چند بہترین اشعار

[محمد شاہد]

بنا دے مجھے بھی اپنے اُن بندوں کی طرح اے پروردگار
جو سوتے ہیں تجھے یاد کر کے اور اُٹھتے ہیں تیرا نام لے کر

 

[محمد شاہد]

بلند رکھنا نگاہ اپنی وقار اپنا شعار اپنا
نا دگمگائیں قدم تمھارے کچھ ایسا رکھنا کردار اپنا

 

[محمد شاہد]

دولت و شہرت کا کوئی پیمانہ نہیں ہے
گر جائے جو آنچل تو عزت نہیں رہتی

 

[عابدالرحمٰن]

زندگی سر بسر ایک خسارہ ہے ۔۔۔۔۔ موت بن کر اسی نے ماراہے
تیرے در پر کبھی نہ جھکتا میں ۔۔۔۔۔ بے بسی نے مجھے پکارا ہے
جو خدا کی رضا میں ڈوبا ہو ۔۔۔۔۔۔ اس کو گرداب بھی کناراہے
سولیاں گاڑدی ہیں شہروں میں ۔۔۔۔۔۔ اب کسے بولنے کا یارا ہے
آنیوالا ہے انقلاب عظیم ۔۔۔۔۔۔۔۔وقت نازک کا یہ اشارا ہے

فیض دنیا میں غم نصیبوں کو
شاعری بھی بڑا سہارا ہے​

​

 

[عبداللہ کشمیری]

دشمن دین ہیں میرے مقابل تب بھی تھے اور آج بھی ہیں
خطروں سے بھر پور ہیں ساحل تب بھی تھے اور آج بھی ہیں

دورِ ابلیس کے پرتو، دنیا کے یہ سارے فتنے
سیدھی راہوں میں یہ حائل تب بھی تھے اور آج بھی ہیں

شامِ غم یا صبح کا عالم ہر اک لمحہ بو جھل ہے
رستہ رستہ خوفِ مراحل تب بھی تھے اور آج بھی ہیں

دنیا کی اس بستی میں ہیں اکثر حرص و ہوس کے لوگ
مردِ خدا پابند سلاسل تب بھی تھے اور آج بھی ہیں

پتھر ٹوٹے شیشہ دل سے جب جب وہ ٹکرائے ہیں
خون کے پیاسے شہر کے قاتل تب بھی تھے اور آج بھی ہیں

کیسے صداقت کی راہوں کو روکیں مسافر جھوٹے لوگ
دشمن سارے مدِ مقابل تب بھی تھے اور آج بھی ہیں​

 

[عبداللہ کشمیری]

تیری پہچان ہی درست نہ ہوگی تو دعا سے کیا ہوگا
دل ہوگا تڑپ سے خالی تو صدا سے کیا ہوگا

قبولیت دعا تب ہے جب کچھ تدبیر بھی ہوگی
تو حکم خدا کا مانے تو ساتھ تقدیر بھی ہوگی

تجھ کو ایمان کے تقاضوں سے یہ بے رخی ہے کیسی
گفتار و عمل میں تیرے یہ دو رخی ہے کیسی

تیری محبت و عداوت کے مادے بھی غلط ہیں
مسلمانی کا کر کے دعوی ارادے بھی غلط ہیں

انسانیت نے تیری دکھایا عجب سوز جہاں ہے
تو ایماں میں چھپائے بیٹھا تصور بتاں ہے

 

[محمد شاہد]

​

جہیز کی خاطر مارو نہ،مال کے لئے تڑپاو نہ​

میں ہوں اپنے بابا کی گڑیا مجھ کو یوں رلاو نہ​

​

​

 

[محمد شاہد]

​

پڑی اپنی برائیوں پر جو نظر​

تو جہاں میں کوئی برا نہ رہا​

​

​

 

[محمد شاہد]

 

[محمد شاہد]

​

نہ دنیا سے نہ دولت سے نہ گھر آباد کرنے سے
تسلی دل کو ملتی ہے اللہ کو یاد کرنے سے​