چند بہترین اشعار

[عبد الوکیل]

ترے صوفے ہیں افرنگی ، ترے قالیں ہیں ایرانی
لہو مجھ کو رُلاتی ہے جوانوں کی تن آسانی
عقابی روح جب بیدار ہوتی ہے جوانوں میں
نظر آتی ہے ان کو اپنی منزل آسمانوں میں

نہ ہو نومید ، نومیدی زوال علم و عرفاں ہے
امید مرد مومن ہے خدا کے رازدانوں میں
نہیں تیرا نشیمن قصر سلطانی کے گنبد پر
تو شاہیں ہے ، بسیرا کر پہاڑوں کی چٹانوں میں

 

[عبد الوکیل]

تو شاہیں ہے ، پرواز ہے کام تیرا
ترے سامنے آسماں اور بھی ہیں
اسی روز و شب میں الجھ کر نہ رہ جا
کہ تیرے زمان و مکاں اور بھی ہیں

 

[عبد الوکیل]

دو عالم سے کرتی ہے بیگانہ دل کو
عجب چیز ہے لذت آشنائی
شہادت ہے مطلوب و مقصود مومن
نہ مال غنیمت نہ کشور کشائی

 

[محمد شاہد]

​

 

[محمد شاہد]

نہیں سجدے کیے ہم نے کبھی غیروں کی چوکھٹ پر
ہمیں جتنی ضرورت ہو اللہ سے مانگ لیتے ہیں

ماں باپ کا گھر بکا تو بیٹی کا گھر بسا
کتنی ہے دل خراش رسم جہیز بھی​

 

[محمد شاہد]

مدد کیوں مانگتے ہو اوروں کے دربار سے
کون سا کام ہے جو ہوتا نہیں پروردگار سے

 

[محمد شاہد]

آجاو گے حالات کی زد میں جو کسی دن
ہو جائے گا معلوم اللہ ہے کہ نہیں ہے

 

[محمد شاہد]

نادان تھے جو رکھتے تھے امیدیں کسی پر
ذات اللہ کے سوا کوئی کسی کا نہیں ہوتا

 

[محمد شاہد]

ہمیں پھر سے دعوت توحید کو عام کرنا ہے
کُل جہاں میں پھر سے زندہ اسلام کرنا ہے
جس کام کے لئے آئے ہیں وہ کام نہ بگڑے
جان جاتی ہے تو جائے مگر اسلام نہ بگڑے

 

[محمد شاہد]

قید کردیا سانپوں کو یہ کہہ کر سپیروں نے
اب انسان کو ڈسنے کے لئے انسان کافی ہے