محدث بک

[عدیل سلفی]

کسی قوم کی دشمنی انسان کو "تعصب" میں مبتلا کردیتی ہے جس کی وجہ سے وہ اس قوم کے ساتھ غلط رویہ اختیار کر بیٹھتا ہے، پھر اس میں "انصاف اور نا انصافی" کی تمیز باقی نہیں رہتی لیکن امت مسلمہ کا تو مقصد وجود ہی قیام عدل ہے، اس لیے اسے کسی قوم کی دشمنی سے ایسا متاثر نہیں ہونا چاہیے کہ وہ "عدل" کا دامن چھوڑے بلکہ اس کا امتیازی وصف یہ ہونا چاہیے کہ اپنے تمام معاملات میں حتی کہ اپنی سیاسی پالیسی میں بھی وہ عدل و انصاف پر کاربند رہے.
نبی کریم صلی اللہ علیہ وسلم کے "تربیت یافتہ گروہ" میں یہ "وصف" موجود تھا وہ نہ تو اپنے دشمن کی طرف جھوٹی باتیں منسوب کرتے اور نہ ہی ان کے ساتھ غیر اخلاقی رویہ اختیار کرتے حتی کہ جنگ میں بھی وہ زیادتی کے مرتکب نہ ہوتے وہ لاشوں کی بے حرمتی نہ کرتے، بچوں اور بوڑھوں کو قتل نہ کرتے نہ عورتوں کی عزت لوٹتے، اس لیے وہ اس بات کے اھل قرار پائے کہ "عدل کے ساتھ حکومت کریں" اور زمین کو عدل سے بھر دیں.

 

[عدیل سلفی]

اللہ تعالیٰ کا یہ قانون ہے کہ جو شخص کھلے ذہن کے ساتھ "حق" بات سننے سمجھنے کے لیے آمادہ نہیں ہوتا اسے قبول "حق" کی توفیق نہیں بخشی جاتی اور "خواہشات کے حجابات" اس کے دل پر ایسے پڑ جاتے ہیں کہ "داعی" کتنی ہی وزنی دلیل پیش کرے بات اس کے دل میں اترتی ہی نہیں.

 

[ابو حسن]

وہ شخص تباہ و برباد ہو جائے جس پر رمضان آ کر چلا جائے اور اس کی مغفرت نہ ہو، (سنن ترمذی)​

گنتی کے چند ایام باقی ہیں اور یہ برکتوں والا اور مغفرتوں والا مہینہ ہم سے جدا ہوجائے گا اور کس کو خبر کہ وہ پھر آئندہ رمضان پاسکے گا یا نہیں ؟ اپنے قیمتی وقت کو اللہ کی عبادت اور اس سے مغفرت طلب کرکے مزید قیمتی بنائیں نہ کہ جھوٹے لطیفوں، منگھڑت باتوں ، سیاسی نوک جھوک اور غیر ضروری مباحثوں پر ضائع کریں​

اسی طرح فرمایا ​

يَاأَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَلَا تُبْطِلُوا أَعْمَالَكُمْ ​

اے ایمان والو! اللہ کی اطاعت کرو اور اس کے رسول کی اطاعت کرو، اور اپنے اعمال ضائع مت کرو۔ ​

محمد: 33​

امام ابن کثیر رحمہ اللہ ، اللہ تعالی کے فرمان​

وَلْتَنْظُرْ نَفْسٌ مَا قَدَّمَتْ لِغَدٍ​

اور ہر شخص کو یہ دیکھنا چاہیے کہ اس نے کل کیلئے کیا پیش کیا ہے​

الحشر: 18​

کی تفسیر میں کہتے ہیں: "تم خود اپنا محاسبہ کر لو اس سے قبل کے تمہارا محاسبہ کیا جائے، یہ دیکھ لو کہ تم نے اپنے لیے کتنے نیک عمل کیے ہیں جو روز قیامت تمہارے لیے مفید ہوں اور تم اُنہیں اپنے رب کے سامنے پیش کر سکو" ​

اور رسول اللہ ﷺ کا فرمان ہے​

عقلمند وہ ہے جو اپنا محاسبہ کرے، اور موت کے بعد کیلیے تیاری کرے، اور وہ شخص عاجز ہے جو چلے تو نفسانی خواہشات کے پیچھے لیکن امیدیں اللہ سے لگائے​

(حدیث حسن)​

ماضی، حال اور مستقبل کے بارے میں محاسبہ نفس اس طرح ہو گا کہ انسان ہر قسم کے گناہوں سے توبہ کر لے، نیکیوں کو ضائع کرنے والے اعمال سے بچے، اور زیادہ سے زیادہ خیر و بھلائی کے کام کرے۔​

جبکہ بدبختی، ذلت اور رسوائی ، ہوس پرستی اور حرام کاموں کے ارتکاب میں ہے، ایسے ہی نیکیاں ترک کرنے یا نیکیوں کو تباہ کرنے والے اعمال بھی ذلت و رسوائی کا باعث بنتے ہیں۔​

 

[عدیل سلفی]

[آج کل کچھ بکواسات عروج پر ہیں]

کعبہ کے گرد گھومنے سے پہلے کسی غریب کے گھر گھوم آؤ.

مسجد کو قالین نہیں کسی بھوکے کو روٹی دو.

حج اور عمرے پر جانے سے پہلے کسی نادار کی بیٹی کی رخصتی کا خرچہ اٹھاؤ.

مسجد میں سیمنٹ کی بوری دینے سے افضل ہے کہ کسی بیوہ کے گھر آٹے کی بوری دے آؤ.

یاد رکھیں!

دو نیک اعمال کو اس طرح تقابل میں پیش کرنا انسانی ہمدردی نہیں بلکہ عین جہالت ہے، کروڑوں کی گاڑیاں، لاکھوں کے موبائل فونز، ہزاروں کے کھلونے خریدتے وقت ان کو "غریب" یاد کیوں نہیں آتا؟

آخر یہ "چڑ" کعبہ، مسجد، حج اور عمرہ سے کیوں؟

 

[خضر حیات]

اے ’ان پڑھ‘ بھائی

بھائی آپ سے گزارش ہے، تھوڑی بات سن لیں، میں عرض کر رہا ہوں کہ قرآن پڑھنا نہ آتا ہو تو سننا شروع کردينا چاہیے..........
بھائی صاحب شان بے نیازی سے گویا ہوئے : جناب میں تو ان پڑھ بندہ ہوں، کبھی سکول گیا ہوتا تو یہ باتیں بھی پلے پڑ جاتیں۔
اورپھر یہ بھولا بھالا ان پڑھ نوجوان سام سنگ موبائل سے تصویر کشی کا شوق پورا کرنے میں مصروف ہوگیا۔
یہ کیسے ان پڑھ ہیں کہ ایک طرف دنیا کے جدید ترین شیطانی آلات کو استعمال کرتے ہیں ، لیکن جب اللہ کے دین کی باری آتی ہے تو یہ حروف ہجا سے بھی جاہل دکھائی دیتے ہیں؟
میرے ان پڑھ بھائی جس موبائل سے تم ویڈیو کال کرتے ہو، ساری دنیا کو میسیج کرتے ہو، تصویروں پر نت نئئ شاعری کرتے کرواتے ہو، لائک کمنٹ مارتے ہو، کیا اس موبائل سے تم قرآن نہیں سن سکتے ؟ تم اس سے سن سن کر پڑھنے کےقابل نہیں ہوسکتے؟
تمہیں موبائل پر لکھا ہوا سمجھ نہیں آتا، کہ تم ان پڑھ ہو، لیکن تڑپ و جستجو سے تمہیں اس کی سکرین کے نقش ونگار یاد ہوگئے ہیں، کیا روزانہ پندرہ بیس منٹ دینی تعلیم کے لیے اسی موبائل کو استعمال کرنے سے تمہیں دینیات کا علم حاصل نہیں ہوگا؟ کیا تم ساری زندگی نت نئے موبائلز کی شیطانیوں میں ہی گزار دو گے؟ اے مسلمان ! کیا واقعتا دینی تعلیمات تیرے نصیب میں نہیں ہیں؟

 

[ابو حسن]

کینیڈا میں رؤیت ہلال کی طرف سے شوال کے ہلال کے شواہد نہ ملنے پر 30 رمضان پورے کیے جائیں گے

الحمدللہ حمدا کثیرا​

تمام تعریفیں اسی ذات کیلئے خاص ہیں جو توبہ پر معاف کرنے والا ہے اور جو تھوڑے پر زیادہ عطا کرنے والا اور سب سے بڑھ کر اپنے بندوں کا اکرام کرنے والا اور جو نادمین کے گناہوں پر درگزر کرنے والا اور جو اس سے مانگے تو اس پر خوش ہوتا ہے اور جو منہ موڑے اس پر غضبناک ہوتا ہے اور جس کو اسکی محبت حاصل ہوگئی وہ کامیاب ہوگیا اور بے شک اسکی محبت سیدالاولین و الاخرین ﷺ کی سنت پر عمل کرتے ہوئے ہی حاصل ہوسکتی ہے اور جس نے سیدالاولین و الاخرین ﷺ کے مبارک طریقہ سے منہ موڑا وہ اپنی دنیا و آخرت کو برباد کربیٹھا اور جس نے سنت کی بجائے بدعت کے راستہ کو اختیار کیا وہ حوض کوثر سے لوٹا دیا گیا اور نامراد ٹھہرا

بے شک ایک اور روزہ ملنا سعادت ہے اور مزید اللہ تعالی سے اجر و ثواب پانے اور توبہ استغفار کرنے کا ذریعہ ہے اس پر جتنا شکر کروں کم ہے​

 

[ابو حسن]

بعض لوگ اہلِ علم کی بجائے اپنے جیسوں کو ہی ہم اہلِ علم سمجھ کر انہی کے فتوؤں سے مستفید ہوتے پھرتے ہیں اور اسی زعم میں اپنے آپ کو بھی دھوکہ دے رہے ہوتے ہیں حالانکہ وہ علم کم اور خود فریبی میں زیادہ مبتلا ہوتے ہیں

اور اگر کوئی قرآن و سنت کی روشنی میں کسی ایسے عمل کی طرف توجہ مبذول کروائے جو کہ خلاف قرآن و سنت ہو ؟ تو وہ شخص ہمیں اچھا نہیں لگتا بلکہ ظاہری دینداری کا لبادہ اوڑھے ہوئے وہ شخص ہمیں اپنا محسوس ہوتا ہے جو ہماری غلطیوں پر ہماری اصلاح کی بجائے ہماری تعریف کرتا ہے

اللہ تعالی ہمیں حقیقی اہل علم سے مستفید ہونے کی توفیق عطا فرمائے اور نام نہاد اہل علم کے شر سے محفوظ رکھے اور ایسے حقیقی دوست نصیب فرمائے جو ہماری غلطیوں پر ہمیں تنبیہ و نصیحت کرے اور ہماری غیر حاضری میں ہماری حقیقی و جائز تعریف بیان کرے ،آمین​

 

[خضر حیات]

جو مسجد میں سیمنٹ کی بوری دیتے ہیں، وہی مسکین کو کھانا بھی کھلاتے ہیں، بے دین لوگ عموما دونوں نیکیوں سے محروم رہتے ہیں۔

 

[ابو حسن]

سعودی حکومت کی جانب سے کفارہ۔۔۔ ؟؟؟
انتہائی بھونڈا جھوٹ ہے!!

یہ سب " ابن سباء کی آل و اولاد " کا کارنامہ ہے جو خاص طور پر ایران میں
اور عمومی طور پر خطہ ارض کے مختلف مقامات میں قیام پذیر ہے

یہ طریقہ بھی عیسائیوں والا ہے کہ " لوگوں کے گناہوں کی وجہ سے عیسی علیہ السلام (نعوذ باللہ) سولی پر لٹک گئے "

اور یہی کھیل ابن سباء کی اولاد نے کھیلنے کی کوشش کی کہ روزے کا کفارہ حکومت نے ادا کیا ؟

یہانپر ابن سباء کی آل و اولاد کیلئے پنجابی میں محاورہ لکھنا پڑے گا کہ

" لا جتی لوے تے پیشاب وچ بھگو بھگو کے ابن سباء دی آل و اولاد نو مارے تے گنے اک وی نہ ؟ "

تواڈا کی خیال اے جتیاں نال سواگت کرن بارے ؟

اردو" جوتی نکال کر پیشاب میں بھگو بھگو کر ابن سباء کی آل و اولاد کو مارے گنے ایک بھی نہ "

آپ کا کیا خیال ہے جوتیوں کےساتھ سواگت کرنے سے متعلق ؟​

 

[عدیل سلفی]

فکری انحراف، عملی انحراف سے کہیں زیادہ خطرناک ہوتا ہے اور اصل منحرف ہوتا ہی وہ ہے جو فکری طور پر منحرف ہو، چاہے اس کے بعض اعمال درست ہی کیوں نہ ہوں، جس کی فکر درست ہو اس کی عملی کوتاہی کے باوجود اس سے کبھی نہ کبھی خیر کی امید کی جاسکتی ہے، جبکہ فکری منحرف سے کسی بھی وقت بے خوف نہیں ہوا جاسکتا.