میرے پسندیدہ اشعار

[محمد باقر]

قضا کے سامنے بے کار ہوتے ہیں ہواس اکبر
کُھلی ہوتی ہیں گو آنکھیں مگر بِینا نہیں ہوتیں

 

[فہد ظفر]

اب وفا کی امید بھی کس سے کریں بھلا ​

مٹی کے بنے لوگ کاغذ میں بک جاتے ہیں

 

[ابن طاھر]

ہوتی نہیں دعا ترک عشق کی قبول۔۔۔
دل ہی نہ چاہتا ہو تو زباں میں اثر کہاں

 

[محمد باقر]

نازک بہت ہیں پاؤں مرے نونہال کے

آنکھیں بچھائے حور تو پلکیں نکال کے​

وہ سو رہے ہیں منہ پہ دوپٹہ جو ڈال کے

کن حسرتوں سے تکتے ہیں ارماں وسال کے​

کیا کیا تھے شوق آج عروسِ جمال کے

اندھیر تو نے کر دیا گھو نگھٹ نکال کے​

برسات میں یہ اُن کی ادا دے گئی مزا

چلنا اٹھا کے پائنچے دامن سنبھال کے​

کم سِن ہیں ڈر نہ جائیں وہ شکل اس کی دیکھ کر

شب آئے منہ پہ چادرِ مہتاب ڈال کے​

ہالہ میں چاند دیکھ کے یاد آگیا مجھے

کھڑکی سے جھانکنا وہ ترا منہ نکال کے​

آیا جو چاند ابر میں آنکھوں میں پھر گیا

آنا وہ شب کو رُخ پہ نقاب اُن کا ڈال کے​

یوں کوندتی ہیں ابر میں رہ رہ کے بجلیاں

یاد آئیں جیسے ہجرکی شب ،دن وصال کے​

ابر سیہ میں برق منور نہیں حسن
آیا ہے مانگ کوئی پریرو نکال کے

 

[مشکٰوۃ]

سمجھ سمجھ کر سمجھ کو سمجھ
جو سمجھ سمجھ کر سمجھ کو نہ سمجھے
تو سمجھو وہ ہےبڑا ہی نا سمجھ!​

 

[محمد باقر]

ترک دنیا کر نہ ہر لذت کو چھوڑ

معصیت کو ترک کر غفلت کو چھوڑ​

نفس و شیطاں لاکھ در پے ہوں
تو نہ ہر گز ذکر اور طاعت کو چھوڑ

 

[محمد باقر]

آئے تھے کہنے حالِ دل بیٹھے ہیں لب سئے ہوئے

نیچی نظر کئے ہوئے اپنا سا منہ لئے ہوئے​

چھیڑو نہ ہم کو زاہدو بیٹھے ہیں ہم پئے ہوئے

چاہتے ہو جو لَوٹنا زہد کو تم لئے ہوئے​

کیسے گئے تھے شوق سے لینے اس آشنا کو ہم

ویسے کے ویسے آگئے اپنا سا منہ لئے ہوئے​

جان سے عزیز کیوں مجھ کو نہ ہوں یہ داغِ دل

ہائے کسی کو کیا خبر کس کے ہیں یہ دئے ہوئے​

کہنے کو ہجر ہے مگر دل کی کسی کو کیا خبر

پھرتے ہیں اُس نگار کو پہلو میں ہم لئے ہوئے​

ہوگئے زندہ مردہ دل جب یہ سنا کہ وہ آئیں گے

جب یہ سنا نہ آئیں گے مر گئے پھر جئے ہوئے​

چاہتے ہیں نہ فاش ہو اُن کو جو مجھ سے ربط ہے

رہتے ہیں سب کے سامنے خود کو جو وہ لئے ہوئے​

 

[جوش]

مشکوۃ صاحب اس کے علاوہ کویی چارہ بھی تو نہیں ہے۔اسی لیے میں مسلسل کہتا رہتا ہوں ۔۔ میں ہوں بیوطن مسافر مرا نام بیبسی ہے۔۔ مرا کویی بھی نہیں ہے جو گلے لگا کے رووے۔

 

[جوش]

محمد باقر صاحب آپ بھی ماشااللہ دل والے لگتے ہیں اور ہونا بھی چاہیے آپکا یہ شعر مجھے بہت پسند آیا۔۔کہنے کو ھجر ہے مگردل کی کسی کو کیا خبر۔پہرتے ہیں اس نگار کو پہلو میں ہم لیے ہوے ۔۔ اللہ کرے جوش جنوں اور زیادہ۔

 

[محمد شاہد]

سمجھ سمجھ کر سمجھ کو سمجھ
جو سمجھ سمجھ کر سمجھ کو نہ سمجھے
تو سمجھو وہ ہےبڑا ہی نا سمجھ!​

سمجھ سمجھ کے سمجھ کے سمجھو
سمجھ سمجھنا بھی ایک سمجھ ہے
سمجھ سمجھ کے بھی جو نہ سمجھے
میری سمجھ میں وہ نہ سمجھ ہے
‎