ناموں کے چناؤ میں معاشرے کا رجحان

[محمد وقاص گل]

مجھے تو بھول ہی گیا تھا:(
جزاک اللہ خیر ۔۔۔اللہ تعالٰی آپ کو آپ کے تمام نیک مقاصد میں کامیابی عطا فرمائیں ۔۔آمین یا رب العالمین

آمین وایاک

 

[فہد ظفر]

شمالی وزیرستان سے نقل مکانی کرنے والے خاندان نے پاک فوج کے آپریشن سے متاثر ہوکر اپنے نومولود بچے کا نام ''عضب خان'' رکھ دیا۔

لنک

 

[مشکٰوۃ]

دوران سفر نظر آنے والا نام"زبور " اورسنا گیا نا م"اسلام"
اب یہ نہ سمجھا جائے گے زبور نامی شخص "زبور" کا پیرو کار ہو گا۔۔۔زبو ر کا مکمل نام "زبور علی شاہ" ہے۔

 

[طاہر اسلام]

بہت خوب۔۔۔۔۔بہنا
تو گویا "جنت کے پتے" آپ کی نظروں سے بھی گزرا ہے۔۔۔۔:)
میری جاننے والی ایک لڑکی کا نام "امۃ اللہ " یعنی اللہ کی بندی۔۔۔۔
یہ نام مجھے بہت پسند ہے ، پتا نہیں یہ درست ہو گا یا نہیں۔۔۔۔

امۃ اللہ میری خالہ کا نام ہے اور بالکل درست ہے؛احادیث سے اس کی تائید ہوتی ہے:وابن امتک(نماز جنازہ میں) اور اماءاللہ کے الفاظ نقل ہوئے ہیں۔

 

[شاہد نذیر]

السلام علیکم ورحمۃ اللہ وبرکاتہ!

ایک بڑے محدث گزرے ہیں ان کا نام علامہ ’’باجی‘‘ رحمہ اللہ تھا۔

 

[شاہد نذیر]

شمالی وزیرستان سے نقل مکانی کرنے والے خاندان نے پاک فوج کے آپریشن سے متاثر ہوکر اپنے نومولود بچے کا نام ''عضب خان'' رکھ دیا۔

لنک

اخبار میں پڑھا تھا کہ انہی حالات میں پیدا ہونے والی ایک بچی کا نام ’’غضب جاناں‘‘ تجویز کیا گیا تھا لیکن بعد میں نام بدل دیا گیا۔

 

[ندیم محمدی]

سب سے دلچسپ، عجیب وغریب اور منفرد نام پختونوں کے ہاں پائے جاتے ہیں۔ ایسے لگتا ہے کہ اگر کہیں مناسب نام کا کال ہے تو پٹھانوں کے ہاں ہی ہے۔ اب دیکھئے کہ ہماری ایک پٹھان پڑوسن تھیں ان کا نام ’’لپک جنوں‘‘ تھا انکی والدہ کا نام ’’جل کڑے‘‘ انکے ماموں کا نام ’’پگل‘‘ ہے۔ ایک مرتبہ میرے ایک پٹھان دوست نے میری ملاقات اپنے کزنز سے کروائی۔ جب میں نے انکے چچا زاد بھائی کا نام دریافت کیا تو معلوم ہوا کہ انکا نام ’’حضرت علی کرم اللہ وجہ‘‘ ہے میں حیران ہوا اور دوبارہ اور سہہ بارہ دریافت کیا تو یہی نام بتایا گیا اور مزے کی بات یہ ہے کہ ان بھائی کو انکے مکمل نام ہی سے پکارا جاتا تھا یعنی حضرت علی کرم اللہ وجہ۔ اس طرح پٹھانوں کے دریاخان، سمندرخان، پہاڑ خان نام بھی سنے ہیں۔

بالکل ہمارے ہاں واقعی بغیر سوچے سمجھے نام رکھ دیا جاتا ہے۔جیسا کہ ہماری فیملی کے یہ نام:
وظیف اللہ(میرے دادا)
حضرت اللہ (میرے دادا کے بھائی)
قسمت اللہ(میرے نانا)
نصیب اللہ (میرے نانا کے بھائی)
ظاہر اللہ (میرے نانا کے بھائی)
فقیر اللہ (میرے تایا)
غریب اللہ (میرے چاچا)
یعنی صرف قافیہ ملانے کی کوشش ہوتی رہی ہے۔
ابو کا نام حبیب اللہ ہے۔
کچھ نام تو ایسے ہیں کہ اُن کا ذکر بھی اچھا نہیں لگ رہا۔
اور جب ابو یا کسی بڑے سے اس بارے میں بات کرتا ہوں تو جھڑک دیتے ہیں کہ تم چپ رہو تمہیں کچھ نہیں پتا۔
ویسے میرے بیٹے کا نام عریش عبد الرحمٰن ہے۔

 

[عبداللہ حیدر]

السلام علیکم،
پچھلے دنوں میرے بھانجے کے لیے اس کے والدین طہ نام تجویز کر چکے تھے لیکن کسی کے بتانے پر طلحہ رکھ لیا ہے۔ کیا طہ نام رکھنا درست ہے؟

 

[بنات خدیجہ]

کچھ مہینوں پہلے ہماری ایک عزیزہ نے اپنی بیٹی کا نام رکھا ”منھا“۔ مفہوم کے استفسار پر کہنے لگیں کہ کسی سعودی لڑکی کا نام سن لیا تھا اس لئے رکھ دیا اور اس نام کا معنی و مطلب نہ جاننے کا اعتراف کیا۔ ہمیں انکے بلا سوچے سمجھے نام رکھ دینے پر کافی حیرت ہوئی۔

بعد میں ہمیں سمجھ آیا کہ وہ نام ”منھا“ نہیں، ”منح“ ہے۔ جس کے معنی ہوتے ہیں ”عطاء“۔

اس نام کا معنی ، تلفظ بتایا تو کافی مشکور ہوئے۔ لیکن اب لڑکی کو ”منھا“ ہی پکارا جاتا ہے۔

اور ایک نام۔۔۔ میری والدہ نے ہسپتال میں کسی سے نوزائدہ لڑکے کا نام دریافت کیا۔ وہ خاتون والدہ کے قریب آکر آہستہ سے بولیں ”اسامہ بن لادن“ ۔ والدہ نے ان سے نام کا معنی پوچھا تو وہی جواب کہ ”معلوم نہیں“ ۔ پھر والدہ نے انہیں ”بن“ کا معنی سمجھایا تو انہوں نے اپنی کم علمی پر افسوس کا اظہار کرتے ہوئے نام مختصر کرنے کا قصد کیا۔

 

[اسحاق سلفی]

کربلا کے واقعہ کے بعد بھی یزید نام مسلمانوں میں ملتا ہے مثلا
بایزید بسطامی کا نام تو سنا ہو گا جو حنفی تھے اور صوفیوں کے سرخیل تھے جنید بغدادی کہتے ہیں وہ ہم میں ایسے تھے جیسے فرشتوں میں جبرائیل- انہوں نے شیعوں کے امام جعفر صادق رحمہ اللہ سے بھی پڑھا ہے
اب ایسے امام نے اپنی کنیت ابو یزید(با یزید) رکھی غالبا فارسی میں ابو کے با کہتے ہیں

بایزید بسطامی ،، محض ایک صوفی تھے ،ان کی طرف منسوب مشہور کفریہ جملہ (سبحانی ما اعظم شانی )ہے
نُقل عن البسطامي أنه قال"سبحاني سبحاني ما أعظم شاني"
ونقل عنه أنه دخل مدينة فتبعه منها خلق كثير، فالتفت إليهم وقال
"أنا الله لا إله إلا أنا فاعبدوني" فقال الناس:"لقد جن أبو يزيد" فتركوه
(1) ایسا آدمی امام کیسے ؟؟
(2) اور جناب امام جعفر صادق رحمہ اللہ ،،بسطامی کی پیدائش سے پہلے ہی فوت ہوچکے ،اس لئے شاگردی کا سوال ہی پیدا نہیں ہوتا ؛
(3)امام جعفر صادق قطعاً شیعوں کے امام نہیں ،وہ صرف اور صرف اہل السنہ اہل الحدیث کے بڑے نیک اور ثقہ امام تھے؛
اور صرف نیک اور عالم ہی نہیں ،بڑے اعلی نسب اور خاندان کے حامل بھی تھے ،ملاحظہ فرمائیں :
جَعْفَرُ بنُ مُحَمَّدِ بنِ عَلِيٍّ القُرَشِيُّ الهَاشِمِيُّ ابْنِ الشَّهِيْدِ أَبِي عَبْدِ اللهِ رَيْحَانَةِ النَّبِيِّ صَلَّى اللَّهُ عَلَيْهِ وَسَلَّمَ
یعنی سیدنا حسین رضی اللہ عنہ ،کے پڑپوتے ،سیدنا زین العابدین کے پوتے اور جناب محمد الباقر کے بیٹے تھے ؛
اب ان کا نسب شریف ان کی والدہ کی طرف سے دیکھئے :
وَأُمُّه: هِيَ أُمُّ فَرْوَةَ بِنْتُ القَاسِمِ بنِ مُحَمَّدِ بنِ أَبِي بَكْرٍ التَّيْمِيِّ.وَأُمُّهَا: هِيَ أَسْمَاءُ بِنْتُ عَبْدِ الرَّحْمَنِ بنِ أَبِي بَكْرٍ، وَلِهَذَا كَانَ يَقُوْلُ: وَلَدَنِي أَبُو بَكْرٍ الصِّدِّيْقُ مَرَّتَيْنِ.
یعنی انکی والدہ محترمہ ،جناب قاسم کی صاحبزادی تھی ، جو سیدنا ابوبکر رضی اللہ عنہ کے پوتے تھے ،
اور جناب جعفر کی نانی ، سیدنا ابوبکر کی پوتی تھیں ،
اسی لئے وہ فرمایا کرتے تھے ،کہ مجھے ابوبکر رضی اللہ نے دو دفعہ جنم دیا،