میرے پسندیدہ اشعار

[محمد باقر]

لو کام حیا سے ، بے حیائی نہ کرو

مخلوقِ خدا سے کج ادائی نہ کرو​

تم نے بھی دینا ہے کہیں جا کے جواب

نیکی نہیں ہوتی تو بُرائی نہ کرو​

 

[محمد باقر]

کیا فائدہ اُس گھڑی کہ جب آؤ گے

بے کار ہے پھر ،اگر نہ اب آؤ گے​

تیار ہے قبر ،اُٹھ چکی ہے میت

تم اب بھی نہ آ سکے تو کب آؤ گے​

 

[محمد باقر]

گنجینہِ عرفان سمجھ کر پڑھئیے
سرمایئہ ایمان سمجھ کر پڑھئیے
الفاظ کے ساتھ ہو معانی پہ نظر
قرآن کو قرآن سمجھ کر پڑھئیے

 

[اخت ولید]

چوٹ جن کی نظر نہیں آتی
کتنے گہرے وہ وار ہوتے ہیں
​

اور جن پر کوئی چوٹ اثر نہیں کرتی۔۔وہ انسان کتنے گہرے ہوتے ہیں!!!:)

شہر آئے تو سمندر نے اسے چھین لیا
عکس لائے تھےجو اک گاؤں کے تالاب سے ھم​

 

[مشکٰوۃ]

اور جن پر کوئی چوٹ اثر نہیں کرتی۔۔وہ انسان کتنے گہرے ہوتے ہیں!!!:)

گہرے نہیں ہوتے "ڈھیٹ " ہوتے ہیں ۔۔آپ نے گہرے لوگوں کو دیکھا وہ بہت خاموش ہوتے ہیں۔

لوگ منتظر ہی رہے کہ ہمیں ٹوٹتا دیکھیں
ہم زخم سہتے سہتے" پتھر" کے ہوگئے!​

 

[مشکٰوۃ]

ہر راہِ زیست اس قدر دشوار ہوگئی
منزل کا کوئی راستہ آساں نہیں رہا
کہنے کو یوں تو سینکڑوں ہیں آدمی مگر
افسوس ان میں کوئی بھی انساں نہیں رہا​

جاوید قیصر​

 

[مشکٰوۃ]

کچھ نہ کہنے سے چھن جاتا ہے اعزازِ سخن
ظلم سہنے سے بھی ظالم کی مدد ہوتی ہے!​

 

[ماریہ انعام]

ہوئے مدفونِ دریا ‘ زیرِ دریا تیرنے والے
طمانچے موج کے کھاتے تھے جو‘ بن کر گہر نکلے​

 

[ماریہ انعام]

حق نے کی ہیں دوہری دوہری خدمتیں تیرے سپرد
خود تڑپنا ہی نہیں اوروں کو تڑپانا بھی ہے!!!!
خود سراپا نور بن جانے سے بھلا کب چلتا ہے کام
تجھ کو اس ظلمت کدے میں نور پھیلانا بھی ہے​

 

[ماریہ انعام]

میں فقط خاک ہوں مگر محمدﷺ سے ہے نسبت میری
یہ ایک رشتہ ہے جو میری اوقات بدل دیتا ہے!!!!​