفت ہٹا دی۔کشتی کھلے پانی میں ڈولنے لگی۔ارادہ تھا کہ کچھ سستانے کے بعد دوبارہ چلیں گے۔ابو مریم کی زوردار آوازیں جب ہوا کے دوش ہم تک پہنچیں تو ہم نے نظر انداز کر دیا۔کشتی ڈولتی رہی اور ہم نے جوابا پوچھا بھی نہیں۔دس پندرہ منٹ بعد وہ ہانپتے کانپتے اپنی کشتی لیے ہمارے قریب پہنچے تو بنا مخاطب کیے ہم دونوں زیر عتاب تھیں۔ام مریم نے ڈانٹا کہ ہم غلطی سے دوسری جانب آ چکے ہیں جہاں پانی بہت گہرا تھا۔ہم نے پیدل پر دباو ڈالا لیکن بے سود۔۔کشتی ڈول رہی تھی۔دباو مزید بڑھایا لیکن کشتی ڈولتی رہی۔غیر محسوس انداز میں کشتی پیچھے گہرے پانی کی طرف کھسک رہی تھی،جس کا ہمیں اتنی دیر سے احساس تک نہیں ہوا تھا۔کشتی آگے بڑھنے کا نام نہیں لے رہی اور مارے خوف کے ہم ہمت ہارتے جا رہے تھے۔آخر اللہ اللہ کر کے کشتی نے کچھ حرکت کی تو ہم نے تھکن کے باوجود حتی الوسعہ دباو برقرار رکھا اور اصل کنارے کی طرف لوٹنے لگے۔
یہ زندگی اسی پانی اور کشتی کا کھیل ہے۔ہم کشتی کی طرح ہیں۔ دنیا سمندر،گہرا پانی گناہ اور کنارہ نیکی ہے۔ہمیں پانی میں زندگی بھر کا سفر کرنا ہے۔یہ طے ہے کہ ہم بغیر اضافی سہولیات کے پانی میں جم کر کھڑے نہیں رہ سکتے،ڈولنے لگیں گے۔پیچھے گہرے پانیوں کی طرف غیر محسوس انداز میں کھسکتے چلے جائیں گے۔آگے بڑھنے کی کوشش کریں گے تو کنارے تک پہنچیں گے۔ہم آگے بڑھنے کی کوشش ہی نہیں کرتے،اس لیے پیچھے کھسک جاتے ہیں۔گہرے پانیوں کی طرف!!ہماری منزل گہرے پانی نہیں،کنارہ ہے جو محنت اور کوشش کا طالب ہے۔

 

[Dua]

جدید سہولیات نے ہمیں ’ علم کے شوق ‘ کی بجائے ’ معلومات کی ہوس ‘ میں مبتلا کردیا ہے۔
کتابیں دھڑا دھڑ اپلوڈ اور ڈاون لوڈ کی جارہی ہوتی ہیں ، لیکن ان میں لکھا کیا ہے ؟ وہ پڑھنے کی فرصت بہت کم لوگوں کو ملتی ہے ۔
نوٹ : مذمت ’ نہ پڑھنے والے رویے ‘ کی کی گئی ہے ، کتابوں کی نشر و اشاعت کا باعث بننے والا جذبہ لائق تحسین ہے ۔​

اور اس سے بھی آگے ایک قلیل تعداد پڑھ کر عمل کرنے والوں کی ہے۔

 

[عمر اثری]

السلام علیکم و رحمۃ اللہ وبرکاتہ
محدث کی حدیث کی ویب سائٹ پر کسی غلطی کی نشاندہی کرنے کے لۓ ایک تھریڈ ہونا چاہیۓ. کئی بار میں نے اس جانب توجہ دلائی ہے.
کئی جگہ غلطیاں ملتی ہیں