کیا لفظ اہل الحدیث سے عوام خارج ہے؟

[ابو عبدالرافع]

آصف بھائی آپ کی باقی باتوں کا جواب ان سوالات کے دو ٹوک جواب کے بعد دونگا۔ ان شاءاللہ

پہلا سوال
کیا ہماری بحث صرف محدثین تھے؟ ہاں یا ناں میں جواب
دوسرا سوال
کیا صرف عامل بالحدیث کو اہلحدیث کہا، لکھا اور عامل بالحدیث جماعت کو اہلحدیث نام دیا جاسکتا ہے یا نہیں؟ ہاں یا ناں میں جواب
تیسرا سوال
آپ کا دعویٰ جو پہلی پوسٹ میں موجود ہے، پر جو وضاحت میں نے کی، کیا آپ اس سے انکار کرتے ہیں؟ ہاں یا ناں میں جواب
چوتھا سوال
آپ کی گفتگو سے ایک اصول سامنے آیا، کہ جہاں جس کا ذکر ہوگا، وہی بس مراد ہوگا، اور جن کا ذکر نہیں ہوگا، وہ اس سے خارج ہونگے۔کیونکہ آپ جتنے دلائل پیش کرچکے ہیں، اس میں محدثین کو اہلحدیث تو کہا گیا ہے لیکن کیا عامل بالحدیث لفظ اہلحدیث میں شامل نہیں؟ اس کا کوئی ذکر نہیں۔ لیکن آپ ذکر نہ ہونے کو اپنے حق میں دلیل بنا ر ہے ہیں۔ اس لیے آپ بتائیں کہ عدم ذکر نفی پر دلالت کرتا ہے یا نہیں؟ ھاں یا ناں میں جواب

آپ ان چار سوالات کے ہاں یا ناں میں جواب دیں، اس کے بعد پھر آپ کی باتوں پر کچھ عرض کرونگا۔ ان شاءاللہ

 

[asifchinioty]

پہلا سوال
کیا ہماری بحث صرف محدثین تھے؟ ہاں یا ناں میں جواب

الجواب الاول:​

ہماری گفتگو کا موضوع اہل الحدیث (محدثین ) ہیں، اس میں کسی کو شک نہیں ہونا چاہیے، البتہ میں کہتا ہوں کہ اہل الحدیث سے مراد صرف محدثین ہیں جس کے اندر اہل الحدیث کی شرائط نہ پائی جائیں اس پر اہل الحدیث کا اطلاق نہیں ہوتا، جبکہ آپ کہتے ہو کہ محدثین کے ساتھ ساتھ یہ اصطلاح عوام الناس اور جھلاء کے لئے بھی استعمال ہوسکتی ہے، (میرا دعوی اگر آپ پڑھ لیتے سمجھ لیتے تو شاید اس سوال کی ضرورت ہی پیش نہ آتی لیکن۔۔۔۔۔۔۔!)
ہر سوال کا جواب ہاں یا ناں میں نہیں ہوتا اس لئے وضاحت ضروری تھی میں نے کر دی۔

دوسرا سوال
کیا صرف عامل بالحدیث کو اہلحدیث کہا، لکھا اور عامل بالحدیث جماعت کو اہلحدیث نام دیا جاسکتا ہے یا نہیں؟ ہاں یا ناں میں جواب

الجواب الثانی:​

ایسا شخص جو حافظ الحدیث نہ ہو، عربی سے واقف نہ ہو، صحابہ کی سیرت و فضائل سے واقف نہ ہو، صحابہ سے احادیث نقل کرنے والوں کی حالت، تاریخ سے واقف نہ ہو، اصول الحدیث سے واقف نہ ہو، دیگر شرائط کے باوجود عامل بالحدیث نہ ہو، رواۃ احادیث کے بارے میں مکمل طور پر علم نہ رکھتا ہو ، ایسے شخص پر صرف عمل بالحدیث کی وجہ سے اہل الحدیث کا اطلاق نہیں ہوتا۔ جو شخص ان شرائط پورا کرنے کے ساتھ ساتھ عامل بالحدیث بھی ہو تو اس پر اہل الحدیث کا اطلاق ہوگا۔
ہر سوال کا جواب ہاں یا ناں میں نہیں ہوتا کہ اس سے کوئی اپنی مراد پوری کر سکے۔

تیسرا سوال
آپ کا دعویٰ جو پہلی پوسٹ میں موجود ہے، پر جو وضاحت میں نے کی، کیا آپ اس سے انکار کرتے ہیں؟ ہاں یا ناں میں جواب

الجواب الثالث:​

میرا دعوی یہ ہے: ’’ لفظ اہل الحدیث کا اطلاق محدثین پر ہوتا ہے، اس کے علاوہ جھلاء پر لفظ اہل الحدیث کا اطلاق نہیں ہوتا‘‘
آپ نے جو وضاحت کی ہے وہ میرے دعوی کا نتیجہ ہے میرا دعوی نہیں دعوی وہ ہوتا ہے جو تحریر میں موجود ہوفریق مخالف کی وضاحتیں دعوی نہیں ہوا کرتی، لہذا میں اپنے دعوی کے دلائل دونگا اور اسے ثابت کرونگا جب میرا دعوی ثابت ہوجائے گا توآپ کی وضاحت بھی ثابت ہوجائے گی، لہذا مجھ سے اگر دلیل کا مطالبہ کرنا ہے تو میرے دعوی کے مطابق کرنا ہے، اپنی وضاحت کی دلیل مجھ سے نہیں مانگ سکتے،

چوتھا سوال
آپ کی گفتگو سے ایک اصول سامنے آیا، کہ جہاں جس کا ذکر ہوگا، وہی بس مراد ہوگا، اور جن کا ذکر نہیں ہوگا، وہ اس سے خارج ہونگے۔کیونکہ آپ جتنے دلائل پیش کرچکے ہیں، اس میں محدثین کو اہلحدیث تو کہا گیا ہے لیکن کیا عامل بالحدیث لفظ اہلحدیث میں شامل نہیں؟ اس کا کوئی ذکر نہیں۔ لیکن آپ ذکر نہ ہونے کو اپنے حق میں دلیل بنا ر ہے ہیں۔ اس لیے آپ بتائیں کہ عدم ذکر نفی پر دلالت کرتا ہے یا نہیں؟ ھاں یا ناں میں جواب

الجواب الرابع:​

یہ بات تو جناب خود کہہ چکے ہیں کہ اہل الحدیث ایک صفاتی نام ہے اور صفات و شرائط میں ذکر کر چکا ہوں، لہذا صفاتی نام کس کو دیا جائے گا اس کا تعلق صفات کے ساتھ ہوتا ہے افراد کے ساتھ نہیں، جس شخص اندر وہ صفات پائی جائیں گی ہو اہل الحدیث ہوسکتا ہے، جس میں وہ صفات نہین پائی جائیں گی وہ اہل الحدیث نہیں کہلا سکتا۔
جب اہل الحدیث کی شرائط بیان کی جاچکی ہیں تو پھر عدم ذکر کی توجیح باقی ہی نہیں رہتی، دنیا میں بہت سارے فن ہیں کہ ہر فن کے ماہر کی شرائط بیان کر دی جاتی ہیں وہ شرائط کسی شخص میں ہوتو وہ نام دیا جائے گا اور اگر شرائط نہیں ہونگی تو نام نہیں دیا جائے گا، اس کے لئے مزید کسی صراحت کی ضرورت باقی ہی نہیں رہتی۔
اہل اللغہ کس کو کہتے ہیں اس کی شرائط موجود ہیں جو شخص لغت کا ماہر ہوگا وہ اہل اللغۃ کہلائے گا جو ماہر نہیں ہوگا وہ اہل اللغہ نہیں کہلائے گا، اب کسی صراحت کی ضرورت نہیں عدم ذکر اور ذکر شرائط ہی کافی ہے۔
اہل الفقہ کس کو کہتے ہیں اس کی شرائط موجو د ہیں جو ان شرائط کو پورا نہیں کرتا وہ اہل الفقہ نہیں ہوسکتا اور جو شرائط پوری کرتا ہے اس کو اہل الفقہ کہا جائے گا ، اس کے بعد کسی صراحت ضرورت نہیں بلکہ عدم ذکر اور ذکر شرائط کافی ہے۔
اہل التفسیر کس کو کہتے ہیں اس کی شرائط موجود ہیں جو ان شرائط کو پورا کرے گا وہ اہل التفسیر میں شمار ہوگا اور جو پورا نہیں کرے گا وہ اہل التفسیر نہیں کہلائے گا، اس کے بعد کسی صراحت کی ضرورت نہیں بلکہ عدم ذکر اور ذکر شرائط کافی ہے۔
اہل التاریخ کس کو کہتے ہیں اس کی شرائط موجود ہیں جو ان شرائط کو پورا کرے گا وہ اہل التاریخ ہوگا اور جو پورا نہیں کرے گا وہ اہل التاریخ نہیں کہلائے گا اس کے بعد کسی صراحت کی ضرورت نہیں بلکہ عدم ذکر اور ذکر شرائط ہی کافی ہے۔
اسی طرح اہل الحدیث کس کو کہتے ہیں اس کی شرائط کتب میں موجود ہیں، جو ان شرائط پر پورا اترے گا اسے اہل الحدیث کہا جائے گا اور جو ان شرائط پر پورا نہیں اترے گا وہ اہل الحدیث نہیں کہلائے گا اس کے بعد کسی صراحت کی ضرورت نہیں بلکہ عدم ذکر اور ذکر شرائط ہی کافی ہے۔
درج بالا تمام امور فنون ہیں اور فنون کا ماہر وہی ہوتا ہے جو اس فن کی شرائط کو پورا کرتا ہو، ہر ایرے غیرے کو یہ نام اپنے اوپر چسپاں کرنے کی اجازت نہیں ہے
ویسے تاریخ اسلامی میں محدثین کے علاوہ جھلاء کی کسی جماعت کا اہل حدیث نام نہ ہونا اس لفظ کے خاص ہونے کی دلیل ہے اگر کسی کو اس کے خلاف کو چیز ثابت کرنی ہے تو اسے صراحتا دکھانا پڑے گا کہ محدثین کے علاوہ بھی تمام مسلمانوں کی کسی جماعت کو اہل الحدیث کہا جاتا ہے اس جماعت کا مرکز بھی بتانا پڑے گا۔

 

[asifchinioty]

آپ کی چند کتابوں کے حوالے دے رہا ہوں کہ برصغیر میں سب سے پہلی جھلاء کی جماعت ہے جو کو اہل حدیث کا نام دیا گیا ورنہ سے اس سے پہلے اسلامی تاریخ میں خواص و عام پر مشتمل ایسی کسی جماعت کا ذکر نہیں ملتا جس کو اہل حدیث کہا جاتا ہے، لہذا ان حوالوں کو برداشت کر لینا بلاک کرنے کی دھمکی نہ دینا

 

[ابن داود]

السلام علیکم ورحمۃ اللہ وبرکاتہ!
عدیل سلفی بھائی!یہاں فریقین کی رضا مندی سے دو ابو عبد الرافع اور asifchinioty کے مابین گفتگو جاری ہے، آپ پرائیوٹ میں معاونت کر لیں!
معذرت کے ساتھ میں آپ کے مراسلہ کو دوسرے تھریڈ میں منتقل کررہا ہوں

 

[asifchinioty]

دھوکہ کون دے رہے ہیں بہت زیادہ واضح ہوچکا ہے اور باقی ہوجائے گا

 

[ابو عبدالرافع]

دھوکہ کون دے رہے ہیں بہت زیادہ واضح ہوچکا ہے اور باقی ہوجائے گا

آپ محدث فورم کے رولز کی خلاف شروع سے اب تک کرتے آرہے ہیں، جبکہ آپ کو بار بار کہا اور بتایا جا چکا ہے۔ اور خلاف ورزی کرنے کے بعد آپ ساتھ یہ بھی کہتے چلے آرہے ہیں کہ بلاک کرنے کی دھمکی نہ مل جائے؟ میرے بھائی آپ اخلاق سے گری ہوئی باتی لکھیں ہی ناں، اور نہ آپ کو بلاک کرنے کی طرف انتظامیہ سوچے۔ مثلاً پوسٹ نمبر43 جو آپ نے لگائی جس میں یہ الفاظ ہیں وکٹورین، فرقہ جدید ، وکٹورین کہنے سے کوئی نہیں روک سکتا، لامذہب فرقہ، اجماعی مسائل کے منکر، مولوی اقرار کر رہا ہے۔
آپ نے کتب کے سکرین شارٹ پیش کرنا ہی تھے؟ تو ان اضافی گری ہوئی باتوں کی یہاں کیا ضرورت تھی؟ یہ فیس بک نہیں کہ جہاں پر آپ گالم گلوچ دیتے رہیں، اور آپ سے پوچھنے والا کوئی نہ ہو، اور نہ ہی آپ کے الغزالی وغیرہ جیسا فورم ہے، کہ جہاں جس کا جس دل چاہے ویسے ہی لکھتا چلا جائے اور واہ واہ کی دادیں وصول کرے۔ میرے بھائی یہ محدث فورم ہے۔ اس لیے ایک بار پھر گزارش ہے کہ میرے ساتھ گفتگو کرتے ہوئے اخلاقیات میں ہی رہیں۔شکریہ

 

[ابو عبدالرافع]

جرات وبہادری کے ساتھ واضح حقائق سے ہی انکار کردینا، یہ علمائے احناف میں دیکھا ہے، اور یہاں پر بھی دیکھ رہا ہوں ۔۔۔ چونکہ اب ہمارا اختلاف دعویٰ پر ہوگیا ہے، اس لیے مزید بات چلانے سے پہلے ہم دعویٰ پر ہی بات کریں گے۔ گزارش ہے کہ میری اگلی پوسٹ کا انتظار کریں، جس میں ان شاءاللہ باثبوت ثابت کرونگا، کہ آپ کا کیا دعویٰ تھا؟ اور کس دعویٰ پر بات کرنے کےلیے ہم فورم پر تشریف لائے۔ اور آپ نے جو یہ دعویٰ کیا کہ اہل حدیث سے مراد صرف محدثین ہیں، یہ کس سیاق وسباق میں کیا تھا؟ انتظار کریں۔شکریہ

 

[asifchinioty]

آپ محدث فورم کے رولز کی خلاف شروع سے اب تک کرتے آرہے ہیں، جبکہ آپ کو بار بار کہا اور بتایا جا چکا ہے۔ اور خلاف ورزی کرنے کے بعد آپ ساتھ یہ بھی کہتے چلے آرہے ہیں کہ بلاک کرنے کی دھمکی نہ مل جائے؟ میرے بھائی آپ اخلاق سے گری ہوئی باتی لکھیں ہی ناں، اور نہ آپ کو بلاک کرنے کی طرف انتظامیہ سوچے۔ مثلاً پوسٹ نمبر43 جو آپ نے لگائی جس میں یہ الفاظ ہیں وکٹورین، فرقہ جدید ، وکٹورین کہنے سے کوئی نہیں روک سکتا، لامذہب فرقہ، اجماعی مسائل کے منکر، مولوی اقرار کر رہا ہے۔
آپ نے کتب کے سکرین شارٹ پیش کرنا ہی تھے؟ تو ان اضافی گری ہوئی باتوں کی یہاں کیا ضرورت تھی؟ یہ فیس بک نہیں کہ جہاں پر آپ گالم گلوچ دیتے رہیں، اور آپ سے پوچھنے والا کوئی نہ ہو، اور نہ ہی آپ کے الغزالی وغیرہ جیسا فورم ہے، کہ جہاں جس کا جس دل چاہے ویسے ہی لکھتا چلا جائے اور واہ واہ کی دادیں وصول کرے۔ میرے بھائی یہ محدث فورم ہے۔ اس لیے ایک بار پھر گزارش ہے کہ میرے ساتھ گفتگو کرتے ہوئے اخلاقیات میں ہی رہیں۔شکریہ

ڈوبتے کو تنکے کا سہارا

جرات وبہادری کے ساتھ واضح حقائق سے ہی انکار کردینا، یہ علمائے احناف میں دیکھا ہے، اور یہاں پر بھی دیکھ رہا ہوں ۔۔۔ چونکہ اب ہمارا اختلاف دعویٰ پر ہوگیا ہے، اس لیے مزید بات چلانے سے پہلے ہم دعویٰ پر ہی بات کریں گے۔ گزارش ہے کہ میری اگلی پوسٹ کا انتظار کریں، جس میں ان شاءاللہ باثبوت ثابت کرونگا، کہ آپ کا کیا دعویٰ تھا؟ اور کس دعویٰ پر بات کرنے کےلیے ہم فورم پر تشریف لائے۔ اور آپ نے جو یہ دعویٰ کیا کہ اہل حدیث سے مراد صرف محدثین ہیں، یہ کس سیاق وسباق میں کیا تھا؟ انتظار کریں۔شکریہ

میں تو منتظر ہوں آپ اپنے دلائل کے ساتھ تشریف لائیں ، آپ کی جرات و بہادری کی مناظر دیکھے جارہے ہیں ۔
موصوف بھاگنے کا بہانہ چاہتے ہیں ورنہ دعوی میں کوئی اختلاف نہیں۔ میرا دعوی اظہر من الشمس ہے لیکن جب یہ طے کر لیا گیا ہے کہ اب بات کو آگے نہیں لے جانا تو اس کے لئے بہانے تو درکار ہونگے

 

[ابو عبدالرافع]

بحث کیسے؟ کہاں سے؟ اور کس موضوع پر شروع ہوئی؟​

ابومحمد بھائی کی طرف سے فیس بک پر ایک پوسٹ ہوئی جس کا ٹائٹل تھا۔ ’’ اہل حدیث کو ایک نو پیدا مسلک قرار دینے والے بتائیں‘‘ جس میں مسلک اہلحدیث کے بارے میں کچھ پوچھا گیا تھا، تفصیل پیش ہے۔

’’ کیا یہ حقیقت نہیں کہ امام ابوحنیفہ کا مذہب دوسری صدی میں ان کے شاگردوں نے مدون کیا، اور صدہا علماء اور فقہاء کی رائے قیاس اس میں شامل کیے گئے۔پھر اس کی سند کا بھی کوئی التزام نہیں کیا گیا۔ جس کی وجہ سے صدہا عالموں نے اپنی رائے قیاس اور فتووں کو شامل کردیا، اس کو تو صحیح اسلام قرار دیا جائے۔ اور جس مذہب کا ڈھانچہ کتاب اللہ اور سنت رسول صلی اللہ علیہ وسلم سے تیار کیا گیا ہو، جس کی صحت اور سند کا التزام اس قدر ہزم واحتیاط اور صحیح نقل کے ساتھ کیا گیا ہو۔ کہ اس سے زیادہ صحت اور سند کا التزام انسانی دنیا نہ کرسکی ہو۔ اس کو نیا جعلی بناوٹی مذہب قرار دیا جائے۔‘‘

چونکہ پوسٹ میں لفظ اہلحدیث شامل کیا گیا، تو آصف بھائی تشریف لائے، اور بات کا آغاز کیا۔ یہاں پر کچھ ایسی باتیں نقل کرنے لگا ہوں، جس سے واضح ہوتا ہے کہ ہماری بحث کا اصل موضوع کیا تھا؟ کیونکہ آصف بھائی اب اپنے دعویٰ سے فراری اختیار کیے ہوئے ہیں، حتیٰ کہ یہاں تک کہہ دیا، کہ میں اس پر دلیل دینے کا بھی ذمہ دار نہیں۔ (ابتسامہ ڈبل ڈبل ابتسامہ)

1۔ برصغیر میں نام نہاد اہل الحدیث کے وجود سےپہلے اہل الحدیث کا اطلاق جھلاء پر ہوتا تھا؟
2۔ میں تو موجودہ دور کے نام نہاد اہل الحدیث کے بارے میں سوال کر رہا ہوں کہ پہلے کسی جاہل کے لئے اہل الحدیث کا لفظ محدثین فقھاء اور مجتھدین نے استعمال کیا ہو؟
3۔ کیا جھلاء پر اہل الحدیث کا اطلاق تاریخ اسلامی میں ہوا کبھی؟
4۔ امام احمد رحمہ اللہ نے جھلاء کو اہل الحدیث کہا ہے؟
5۔ امام احمد رحمہ اللہ نے اصحاب الحدیث کو طائفہ منصورہ میں شامل کیا ہے کہ ان اصحاب الحدیث کا اطلاق جھلاء پر بھی ہوتا ہے یا اس سے مراد محدثین ہوتے ہیں؟
6۔ میرا دعوی ہے کہ اہل الحدیث اور اصحاب الحدیث صرف محدثین کو کہا جاتا ہے۔
7۔ دلیل کی ضرورت نہیں کیونکہ صاحب الحدیث، اصحاب الحدیث اور اہل حدیث کا اطلاق محدثین پر ہوتا ہے نہ کہ جھلاء پر۔
8۔ صاحب الحدیث اور اصحاب الحدیث کا اطلاق سوائے محدثین اور علوم حدیث کے ماہرین کے کسی پر نہیں ہوتا۔
9۔ جھلاء پر اہل الحدیث کا اطلاق کس نے کیا دکھاؤ جناب۔
10۔ اہل حدیث کا اطلاق جھلاء کے لئے انگریز کے زمانے سے ہوا ہے۔
11۔ میں نے انکار کیا ہے کہ اہل الحدیث جھلاء کو نہی کہتے۔
12۔ تو جناب میرا دعوی ہے کہ اہل الحدیث کا اطلاق صرف محدثین پر ہوا ہے جھلاء پر نہیں ہوا۔ (اس کومنٹ پر آپ کی طرف سے مزید یہ کہنا کہ ’’اب جواب دعوی لکھو اور پھر کرتے ہیں بات‘‘

محترم جناب اپنے ان 12 کومنٹس کو چیک کریں، یہاں نقل ہر کومنٹ میں آپ کا خطاب جہلاء ہی ہیں کہ جہلاء کو کس نے اہلحدیث کہا ہے؟ اور باقی فیس بک پر ہونے والی گفتگو چیک کریں، آپ کو مزید اندازہ ہوگا، کہ بات ہماری جہلاء پر تھی یا محدثین پر؟

ابو عبدالرافع کی فیس بک پر گفتگو​

مجھے کہا جا رہا ہے کہ میں موضوع کو بدل رہا ہوں، اور ایک اور دعویٰ جو مد مقابل کا ہے ہی نہیں، منسوب کرنے کی کوشش کر رہا ہوں، اس الزام کو آپ میرے ان کومنٹس سے دور کرسکتے ہیں۔ کہ ہماری بحث کا موضوع کیا تھا؟ اور کس موضوع کو لے کر ہم محدث فورم پر تشریف لائے۔

1۔ اس لیے میرے بھائی یہ ماننا پڑے گا کہ اہل الحدیث میں ہر بندہ شامل ہے جو قرآن وحدیث پر عمل کرنے والا ہو ۔۔ چاہے اس کا مقام ومرتبہ جس طرح کا بھی ہو۔
2۔ آپ کا دعویٰ ہے ناں کہ اہل حدیث لفظ سے جہلاء خارج ہیں ۔۔۔ جب کہ ہم کہتے ہیں کہ اہل حدیث لفظ کا اطلاق جہلاء پربھی ہوتا ہے۔۔۔۔ آپ اپنے دعویٰ پر ایک دلیل پیش کریں، جس میں اس بات کا ذکر ہو کہ اہل حدیث لفظ کا اطلاق جہلاء پر نہیں ہوسکتا۔
3۔ صرف وہ عبارات پیش نہ کرنا جس میں اہل الحدیث کا اطلاق محدثین پر کیا گیا ہے۔ بلکہ ایسی دلیل پیش کرو، جس میں صراحت ہو کہ اہل حدیث لفظ میں جہلاء خارج ہیں۔
4۔ آپ کوئی ایسی عبارت پیش کرو جس میں اہل حدیث لفظ سے جہلاء کو خارج کیا گیا ہو کیونکہ دعویٰ آپ کا ہے اس لیے دلیل بھی آپ پر ہوگی اور دعویٰ خاص اس لیے دلیل بھی خاص۔
5۔ جب کہ ہم امام صاحب کی بات پیش کرچکے ہیں، جس کا اطلاق دونوں پر ہوتا ہے، کیونکہ اگر دونوں پر نہیں مانیں گے، تو پھر محدثین کے علاوہ سب کو جہنمی کہنا پڑے گا۔
6۔ دعویٰ تم نے کیا کہ اہل حدیث لفظ کا اطلاق جہلاء پر نہیں ہوسکتا، اب دلیل میں دوں ھی ھی ھی ھی۔
7۔ میرے بھائی دعویٰ تمہارا ہے، کہ اہل حدیث کا جو لفظ ہے، اس کا اطلاق جہلاء پر نہیں ہوسکتا ۔۔۔۔ ہم نے تو ایسا کوئی دعویٰ کیا ہی نہیں ۔۔۔ دعویٰ دعویٰ ہوتا ہے چاہے اس دعویٰ میں اثبات ہو یا انکار ۔۔۔۔ اس لیے آپ مدعی ہیں اور دلیل مدعی پر ہی ہوتی ہے اور پھر آپ کا دعویٰ بھی خاص ہے، خاص دعویٰ پر خاص دلیل ۔۔۔ اس لیے حضور سے گزارش ہے کہ خاص دلیل پیش کرو، جس میں صراحت ہو کہ اہل حدیث لفظ سے جہلاء خارج ہیں۔

فورم پر قارئین کو صرف حقیقت بتانے کےلیے چند پوسٹس نقل کی ہیں، باقی فیس بک پوسٹ کا لنک شامل ہے، لہذا احباب وہاں جا کر دیکھ سکتے ہیں کہ بحث کا اصل موضوع کیا تھا؟ اور کس موضوع کو لے کر محدث فورم پر تشریف لائے؟ اورا کس موضوع کو سامنے رکھتے ہوئے پوسٹ کا ٹائٹل بنایا گیا کہ ’’ کیا لفظ اہلحدیث سے عوام خارج ہے۔‘‘

بات جاری ہے، بات پوری نہ ہونے تک پوسٹ نہ کی جائے

 

[asifchinioty]

کھودا پہاڑ اور نکلا چوہا اور وہ بھی مرا ہوا،

جاری رکھیں اتنا معمولی سا تبصرہ ضروری تھا تاکہ آپ کہ مکمل بات ۔کاخلاصہ بیان کر دیا جائے