میرے پسندیدہ اشعار

[مشکٰوۃ]

عدل کی تلوار سے ہے حق و باطل میں تمیز
عدل ہے ایمانِ مومن،مرضی پروردگار
عدل کی میزان میں لعل و جواہر ہی نہیں
بے حقیقت سنگریزوں کو بھی کرتی ہے شمار​

 

[مشکٰوۃ]

قدرت کے اشاوں کو سمجھتا ہے جو دانا
ناداں سے کسی بات میں کرتا نہیں تکرار
محرومِ خرد ، دہر گزیدہ ہے یہ حیرت
دنیا کا یقیں ،خالقِ دنیا سے ہے انکار​

 

[مشکٰوۃ]

مزہ دیتی ہیں زندگی کی ٹھوکریں ان کو
جنہیں نامِ اللہ لے کر سنبھل جانے کی عادت ہو​

 

[مشکٰوۃ]

غیرتِ حق نے رونے دیا نہ ہمیں
داغ سینوں میں ہی بس چھپاتے رہے
رات جب تک رہی ہم بھی جلتے رہے
جب تلک نہ پلٹ کر ستارے گئے​

احسن عزیز رحمہ اللہ​

 

[مشکٰوۃ]

مجھے خاک میں ملا کر میری خاک بھی اڑا دے
تیرے نام پر مٹا ہوں مجھے کیا غرض نشاں سے​

 

[مشکٰوۃ]

تلاطم ہائے بحر زندگی سے خوف کیا معنی
جو دیوانے ہیں وہ موجوں کو بھی ساحل سمجھتے ہیں​

 

[اخت ولید]

ہر جابرِ وقت سمجھتا ہے، محکم ہے میری تدبیر بہت
پھر وقت اسے بتلاتا ہے تھی کند تری شمشیر بہت

​

 

[sadia]

ان تازہ خداؤں ميں بڑا سب سے وطن ہے
جو پيرہن اس کا ہے ، وہ مذہب کا کفن ہے

جو پيرہن اس کا ہے ، وہ مذہب کا کفن ہے اسکی وصاحت کر دیں؟؟ اس سے کیا مراد ہے ؟؟

 

[محمد باقر]

تیرے آنے کا احتمال رہا
مرتے مرتے یہی خیال رہا

 

[محمد باقر]

دیکھ الفت کہ نہ چھوڑا اُس نے مجھے تنہا

اپنے کوچہ سے نکالا تو قضا کے ہمراہ​