محدث بک

[خضر حیات]

حج وعمرہ کی ادائیگی میں لاپرواہی

لاکھوں لگا کر ائیرپورٹ میں داخل ہونے نکلنے یا جہاز پر چڑھنے اترنے کا نام حج وعمرہ نہیں...بلکہ اصل چیز حج وعمرہ ہے، جس کی تعلیمات ازبر ہوں گی، تو درست طریقے سے ہوگا... یہ کوئی بات ہے کہ حاجی صاحب کو کو ارکان حج وعمرہ تک کا بھی علم نہ ہو... کوئی طواف کرکے سعی سے قبل ٹنڈ کروا رہا ہے... کوئی مزدلفہ نہیں گیا، کسی نے طواف افاضہ نہیں کیا... اور گھر پہنچ گیا ہے.... کبھی کوئی ان پڑھ سے ان پڑھ بندہ بھی ہاتھ پر ایگزٹ انٹروی لگوا کر نہیں آتا جاتا... حکومتی پروسیجر اس کو فالو کرناہی پڑتا ہے.... لیکن جب باری اصل معاملے کی آتی ہے تو سارے ان پڑھ بن جاتے ہیں... اور دین کا بیڑھ غرق کرکے رکھ دیتے ہیں۔
اللہ تعالی ہدایت دے... تب تک ویزہ کی مہر نہیں لگنی چاہیے... جب تک حج عمرہ کے بنیادی مسائل یاد کرنےکا سرٹیفکیٹ ساتھ نتھی نہ ہو۔

 

[ابن داود]

السلام علیکم ورحمۃ اللہ وبرکاتہ!
اسلامی جمہوریہ پاکستان کو "ریاست مدینہ" بنانے کے دعویدار اور ان کی پیرنی اہلیہ عمرہ کے لوازمات کے بغیر عمرہ ادا کریں تو اس مملکت کی عوام کا اندازہ لگایا جاسکتا ہے کہ وہ انہیں سے امید لگائے ہوئے ہیں!

 

[ابو حسن]

کون پرسان حال ہے میرا

زندہ رہنا کمال ہے میرا

تو نہیں تو ترا خیال سہی

کوئی تو ہم خیال ہے میرا

میرے اعصاب دے رہے ہیں جواب

حوصلہ کب نڈھال ہے میرا

چڑھتا سورج بتا رہا ہے مجھے

بس یہیں سے زوال ہے میرا

سب کی نظریں مری نگاہ میں ہیں

کس کو کتنا خیال ہے میرا

یہ اشعار آجکل کے حالات کے تناظر میں برما ، فلسطین ، کشمیر ، سوریا ،عراق و لیبیاء اور چینی ایغورمسلمان اور باقی مظلومین کی ترجمانی کررہے ہیں​

 

[ابو حسن]

عالم کفر میں شدید خوف کی لہر دوڑ گئی

وہ تو شکر ہے کہ انہوں نے اپنا ناچنے والا ہتھیار استعمال نہیں کیا ورنہ؟

ورنہ پورا عالم کفر گھٹنے ٹیک دیتا​

اب راج کرے گی قوم یوتھ

نوٹ : سنجیدہ پوسٹ پر ہنسنا سختی سے منع ہے

 

[عدیل سلفی]

جب اللہ سے مانگو تو خوب ڈٹ کر مانگو، اس کے لئے نمک کی ڈلی اور تختِ بادشاہی ایک برابر ہیں، اس ربِ ذوالجلال کی رحمت ایک غریب کی جھونپڑی پر بھی برستی ہے اور قیصر شاہی کے محل پر بھی دونوں کے لئے اس نے کُن ھی کہنا ہے، مانگ مانگ کر لینا نبیوں کی عادت ہے، اور یہ سب سے بڑی عبادت ہے، الدعا مخ العبادہ دعا تو بندگی کا جوہر ہے، الدعا ھو العبادہ دعا ہی تو عبادت ہے، نہ ملنے کے باوجود مانگنے والا اس سے افضل ہے جس نے مانگا اور اسے مل گیا!!!

 

[عدیل سلفی]

انسان کے پختہ ہونے میں "مشکلات" اہم کردار ادا کرتی ہیں، جن لوگوں کی زندگی میں آسانیاں ہی آسانیاں ہوں ان کی شخصیت میں جھول رہ جاتا ہے وہ کمزور شخصیت کے مالک ہوتے ہیں، بالکل اسی طرح جیسے مٹی کو گوندھ کر اینٹ کی شکل دی جاتی ہے پھر اسے دھوپ پر سُکھایا جاتا ہے، اب وہ اینٹ تو ہوتی ہے مگر کچی اور کمزور، اور جب اسی اینٹ کو بھٹی میں ڈال کر پکایا جاتا ہے تو وہی اینٹ تپ کر کندن بن چکی ہوتی ہے خود بھی مضبوط ہوچکی ہوتی ہے اور اپنے ارد گرد کو بھی مضبوطی عطا کرتی ہے، مشکلات سے گھبرائیے نہیں یہ تو صرف آپ کی کمزوری دور کرنے آتی ہے.

 

[خضر حیات]

دلیل، قرینہ، لازم، کلی جزئی، عام خاص اور استنثاء وغیرہ وغیرہ، ان سب کی خاص حیثیتیں ہیں، ان فروق کو سمجھے بغیر اکھاڑہ تو قائم ہوسکتا ہے، کسی مسئلہ کی حقیقت تک پہنچنا ممکن نہیں۔
میری نظر میں ایک مؤمن کے ایمان کے لیے جو سب سے حساس ترین معاملہ ہے، وہ ’مشاجرات صحابہ‘ ہے، علم وعقل سے غافل لوگ اس حساس معاملے میں گفتگو کرتے ہیں، اور وہ بھیالفاظ ومدلولات کی سابقہ حیثیتوں سے یکسر غافل ہوکر. اور اوپر سے یہ زعم بھی چڑھا ہوا ہے کہ ہم کسی کے مقلد نہیں، ذرا پرواہ نہیں کرتے کہ ہماری غافلانہ تحقیق ہمارے ایمان کا بیڑہ غرق کر رہی ہے۔ دیکھیے صحابہ تو ’معیارِ ایمان‘ ہیں، لعنت کریں اس تحقیق پر جو آپ کو کسی ایک بھی صحابی سے متعلق بدکلامی و بدگوئی تو دور کی بات بدظنی میں ہی مبتلا کردے۔
بہت بہادری و جراتمندی ہے ان لوگوں کی، جو ان حساس مسائل میں روانی سے مضامین و کتابیں لکھی جاتے ہیں... اور پھر اپنی پسندیدہ رائے کے اثبات میں بسیار نویسی سے بھی کوئی جھجک محسوس نہیں کرتے.
ربنا اغفرلنا ولإخواننا الذين سبقونا بالإيمان ولا تجعل في قلوبنا غلا للذين آمنوا ربنا إنك رؤف رحيم

 

[بھائی جان]

لوگ اپنا یا اپنے بڑوں کا شملہ اونچا رکھنے کے لئے کوشاں نظر آتے ہیں آخرت کی فکر کرتے نظر نہیں آتے۔ الا ماشاء اللہ

 

[عدیل سلفی]

"شور" اور "شعور" کے درمیان ایک "ع" کا فرق ہے اور وہ "ع" "علم" ہے، یاد رکھیں! شور کرنے والے علم اور شعور سے خالی ہوتے ہیں۔

 

[بھائی جان]

شعور سے اگر ع (عقل) نکال دیا جائے تو شور رہ جاتا ہے ۔
بے عقل شور مچانے میں ماہر ہوتا ہے۔