موسوعۃ القرآن والحدیث ورژن 4

[عبدالرحیم رحمانی]

کیا سوفٹ وئیر رن ہوا یا نہیں؟

ہوگیا الحمد للہ
لیکن کبھی کبھی ایرر آجاتا ہے

 

[ابوطلحہ بابر]

ابھی احباب سے مشورہ جاری ہے کہ مسند احمد کے کس نسخہ پر کام کیا جائے۔

مسند احمد کی دو تحقیقات بہترین ہیں:

پہلی: سب سے تفصیلی اور کامل تخریج وتحکیم تو ابھی تک شیخ شعیب ارناؤط کی ہی ہے۔ یہ با آسانی شاملہ سے مل جائے گی اور اس تحقیق کو اختصار سے بھی آن لائن لگایا گیا ہے جس میں صرف تحکیم ہے تخریج کے بغیر۔

دوسری: مکتبہ دار السلام سے جو مسند احمد طبع ہوئی ہے اس میں صرف تحکیم ہے تخریج نہیں، اور اس کی تحکیم کو پاکستان کے چند کبار علماء نے دیا ہے، جن میں سر فہرست شیخ المحدث ارشاد الحق اثری حفظہ اللہ ہیں۔ اس کے علاوہ اس ٹیم میں: حافظ مسعود عالم، حافظ محمد شریف، شیخ خبیب احمد، اور دیگر علماء شامل ہیں۔

اس کے علاوہ مسند احمد کا جو اردو ترجمہ مطبوع ہے اس میں احادیث کے ساتھ جہاں جہاں ممکن ہے وہاں شیخ البانی ودیگر علماء کی تحکیم بھی شامل کی گئی ہیں۔

معلومات بشکریہ @رضا میاں بهائی​

 

[ابوطلحہ بابر]

الحمدللہ! مسند احمد پیش کرنے کا سلسلہ جاری کر دیا ہے۔
جیسے جیسے ٹیکسٹ فائنل ہوتا جائے گا سائٹ پر پیش کیا جاتا رہے گا۔
اس میں تحکیم الشیخ شعيب الأرناؤوط كی ہے۔
مسند احمد ربط ​

 

[عدیل سلفی]

السلام علیکم ورحمتہ اللہ وبرکاتہ

یہ مکمل ایپ اینڈرائیڈ کے لیے بھی آئے گی؟

 

[ابوطلحہ بابر]

السلام علیکم ورحمتہ اللہ وبرکاتہ

یہ مکمل ایپ اینڈرائیڈ کے لیے بھی آئے گی؟

وعلیکم السلام ورحمۃ اللہ وبرکاتہ
جی ان شاء اللہ اینڈرائیڈ کے لیے بھی آئے گی۔

 

[ابوطلحہ بابر]

ایک نیا فیچر پیش کرنے والا ہوں کچھ دن تک ان شاء اللہ جو علماء کرام ، قرآن و حدیث کے طلباء و طلبات کے لیے بہت مفید ثابت ہو گا۔

 

[ابوطلحہ بابر]

ایک نئی سہولت
الحمدللہ! ہم ویب سائٹ پر ایک نئی سہولت مہیا کر رہے ہیں جو ان شاء اللہ علماء کرام، قرآن و حدیث کے طلباء و طالبات کے لیے بہت مفید ثابت ہو گی۔ سہولت یہ ہے کہ اب آپ اپنے مرتب کردہ مضامین و شذرات کو بھی متعلقہ حدیث کے تحت محفوظ کر سکیں گے۔

سہولت کی وجہ
قرآن و حدیث کے طلباء و طالبات جب مدارس میں تعلیم حاصل کرتے ہیں تو انہیں قرآن پاک کی تفسیر اور حدیث سے متعلقہ بہت سے اہم نقطات کا اپنے اساتذہ سے، مختلف کتب سے، اور دیگر ذرائع سے آگاہی حاصل ہوتی ہے وہ دیکھتے ہیں کہ فلاں کتاب میں اس حدیث کی توضیح، تشریح، و فوائد و مسائل پر روشنی ڈالی گئی ہے، پھر کسی دوسری کتاب میں مختلف زاویے سے اس پر بات کی گئی، فلاں محدث نے اس کی تحکیم میں یہ یہ پیش کیا ہے۔ وغیرہ وغیرہ

پرابلم ایریا
اگر دوبارہ سے چند ماہ بعد یا سال بعد انہیں نکات کو دیکھنا ہوں جو پہلے کبھی دیکھے، پڑھے تھے ان کو حاصل کرنے میں بہت مشکلات پیش آتی ہیں اور بعض مرتبہ ان خاص نکات کا علم بھی نہیں ہو پاتا جو کبھی پڑھے تھے۔

حل
اس مشکل کو سامنے رکھتے ہوئے ہم نے یہ سہولت مہیا کی ہے کہ آپ ان نکات کو اپنے سیکشن میں محفوظ کر سکیں گے۔

سہولت سے کیسے مستفید ہوں گے
سب سے پہلے آپ ایک خاص لنک پر جائیں گے اپنے آپ کو رجسٹر کر لیں گے پھر لاگ ان کر کے اپنا سیکشن اوپن کر لیں گے اور حدیث کے تحت اپنی عبارت محفوظ کر لیں گے۔ آپ کی عبارت صرف آپ کے لیے ہی ظاہر گی آپ لاگ ان کر کے اس سے استفادہ حاصل کریں گے۔

جلد حصول
بعض مرتبہ ایسا ہوتا ہے کہ ہم بھول جاتے ہیں کہ ہم نے کس حدیث کے تحت اپنا ریکاڈ محفوظ کیا تھا تو اس مشکل کو مدنظر رکھتے ہوئے میرے اسباق کے نام سے ایک لنک مہیا کیا گیا ہے جس میں آپ اپنے اسباق جو آپ نے محفوظ کیے ہیں وہ دیکھ سکیں گے۔

پرنٹ کی سہولت
پرنٹ کی سہولت بھی رکھی گئی ہے آپ اپنے محفوظ کردہ نکات کا پرنٹ نکال سکتے ہیں۔

پی ڈی ایف کی سہولت
پی ڈی ایف کی سہولت بھی رکھی گئی ہے آپ اپنے محفوظ کردہ نکات کی پی ڈی ایف فائل بھی بنا سکتے ہیں۔

سہولت ورژن 1
چونکہ یہ نئی سہولت ہے اس لیے اس میں ابھی آپ محدود تعداد میں ریکاڈ سیو کر سکیں گے تاہم بعد میں اس کو بڑھا دیا جائے گا۔

اہلیت
یہ سہولت صرف علماء کرام اور قرآن و حدیث کے طلباء و طالبات کے لیے ہے۔

ویڈیو سیمپل
ہم نے کچھ ریکارڈ محفوظ کیے ہیں آئیے انہیں دیکھتے ہیں کہ یہ کیسے لکھے اور دیکھے جائیں گے۔​

Download video

Register yourself
​

 

[اسحاق سلفی]

ایک نئی سہولت
الحمدللہ! ہم ویب سائٹ پر ایک نئی سہولت مہیا کر رہے ہیں جو ان شاء اللہ علماء کرام، قرآن و حدیث کے طلباء و طالبات کے لیے بہت مفید ثابت ہو گی۔

ما شاء اللہ ۔۔۔۔ الحمد للہ
دینی علوم اور شرعی معلومات کے نشر واشاعت کیلئے آپ بہت مفید اقدام اٹھا رہے ہیں ،جزاکم اللہ تعالی خیراً
اللہ تعالی آپ اور اس معاملہ آپ کا ساتھ دینے والوں کو اجر عظیم سے نوازے اور مزید کی توفیق عطا فرمائے ۔آمین

 

[عدیل سلفی]

السلام علیکم ورحمتہ اللہ وبرکاتہ

ٹائپنگ پروجیکٹ میں حصہ لینے کے لیے کیسے رجسٹریشن ہوگی؟

http://chkeqp.com/dn/islamicurdubooks/typing/bookcon/login-form.php

یہ پرانا لنک کام نہیں کر رہا یے!

 

[ابوطلحہ بابر]

السلام علیکم ورحمتہ اللہ وبرکاتہ

ٹائپنگ پروجیکٹ میں حصہ لینے کے لیے کیسے رجسٹریشن ہوگی؟

وعلیکم السلام ورحمۃ اللہ وبرکاتہ
ٹائپنگ ایپلیکیشن بند ہو گئی ہے ۔