ناموں کے چناؤ میں معاشرے کا رجحان

[نسرین فاطمہ]

عباد اللہ کے حوالے سے ایک مشورہ حاضر ہے۔۔۔اگر اس کو عِباَد اللہ کی بجائے عَبّادُ اللہ کہا جائے (عباد بر وزن فَعّال کے) تو یہ اسم مبالغہ کا صیغہ بن جائے گا جس کا معنی یوں ہو گا ۔۔۔۔اللہ کی بہت عبادت کرنے والا۔۔۔جیسے حمّاد وغیرہ

بھتیجے کا نام عَبّادُ اللہ ہی ہے اس طرح نام رکھا جاسکتا ہے کیونکہ نام میں تصغیر بھی جائز ہے جیسے عبیداللہ رکھا جاسکتا ہے جو عبد کی تصغیر ہے ۔اور

معاذاللہ ،عباداللہ معتصم باللہ ،بڑے شرارتی ہیں اب چوتھا ہوا تو میں نے کہا بھی اعوذ باللہ رکھ دو مگر بھائی نے حماد اللہ رکھ دیا ۔

میں نے ازراہ مذاق یہ مشورہ دیا تھا بچوں کے شرارتی ہونے کی وجہ سے،

 

[عبدہ]

’’ عنوان ‘‘ کوئی ایسا بتائیں کہ اس کے تحت دونوں قسم کے مراسلے سما سکیں ۔

1-عجیب و غریب اور حسین و جمیل نام
2-ناموں کا چناؤ
3-نام رکھنے میں رجحان
4-ناموں کے چناؤ میں معاشرے کا رجحان
5-نام (شریعت کا پیغام اور معاشرے کا رجحان)
6-شریعت کا پیغام برائے نام اور ہمارا رجحان
7-نام نام اور بس نام-قائد اعظم کا پیغام (ابتسامہ)

 

[نسرین فاطمہ]

پیاری بہن! نام تو بے شک بہت پیارے ہیں اور خوب ہم قافیہ بھی ہیں ليكن ميري معلومات كى مطابق معني كى اعتبار سےكچھ مشکوک ہیں مثلاً
نرمین کا ماخذ اردو زبان کا لفظ نرم ہے جس کا مطلب نرم و نازک ہو سکتا ہے
رہی بات شازمہ کی تو میں نے ش ز م کی عربی ڈکشنری میں تلاش کی ہے ۔۔۔۔۔۔۔۔۔۔جواب یہ آتا ہے کہ یہ عربی زبان کا لفظ ہی نہیں ۔۔۔۔اب اللہ ہی جانے اس کا کیا مطلب ہے

نرمین اردو زبان کا نہیں بلکہ فارسی زبان کا لفظ ہے جس مطلب نرمی اختیار کرنے والی عورت ہے اور نرمی اللہ کو کتنی محبوب ہے دیکھیئے سورہ آل عمران میں آیت159

فَبِمَا رَحْمَةٍۢ مِّنَ ٱللَّهِ لِنتَ لَهُمْ
اے محمدﷺ) اللہ کی رحمت سے آپ کا مزاج ان کے لئے نرمی لئے ہوئے ہے ۔

اب جس عورت کے نام کے معنی ہی نرم ہوں وہ مشکوک ہوسکتی ہے یا پسندیدہ ۔
حدیث دیکھیئے (1785) عَنْ عَائِشَةَ رَضِيَ اللَّهُ عَنْهَا زَوْجِ النَّبِيِّ صلی اللہ علیہ وسلم أَنَّ رَسُولَ اللَّهِ صلی اللہ علیہ وسلم قَالَ يَا عَائِشَةُ ! إِنَّ اللَّهَ رَفِيقٌ يُحِبُّ الرِّفْقَ وَ يُعْطِي عَلَى الرِّفْقِ مَا لاَ يُعْطِي عَلَى الْعُنْفِ وَ مَا لاَ يُعْطِي عَلَى مَا سِوَاهُ

ام المومنین عائشہ صدیقہ رضی اللہ عنھا سے روایت ہے کہ رسول اللہ صلی اللہ علیہ وسلم نے فرمایا: ’’اے عائشہ! اللہ نرمی (اور خوش اخلاقی) کو پسند کرتا ہے اور خود بھی نرم ہے اور نرمی پر وہ دیتا ہے جو سختی پر نہیں دیتا اور نہ کسی اورچیز پر۔‘‘


میرا نام نسرین بھی فارسی زبان سے ماخوذ ہے جس کے معنی بھی نرم ونازک کے ہیں اور فارسی میں چنبیلی کے پھول کو بھی کہتے ہیں جس طرح آپ کا نام عربی میں مریم اور فارسی میں ماریہ ہے
شاذمہ بھی فارسی زبان کا لفظ ہےجس کا لفظی مفہوم کبھی کبھی نظر آنے والا چاند ہے

 

[نسرین فاطمہ]

-ناموں کے چناؤ میں معاشرے کا رجحان

اچھا موضوع ہے

 

[محمد شاہد]

1-
7-نام نام اور بس نام-قائد اعظم کا پیغام (ابتسامہ)

محمدعلی جناح

 

[خضر حیات]

1-عجیب و غریب اور حسین و جمیل نام
2-ناموں کا چناؤ
3-نام رکھنے میں رجحان
4-ناموں کے چناؤ میں معاشرے کا رجحان
5-نام (شریعت کا پیغام اور معاشرے کا رجحان)
6-شریعت کا پیغام برائے نام اور ہمارا رجحان
7-نام نام اور بس نام-قائد اعظم کا پیغام (ابتسامہ)

4-
ناموں کے چناؤ میں معاشرے کا رجحان

اچھا موضوع ہے

ماشاء اللہ بہت اچھے عنوانات آگئے ہیں ۔ اب صاحب لڑی ماریہ انعام بہن بھی رائے دے دیں تاکہ بعد میں اعتراض نہ ہو ۔

 

[ماریہ انعام]

باہمی مشاورت سے جو نام چاھیں رکھ لیں ۔۔۔۔مجھے کوئی اعتراض نہیں

 

[ابن قاسم]

سلسلہ عجیب و غریب سے ہوتا ہوا ’’ اچھے اور پسندیدہ ناموں کی طرف چل نکلا ہے ۔ کیا خیال ہے اچھے ناموں والے مراسلہ جات کو ایک الگ لڑی میں پرو دیا جائے ؟
یا پھر ’’ عنوان ‘‘ کوئی ایسا بتائیں کہ اس کے تحت دونوں قسم کے مراسلے سما سکیں ۔

اچھے ناموں کی علیحدہ لڑی کی جائے تو بہت اچھا رہے گا

 

[ماریہ انعام]

ميري ايك دوست كا نام عنبرين تھا۔۔۔میں اس کو ازراہِ مذاق کہا کرتی کہ کسی عامل کے بغیر تمہارا نام نصبی و جری حالت میں کیوں ہے ۔۔؟؟ اس کو حالتِ رفع میں ہونا چاہیے یعنی عنبرون ۔۔۔۔۔ابتسامہ

 

[اخت ولید]

ہمارے جاننے والوں میں ایک نام "سانول" بھی ہے۔۔یہ نام سندھی علاقوں میں سننے کو ملا تھا اب معلوم نہیں وہ کون سی پشت میں سندھ سے جا ملتے ہیں:)بس وہی انفرادیت ۔۔۔۔۔۔
ایک نام "نین تارا"( آنکھوں کا تارا)بھی ہے۔۔۔بس اچھا لگا ،رکھ لیا!اس کی نسبت قرۃ العین یا نور العین منفرد اور اچھے نام ہیں۔۔
پنڈی کینٹ میں ہماری ایک ننھی سی ہمسائی بچی کا نام "زیرش" یا "زہرش" تھا۔۔اس سے نام پوچھتے تو تنک کر بولتی "پتا نہیں۔۔بس ناں زیرش ہے۔۔اگلی مرتبہ"زہرش "ہو جاتا:)نام کا مطلب پوچھنے پر"مجھے نہیں آتا"اور اصرار پر"سونے کی چڑیا" اور انکار پرچڑ کر"ایک تو ناں۔۔۔آنٹی آپ کیوں میرے نام کے پیچھے پڑ جاتی ہیں":)
ایک اور نام"تنہا آرزو"معلوم نہیں صاحبہ اکلوتی تھیں یا۔۔۔
ایک اور جاننے والی بچی کا نام"آئے نور" تھا۔۔ابھی پچھلے دنوں ملاقات ہوئی ۔۔میں نے تسلی کی کہ نام "آئے نور" ہے یا"آئی نور"۔۔معنی پوچھنے پر بتایا کہ ترک نام ہے "آئے" ٹرکش میں چاند کو کہتے ہیں سو مطلب"چاند کی روشنی "ہوا۔۔

بامعنی اور منفرد ناموںمیں "عُکاشہ" نام ہے۔۔۔کچھ بچیوں کے نام"عَکاشہ" کے تلفظ کے نام بھی سننے کو ملے ہیں۔۔معلوم نہیں کیا معنی ہوئے؟
مُغیرہ،زید اور جریر صحابہ کرام رضوان اللہ علیہم اجمعین کے نام ہیں۔۔منفرد بھی ہیں اورہمارے معاشرے میں معروف بھی نہیں!!
ہمارے یہاں نام تو اچھے رکھے جاتے ہیں۔۔تلفظ ٹھیک نہیں ہوتا"یوسف" اور "یونس" نام عام ہیں۔۔بسا اوقات ہمیں بہت دقیانوس اور پرانے نام محسوس ہوتے ہیں۔۔ہوں بھی کیوں ناں ۔جب تلفظ ہی ٹھیک نہیں تو نام میں چاشنی کہاں سے آئے؟"یُونُس" اور"یُوسُف" صحیح تلفط کے ساتھ نام بھی نکھر سا جاتا ہے اور اسکی انفرادیت واضح ہوتی ہے!!
ایک اور دلچسپ بات کہ عرب معاشرے میں"سلمہ" اور "ایمن" نام مذکر ہیں اور ہمارے ہاں بچیوں کے نام رکھے جاتے ہیں!!