کیا لفظ اہل الحدیث سے عوام خارج ہے؟

[asifchinioty]

ابومحمد بھائی کی طرف سے فیس بک پر ایک پوسٹ ہوئی جس کا ٹائٹل تھا۔ ’’ اہل حدیث کو ایک نو پیدا مسلک قرار دینے والے بتائیں‘‘ جس میں مسلک اہلحدیث کے بارے میں کچھ پوچھا گیا تھا، تفصیل پیش ہے۔

’’ کیا یہ حقیقت نہیں کہ امام ابوحنیفہ کا مذہب دوسری صدی میں ان کے شاگردوں نے مدون کیا، اور صدہا علماء اور فقہاء کی رائے قیاس اس میں شامل کیے گئے۔پھر اس کی سند کا بھی کوئی التزام نہیں کیا گیا۔ جس کی وجہ سے صدہا عالموں نے اپنی رائے قیاس اور فتووں کو شامل کردیا، اس کو تو صحیح اسلام قرار دیا جائے۔ اور جس مذہب کا ڈھانچہ کتاب اللہ اور سنت رسول صلی اللہ علیہ وسلم سے تیار کیا گیا ہو، جس کی صحت اور سند کا التزام اس قدر ہزم واحتیاط اور صحیح نقل کے ساتھ کیا گیا ہو۔ کہ اس سے زیادہ صحت اور سند کا التزام انسانی دنیا نہ کرسکی ہو۔ اس کو نیا جعلی بناوٹی مذہب قرار دیا جائے۔‘‘

برائے مہربانی اس پوسٹ کا لنک دے دیں

 

[ابو عبدالرافع]

فورم پر گفتگو اور موضوع سے اتفاق​

پوسٹ نمبر49 میں جو گفتگو فیس بک پر ہوئی، اور جس میں آصف بھائی نے بار ہا دفعہ جہلاء لفظ اہلحدیث سے خارج ہیں کو واضح انداز میں کہا، اس کے کچھ کومنٹ پیش کیے تھے، یہاں پر یہ بتایا جائے گا، کہ فورم پر بھی بھائی کی طرف سے اس بات پر اتفاق ظاہر کیا گیا ہے، کہ جہلاء لفظ اہلحدیث سے خارج ہیں، عامی کو اہل لحدیث نہیں کہا جاسکتا، صرف عامل بالحدیث اہل حدیث نہیں ہوسکتے۔ وغیرہ وغیرہ، لیکن اب کہہ رہے ہیں کہ میں اس پر دلائل دینے کا پابند نہیں، حتیٰ کہ موضوع بحث یہ قرار دیا جا رہا ہے کہ ہماری بحث کا موضوع ہیں ہی محدثین۔ابتسامہ

ثبوت نمبر1
سب سے پہلی پوسٹ میں جو دعویٰ پوسٹ ہے، اس میں صرف محدثین کے الفاظ ہیں۔ جب خود کی طرف سے یہ کہہ دیا کہ یہ لفظ صرف محدثین کےلیے ہے۔ تو پھر دلائل میں اب تک ایسی بات کیوں نہیں لائی گئی، جس میں صراحت ہو کہ لفظ اہل حدیث صرف محدثین کےلیے ہی ہے۔ ایسے تمام دلائل جس میں لفظ اہلحدیث محدثین کےلیے بولا گیا، یہ دعویٰ پر نہیں، بلکہ دعویٰ صرف محدثین کا ہے، اس لیے دلائل بھی صرف محدثین کے ساتھ کی صراحت کے ساتھ ہونگے تو دعویٰ پر ہونگے۔ ورنہ نہیں۔ فتدبر

نمبر2
پوسٹ نمبر3 میں دعویٰ لکھا کہ ’’ میرا دعوی نوٹ کر لیا جائے’’ لفظ اہل الحدیث، اصحاب الحدیث، صاحب الحدیث کا اطلاق محدثین پر ہوتا ہے، محدثین کے علاوہ جھلاء پر اس کا اطلاق کبھی نہیں ہوا‘‘
یہاں بھی صراحت ہے کہ عامل بالحدیث پر لفظ اہلحدیث نہیں بولا جاسکتا۔ اور لفظ اہلحدیث کو صرف محدثین کے ساتھ خاص کردیا ہے۔ تو یہاں بھی اپنے دعویٰ پر لفظ اہلحدیث کی صرف محدثین کے ساتھ صراحت پر دلائل دینے ہیں۔ نہ کہ ایسی عبارات کاپی پیسٹ کرنی ہیں، جس میں لفظ اہلحدیث محدثین کےلیے بولا گیا ہے۔اور حیرانگی یہ ہے کہ کس نے یہ پڑھا دیا کہ ذکر کا نہ ہونا نفی پر دلالت کرتا ہے۔؟

نمبر3
پوسٹ نمبر4 میں جب میں نے لکھا کہ ’’ آپ کا کہنا تھا کہ اہل الحدیث صرف محدثین پر بولا جاتا ہے۔ جس کا صاف مطلب ہے کہ لفظ اہل حدیث سے جہلاء خارج ہیں۔ اگر یہ مطلب ہے تو ٹھیک اور اگر یہ مطلب نہیں، تو آپ واضح کریں۔‘‘
تو آصف بھائی کی طرف سے پوسٹ نمبر7 میں کہا گیا کہ ’’ جناب ابو عبد الرافع صاحب! میرے دعوی اور آپ کی بات میں کوئی فرق نہیں ہے۔‘‘
اب میرے الفاظ میں صراحت ہے کہ لفظ اہلحدیث سے جہلاء خارج ہیں؟ تو اس پر یہ کہا گیا کہ ’’ کوئی فرق نہیں ہے۔‘‘ تو اور کس طرح کا ثبوت دوں کہ ہمارا موضوع کیا ہے؟ آصف بھائی ؟

نمبر4
جب میں نے پوسٹ نمبر10 سے صریح دلیل کا مطالبہ شروع کیا، تو بھائی نے پوسٹ نمبر11سے پلٹی مارنا شروع کی،اشارۃً دعویٰ سے انحراف کرنے کی باتیں کرکے۔(ابتسامہ محدب) لیکن پوسٹ نمبر12 میں صراحت کے ساتھ جب لکھا کہ ’’لفظ اہلحدیث سے جہلاء خارج ہیں یہ آپ کا دعویٰ ہے اور میرا جواب دعویٰ ہے کہ اہلحدیث لفظ عام ہے جو ہر اس بندے کو شامل ہے جو قرآن وحدیث پر عمل کرنے والا ہو۔‘‘ تو پوسٹ نمبر13 میں جواب آیا کہ ’’ میرے دعوی پر غور کرنے سے آپ کویہ مفہوم واضح مل جائے گا کہ جب جھلاء یا عوام الناس یعنی غیر المحدثین پر لفظ اہل حدیث کا اطلاق نہیں ہوتا تو لازمی تو عوام اس لفظ اہل حدیث کے مفہوم اور دائرہ کار سے خارج ہیں۔‘‘
خود اقرار کر رہے ہیں کہ عوام لفظ اہلحدیث کے مفہوم اور دائرہ کار سے خارج ہیں، اور اب کہا جا رہا ہے کہ ہمارا موضوع ہے ہی محدثین۔ابتسامہ ڈبل ڈبل ڈبل ابتسامہ
اور پھر اسی پوسٹ میں لکھا کہ ’’رہی بات جھلاء کی تو اس جھلاء کا اہل حدیث کے مصداق نہیں ہیں‘‘ اور اب کہتے ہیں کہ ہمارا موضوع جہلاء ہیں ہی نہیں۔

آپ ہی اپنی اداؤں پہ ذرا غور کریں
’ہم اگر عرض کریں گے تو شکایت ہوگی‘​

نوٹ:
موضوع کلیئر بلکہ کلیئرکٹ تھا، دعویٰ وضاحت تشریح سب کچھ سامنے تھی، اور آپ کے پاس جو دلائل تھے، آپ کو علم ہی نہیں تھا کہ جو موضوع آپ نے طے کردیا، یہ دلائل اس پر ہیں بھی کہ نہیں؟ جب دلائل سامنے آئے اور کہا گیا کہ آپ کا موضوع اور ہے، لیکن دلائل آپ اور دے رہے ہیں تو پھر موضوع سے ہی بھاگنا شروع کردیا۔ اگر آپ کا موضوع ہی صرف محدثین تھا، تو پھر فیس بک اور اسی طرح فورم پر پہلے واضح کرتے، اور پھر پوسٹ کا جو عنوان رکھا گیا، اس پر اعتراض کرتے۔اب جب طے موضوع پر دلائل نہیں تو واضح انکار شروع کردیا، کہ یہ تو ہمارا موضوع ہی نہیں۔ واہ جی آصف بھائی واہ

جاری ہے

 

[ابو عبدالرافع]

دعویٰ سے فراری ی ی ی ی ی ی کیوں؟
نہ تو فیس بک پر انکار کیا گیا، اور نہ یہاں پر انکار کیا گیا، لیکن جب دلائل دیئے اور ہماری طرف سے دلائل پر کہا گیا کہ یہ تو آپ کے موضوع پر ہیں ہی نہیں، تو پھر سے دعویٰ سے ہی انکار کرنا شروع کردیا، قارئین خود سمجھ سکتے ہیں کہ کیاوجہ ہوسکتی ہے؟

آصف بھائی کے دعوے
پہلی بار دعویٰ یہ کیا گیا کہ ’’ میرا دعوی ہے کہ اہل الحدیث اور اصحاب الحدیثصرفمحدثین کو کہا جاتا ہے۔‘‘ صراحت ہے کہ یہ لفظ صرف محدثین کےلیے ہے، باقی کسی کے لیے نہیں۔

دوسری بار دعویٰ یوں کیا گیا کہ ’’ میرا دعوی ہے کہ اہل الحدیث کا اطلاق صرف محدثین پر ہوا ہے جھلاء پر نہیں ہوا۔‘‘ یہاں دعویٰ میں صراحت ہے کہ اہلحدیث لفظ جہلاء کےلیے نہیں بولا جاتا۔

اور یہ دونوں دعوے فیس بک پر موجود ہیں، جس میں سے پہلا دعویٰ کا سکرین شارٹ یہاں نقل کیا گیا، کیونکہ اس میں بھی صرف محدثین کی تصریح ہے۔

پہلے دعویٰ میں خود لکھا کہ صرف محدثین اور دوسرے میں لکھاکہ جہلاء نہیں۔ویسے تو صرف محدثین ہی کافی تھا، جس کو میں نے پہلی پوسٹ میں نقل بھی کیا، مگر مجھے علم نہیں تھا کہ آصف بھائی کلیئرکٹ دعویٰ سے بھی بھاگ نکلیں گے۔ابتسامہ

کیا یاد کرو گے
آپ کا دعویٰ تھا، جس کو آپ کے ہی کومنٹس سے ثابت کردیا، لیکن آپ پھر بھی نہیں مانیں گے۔ مجھے عین الیقین ہے۔ اس لیے آپ کی ہی بات مانتے ہوئے کہہ رہا ہوں کہ

نمبر1: اگر آپ کیا لفظ اہلحدیث سے جہلاء خارج ہیں؟ اس پر صریح دلیل دے دیں، تو یہ بھی آپ کی مرضی

نمبر2: یا لفظ اہلحدیث صرف محدثین کو ہی شامل ہے، اس پر صریح دلیل دے دیں، یہ بھی آپ کی مرضی

آپ خوش رہیں ہماری خیر ہے۔باقی آپ مانیں یا نہ مانیں حقیقت آپ کو دکھا دی گئی ہے۔ اس سے زیادہ اور میں کچھ نہیں کہونگا۔

 

[asifchinioty]

میں تو سوچ رہا تھا کہ اتنے دنوں بعد جواب آئے گا تو بہت مدلل جواب آئے گا، بات وہی نکلی کہ کھود پہاڑ اور نکلا چوہا
لیکن جب جواب آیا تو معلوم ہوا کہ بیل اسی کوہلو کے ارد گرد ہی گھوم رہا ہے

عجیب سے عجیب تر:

ابھی تک موصوف میرے دعوی کی اپنی من پسند وضاحتوں کے درپے ہیں اور پھر مجھ سے اصرار ہے کہ میں اسکی وضاحتوں کے مطابق تسلیم بھی کرلوں کہ میرا دعوی وہی ہے جو موصوف کہہ رہے ہیں۔ یہ پہلے بار دیکھنے میں آرہا ہے کہ مدعی کے علاوہ مدعی علیہ دعوی کی وضاحت اور مطلب بیان کر کے فرق مخالف سے اصرار کر رہا ہے کہ وہ اس کی بیان کئے ہوئے مطلب اور وضاحت کو اپنا دعوی کہے اور جو اس نے خود دعوی کیا ہے اسے بھول جائے۔

دعوی کسے کہتے ہیں؟

میری موصوف سے درخواست ہے کہ یہ بتا دیں کہ دعوی کہتے کسے ہیں؟؟؟؟
کیا فریق مخالف کی وضاحتوں، مطالب اور ماخوذ نتائج کو فریق مخالف کا دعوی کہتے ہیں؟

میرے کمنٹس کو غور اور انصاف سے پڑھنے والا ہر شخص یہ سمجھ سکتا ہے کہ میرا دعوی کیا ہےاور میں نے ابھی تک کیا ثابت کیا ہے۔

؎ لفظ اہل حدیث کا اطلاق محدثین پر ہوتا ہے اس کے علاوہ جھلاء پر لفظ اہل حدیث کا اطلاق نہیں ہوتا

میں نے صرف یہ نہیں ثابت کیا کہ لفظ اہل حدیث کا اطلاق محدثین پر ہوتا بلکہ میں نے اہل حدیث کی شرائط بیان کی ہیں، جس شخص میں یہ شرائط پائی جائیں گی وہ اہل الحدیث کہلا سکتا ہے، اور جو ان شرائط کوک پورا نہیں کرتا وہ اہل الحدیث نہیں کہلا سکتا

لہذا دونوں چیزیں بیان کرکے میں نے اپنا دعوی ثابت کر دیا کہ اہل الحدیث کا اطلاق صرف محدثین پر ہوتا ہے کیونکہ وہ اہل الحدیث کی شرائط پوری کرتے ہیں، اسکے علاوہ کسی پر اس کا اطلاق نہیں ہوگا۔

اب جب میں نے یہ ثابت کردیا ہے کہ لفظ اہل حدیث ، اس کی شرائط پوری کرنے والے پر استعمال ہوتا ہے تو جناب جو شخص بھی ان شرائط کو پورا نہیں کرے گا وہ اہل الحدیث یعنی محدثین سے خود بخود خارج ہوگیا۔

جھلاء کا اہل الحدیث سے خارج ہونا میرا دعوی نہیں ہے، بلکہ میرے دعوی کے ثابت ہوجانے کے بعد اس کا نتیجہ ہے، لیکن موصوف کو صرف اسی پر اصرار کیوں ہے کہ میں اس کو اپنا دعوی کہوں؟

اس کی وجہ یہ ہے کہ میرے دعوی کے دوسرے حصہ کے مطابق موصوف مدعی بن رہے ہیں اور یہ ان کے لئے ثابت کرنا ہی مشکل ہی نہیں بلکہ ناممکن ہے، اس لئے جان چھڑانے کی بھر پور کوشش ہے۔

میں نے کہا ہے کہ لفظ اہل الحدیث کا اطلاق جھلاء پر نہیں ہوتا، موصوف کی اس بارے میں کیا رائے ہے ذرا بتا دیں، اس سے اتفاق کرتے ہیں یا اختلاف؟؟؟؟؟؟؟؟

کیا موصوف کا یہ دعوی نہیں ہے کہ لفظ اہل حدیث جھلاء کے لئے بھی استعمال ہوتا ہے؟؟؟؟

پھر میں نے جہاں کہیں بھی دعوی کیا ہے اس کو پڑھ لیا جائے تو اس قدر واضح ہے کہ وہاں پر کسی وضاحت کی ضرورت ہی نہیں

 

[asifchinioty]

میں جناب کے سوالات کے جوابات شروع سے دے دے کر تھک گیا ہے اور موصوف بار بار انہی سوالات کو دہرا رہے ہیں،

اب ذرا میرے سوالات کے جوابات دینے کی ہمت کریں

اگر ہم مطلب نکالنے بیٹھ گئے اور موصوف سے منوانے بیٹھ گئے تو سر چھپانا مشکل ہوجائے گا۔

میں کہتا ہوں کہ موصوف کے نزدیک لفظ اہل الحدیث کا اطلاق محدثین کے علاوہ ہر مسلمان پر بھی ہوتا ہے؟؟

کیا گناہ گار مسلمان اہل حدیث سے خارج ہوگا کیونکہ وہ حدیث پر عمل نہیں کرتا؟
حالانکہ امام احمد رحمہ اللہ کے فرمان کے مطابق اہل حدیث ہونے کے لئے صرف کتابت حدیث کافی نہیں بلکہ حدیث پر عمل بھی ضروری ہے، لہذا ہو شخص حدیث پر عمل نہ کرے اہل حدیث نہیں ہوسکتا۔

اگر گناہ گار مسلمان اہل الحدیث سے خارج ہوگا تو پھر جناب ہی بتادیں کہ برصغیر کے کتنے لوگ اہل حدیث بچ سکیں گے؟؟؟؟؟؟؟؟
کیا موصوف درج بالا عبارت(میں کہتا ہوں کہ موصوف کے نزدیک لفظ اہل الحدیث کا اطلاق محدثین کے علاوہ ہر مسلمان پر بھی ہوتا ہے؟؟) کا انکار کر سکتے ہیں؟؟؟؟؟
اگر انکار نہیں کر سکتے تو کیا میں اسے موصوف کا دعوی کہہ سکتا ہوں؟؟؟
اگر میں اسے دعوی نہیں کہہ سکتا تو موصوف کس منہ سے اپنی وضاحت، مطلب اور نتیجہ کو میرا دعوی کہہ رہے ہیں؟؟؟
اگر میں اسے موصوف کا دعوی کہہ سکتا ہوں تو پھر موصوف اسے اپنا دعوی تسلیم کرتے ہوئے ثابت کر دیں اگر ہمت ہے تو۔


کیا حنفی، شافعی، مالکی اور حنبلی اہل الحدیث ہوسکتے ہیں؟؟؟

اہل الحدیث اور اہل السنہ والجماعت میں کیا فرق ہے واضح فرما دیں؟؟؟

 

[asifchinioty]

اب موصوف کے لئے بھاگنے کے علاوہ کوئی دوسرا راستہ دکھائی نہیں دے رہا اس لئے صرف ایک ایس بات پر مصر ہیں کہ میں اسے اپنا دعوی تسلیم کروں جو میرے دعوی کا حصہ ہی نہیں ہے

اب کے بعد کوئی نئی بات سامنے آئے گی تو جواب دونگا ورنہ اسی سوال کے دہرانے کی صورت میں گزشتہ پوسٹوں کی طرف ریفر کرتا جاؤں گا

 

[asifchinioty]

نمبر2: یا لفظ اہلحدیث صرف محدثین کو ہی شامل ہے، اس پر صریح دلیل دے دیں، یہ بھی آپ کی مرضی

اسے مجھے ثابت کرنے کی ضرورت نہیں اس لئے کہ جناب یہ بات تسلیم کرچکے ہیں کہ اہل الحدیث محدثین کو کہتے ہیں،

البتہ اہل الحدیث کی شرائط بیان کرکے یہ میں ثابت کر چکا ہوں کہ اہل الحدیث کا اطلاق صرف ان اوصاف و شرائط کے حاملین پر ہوتا ہے باقی کسی پر اطلاق نہیں ہوتا۔

اب جناب کا اصرار ہے کہ اہل الحدیث میں عوام بھی شامل ہے تو یہ اب جناب کے ذمہ ہے کہ وہ صراحت ثابت کریں کہ عوام (جو اصول الحدیث، اور دیگر شرائط سے مکمل طور پر کورے ہیں) بھی اہل الحدیث میں شامل ہے

یا یہ ثابت کردیں کہ یہ شرائط صرف محدثین کے لئے ہیں جو عوام کے لئے نہیں ہیںؔ بلکہ جھلا بھی اہل الحدیث ہوسکتے ہیں

یا پھر اہل الحدیث کی اقسام ہی ثابت کر دیں جس میں عوام بھی شامل ہو

 

[asifchinioty]

اب موصوف کے پاس دو میں سے ایک ہی راستہ بچا ہے کوئی تیسرا چور راستہ نہیں ہے

یا تو تسلیم کر لیں کہ جھلاء، عوام اہل الحدیث میں شامل نہیں بلکہ صرف اہل الحدیث کی شرائط پوری کرنے والا اہل الحدیث ہے

یا پھر ثابت کردیں کہ جو اہل الحدیث کی شرائط پوری نہیں کرتا وہ بھی اہل الحدیث ہو سکتا ہے۔

پشین گوئی:

موصوف میرے سوالوں کا جواب دینے کی بجائے پھر وہی اصرار کرے گا جسکا میں جواب دے چکا ہوں

 

[ابو عبدالرافع]

آپ کی طرف سے پوسٹ کردہ کچھ اقتباسات گزارشات سے رہ گئےتھے، سو ان پر بھی تسلی فرما لیں​

پوسٹ نمبر37

نمبر1
مجھے آپ نے ہی بتایا کہ ہمارا موضوع یہ ہے کہ لفظ اہلحدیث عامل بالحدیث پر نہیں بولا جاتا۔جس کا ثبوت پوسٹ نمبر49 اور پوسٹ نمبر52 میں دے چکا ہوں۔ الحمدللہ

نمبر2
٭ آپ ہی بتا دیں کہ اصل عمل ہوتا ہے یا کوئی اور چیز؟ تاکہ آپ اپنے ہی جواب سے امام احمد بن حنبل رحمہ اللہ کی بات کو سمجھ سکیں۔جبکہ آپ کی ہی پیش کردہ دلیل سے ہی ثابت کیا جا چکا ہے، کہ اصل عمل ہی ہوتا ہے۔اور امام احمد بن حنبل رحمہ اللہ نے اصل عمل ہی قرار دیا ہے۔
٭ رہی ترجمہ کرنے کی بات، تو ترجمہ کی ذمہ داری مجھ پر نہیں، اگر آپ سمجھتے ہیں کہ آپ کی دلیل کو غلط راستہ دیا گیا، تو آپ ترجمہ بھی کردیں، اور تشریح بھی اور یہ بھی بتا دیں کہ کس طرح آپ کی پیش کردہ دلیل کو غلط رنگ دیا گیا۔

نمبر3
کتاب کی عبارت کا جواب دے چکا ہوں۔ اتنا فالتو ٹائم نہیں کہ آپ بار بار بات کرتے چلے جائیں اور میں بار بار جواب دیتا رہوں۔اس لیے معذرت قبول فرمائیں۔

 

[ابو عبدالرافع]

آپ کی طرف سے پوسٹ کردہ کچھ اقتباسات گزارشات سے رہ گئےتھے، سو ان پر بھی تسلی فرما لیں

پوسٹ نمبر38

نمبر1
٭ ابتسامہ ...ارے پیارے بھائی جہلاء (عامل بالحدیث) کو آپ نے اپنے دعویٰ میں بھی اہلحدیث سے خارج کیا، جس کا ثبوت پوسٹ نمبر49 میں دیکھا چکا ہوں۔تو پھر یہ نتیجہ کیسے؟ کیا نتیجہ کا ذکر دعویٰ میں کرتے ہیں؟
٭ کیوں بچگانہ باتیں کرتے چلے آرہے ہیں؟ اپنی پیش کردہ بات پر دلائل نہیں دے سکتے یا اپنی ہی بات پر بات کرنے کی اہلیت نہیں تو اپنا دعویٰ بدل دو، تاکہ پھر ہم اس پر بات کرلیں۔لیکن یہ کیا کہ صاف انکار ہی کردیا جائے۔باقی یہ آپ کی ہی خوش فہمی ہے کہ آپ نے طے دعویٰ پر دلائل دیئے، ابھی تک ایک بھی دلیل آپ نے پیش نہیں کی، جو آپ کے دعویٰ پر ہو۔

نمبر2
جب ہماری بات ہے ہی اس موضوع پر کہ لفظ اہلحدیث عامل بالحدیث کو شامل ہے یا نہیں؟ تو پھر کیا دلائل فاتحہ خلف الامام پر لوں آپ سے؟ میرے بھائی جب تک موضوع پر دلائل نہیں دو گے، میں نے تو کہتے رہنا ہے۔ اب آپ کہہ رہے ہیں کہ میں اپنے دماغ میں ایک ہی بات بٹھائی ہوئی کے صرف عوام کہ اہل حدیث سے خارج ہونے کی دلیل مانگنی ہے۔ میں موضوع سے نہ کبھی ہٹا ہوں اور نہ ہٹنے دونگا۔ اس لیے یہ خواب خیال چھوڑ دیں، کہ آپ موضوع کے علاوہ دلائل دیتے رہیں گے اور میں ان پر بحث کرتا رہونگا۔ جب تک موضوع پر دلیل نہیں دو گے، آپ کی ایک بھی دلیل قابل قبول نہیں ہوگی۔ اور اگر اسی طرح کاپی پیسٹ کرتے رہے، تو پھر انتظامیہ سے درخواست کرونگا کہ وہ آپ کو موضوع پر دلیل دینے پر پابند کرے۔ بعد میں یہ نہ کہنا کہ آپ کو بلاک کردیا گیا ہے، یا آپ پر سختی کی جارہی ہے۔ بار بار تنبیہ پر آپ نے اب تک بھی اخلاقیات پر عمل شروع نہیں کیا۔ حرکتیں خود کرتے آرہے ہیں، جب انتظامیہ ایکشن لے گی، تو سب سے برے پھر ہم ہوجائیں گے۔ اس لیے آپ اپنی اداؤں پر خود غور کرلیں۔شکریہ

نمبر3
٭ ارے بھائی عامل بالحدیث میں حدیث پر عمل کی شرط تو ہے، اور اس شرط کو امام احمد بن حنبل رحمہ اللہ نے بنیاد بنایا ہے۔ تو پھر آپ کس طرح کہہ سکتے ہیں کہ شرائط نہیں ہیں؟
٭ باقی اصل عمل ہوتا ہے یا کوئی اور چیز؟ اس پر آپ سے سوال کیا ہے، آپ کا جواب آنے پر مزید کچھ عرض کرونگا۔ ان شاءاللہ