میرے پسندیدہ اشعار

[مشکٰوۃ]

خود بخود چھوڑ گئے ہیں تو کوئی بات نہیں
اتنے احباب کہاں مجھ سے سنبھالے جاتے
ہم بھی غالب کی طرح کوچہِ احباب سے محسنؔ
نہ نکلتے تو کسی روز نکالے جاتے​

 

[محمد باقر]

کیوں تذکرہ قبر سے کتراتا ہے

میت کوئی اُٹھتی ہے تو ڈر جاتا ہے​

تجھ کو تو بڑا گھمنڈ تھا ہستی پر

اب موت ہے سامنے تو گھبراتا ہے؟​

 

[محمد باقر]

سرد آہ نہ بھر ، مزاج برہم نہ کر

یوں دائرہِ نشاط کو کم مت کر​

مایُوس نہ ہو جو سب تجھے چھوڑ گئے

اللہ کا آسرا تو ہے ،غم مت کر​

 

[محمد ارسلان]

عذابِ دوزخ کے ڈر سے توبہ ،یہ بہرِ حُور و قُصور سجدے
یہ تیری اُجرت طلب عبادت ،حقیقتا" بندگی نہیں ہے

http://forum.mohaddis.com/threads/کتاب-و-سنت-کے-خلاف-شعر-کا-رد.24715/

 

[محمد ارسلان]

چوٹ جن کی نظر نہیں آتی
کتنے گہرے وہ وار ہوتے ہیں
​

بہت سخت

 

[محمد ارسلان]

نہ جانے ہو گیا ہوں اس قدر حساس میں کب سے
کسی سے بات کرتا ہوں تو آنکھیں بھیگ جاتی ہیں
تیرے کوچے سے اب میرا تعلق واجبی سا ہے
مگر جب بھی گزرتا ہوں تو آنکھیں بھیگ جاتی ہیں

 

[مشکٰوۃ]

اتنی ہی دشوار اپنے عیب کی پہچان ہے
جس قدر کرنی ملامت غیر کو آسان ہے​

الطاف حسین حالی​

 

[مشکٰوۃ]

عدل و انصاف فقط حشر پہ موقوف نہیں
زندگی خود بھی گناہوں کی سزا دیتی ہے ​

 

[مشکٰوۃ]

نہ یہ غم نیا ،نہ ستم نیا کہ تیری جفا کا گلہ کریں
یہ نظر تھی پہلے بھی مضطرب یہ کسک تو دل میں کبھو کی ہے :)

کوئی غلط مطلب نہ لے:)​

 

[محمد باقر]

نام نہاد شیخ الاسلام کے نام

جس کی فطرت ہو عیب شر سے مَملُو

صُحبت سے وہ اچھوں کی نہ ہوگا خُوش خُو​

رہتی ہے اگرچہ رات دن پانی میں

جاتی نہیں مچھلی کے بدن سے بد بو​