یہ حدیث جو آپ بار بار پوسٹ کر رہے ہیں ،،سراسر قرآن کے خلاف ہے ،
قرآن تو واشگاف الفاظ میں خود مصطفی کریم صلی اللہ علیہ وسلم کوخصوصی خطاب کرکے بتاتا ہے
( إِنَّكَ لَا تُسْمِعُ الْمَوْتَى وَلَا تُسْمِعُ الصُّمَّ الدُّعَاءَ إِذَا وَلَّوْا مُدْبِرِينَ ) بے شک آپ مردوںکو نہیں سنا سکتے،،
ترجمہ میں آپ نے بین القوسین (نبی صلی اللہ علیہ وسلم کا معجزہ تھا) اپنی طرف سے خواہ مخواہ ایڈ کردیا ،،یہ ایجاد بندہ ہے ؛
ویسے لفظ ’‘ معجزہ ‘‘ بھی خود ساختہ ہے قرآن میں کہیں نہیں آیا یہ صرف فرقہ پرستوں نے ایجاد کیا ؛
اور آپ ماشاء اللہ محقق ہیں ،آپ ہی نے بتایا تھا کہ امام بخاری کے راوی ضعیف بھی ہیں ( جیسے المنہال بن عمرو ) تو ایسی کتاب جس میں ضعیف رواۃ موجود ہوں ۔۔۔۔۔اس کی روایات ،قرآن کے خلاف کیسے قبول ہو سکتی ہیں ؟؟
جواب کا شدت سے انتظار ہے
ذلك إنما هو لسوء صنيعِهم وبسبب جنايتِهم۔۔۔وأما نحن فنؤمن بحجية الصحيحة والآثار
محترم -
قرآن کی یہ آیت بھی ملاحظه فرمائیں -٠
وَمَا يَسْتَوِي الْأَحْيَاءُ وَلَا الْأَمْوَاتُ ۚ إِنَّ اللَّهَ يُسْمِعُ مَنْ يَشَاءُ ۖ وَمَا أَنْتَ بِمُسْمِعٍ مَنْ فِي الْقُبُورِ سوره فاطر ٢٢
اور زندے اور مردے برابر نہیں ہیں
بے شک الله سناتا ہے جسے چاہے اور آپ (صل الله علیہ وآ وسلم) انہیں سنانے والے نہیں جو قبروں میں ہیں-
یعنی الله کا مقرب نبی بھی اپنے پاس سے کوئی نشانی نہیں لا سکتا جب تک کہ الله نہ چاہے - قران کے الفاظ صاف ہیں کہ نبی کریم صل الله علیہ واله وسلم خود سے قبروں میں مدفون انسانوں کو نہیں سنا سکتے - مگر الله اپنی قدرت سے نبی کریم صل الله علیہ و آ له وسلم کی آواز (معجزہ) کے طور پر ان مقتولین کو سنوا سکتا ہے - اس لئے مقتولین بدر کو الله کے نبی کا خطاب سنانا "حدیث " کے مخالف نہیں -
اس حدیث کی مفہوم میں البتہ حضرت عائشہ رضی الله عنہ کا بیان مختلف ہے -ان کے نزدیک نبی کریم صل الله علیہ و آ لہ وسلم نے مقتولین بدر سے جو خطاب کیا تھا وہ ان کو سنانے کے لئے نہیں کیا تھا بلکہ عام تھا - لیکن یہ بات بھی قابل ذکر ہے کہ حضرت عائشہ رضی الله عنہ کسی بھی مردہ کے سننے کی قائل نہیں تھیں -چاہے وہ مقتولین بدر ہوں یا عام فوت ہونے والے لوگ -اور ہم پر یہ الزام کے آپ لوگ عثمانیوں کی پیروی میں مردہ کے سننے کے قائل نہیں -
جب کہ آپ کی پیش کردہ احادیث میں مردہ جوتوں کی چاپ سنتا ہے - تو پھر یہاں اگر آپ کی بیان کردہ آیت
إِنَّكَ لَا تُسْمِعُ الْمَوْتَى وَلَا تُسْمِعُ الصُّمَّ الدُّعَاءَ إِذَا وَلَّوْا مُدْبِرِينَ کا مطلب وہی لیا جائے جو آپ نے بیان کیا ہے تو یہ حدیث بھی بھی قرآن کا سراسر مخالف ہے کہ مردہ جوتوں کی چاپ سنتا ہے - جب وہ ہے ہی مردہ اور اس میں احساس ختم ہو چکا تو جوتوں کی چاپ سننا چہ معنی دارد - صرف یہی نہیں بلکہ اکثر نام نہاد علما ء نبی کریم صل الله علیہ و آ لہ وسلم کا اپنی قبر میں سلام سننے کے بھی قائل ہیں -
جب کہ قرآن تو واضح طور پر کہتا ہے :
إِنَّكَ مَيِّتٌ وَإِنَّهُمْ مَيِّتُونَ سوره الزمر ٣٠
بے شک
(اے نبی) آپ کو بھی مرنا ہے اور ان کو بھی مرنا ہے-
جہاں تک قرآن میں معجزہ کا لفظ نہ ہونے کا تعلق ہے تو محترم- معجزہ“ کا مطلب عاجز کر دینا یعنی مجبور کردیناسے ہے، عقل کو حیران کر دینا، کسی کام کی کوئی سائنسی توجیہ سمجھ میں نہ آنا، اسباب کے بغیر کسی کام کا ہوجانا، وغیرہ معجزہ کہلاتے ہیں۔دوسرے لفظوں میں ”خرق عادت“ کام کو معجزہ کہتے ہیں۔ قرآن میں یہ لفظ تو نہیں آیا لیکن
آیت یعنی "نشانی" کا لفظ جو اس کا ہم معنی ہے میں آیا ہے-
ویسے تو قرآن میں لفظ "نماز" بھی کہیں نہیں آیا - صرف صلات کا لفظ استمعال ہوا ہے اور اس کے بھی کئی معنی ہیں -اسی طرح درود کا لفظ بھی نہیں ہے -کیا یہ بھی فرقہ پرستوں کی ایجاد ہے - اگر ہے تو تمام اہل سنّت اس کو روز مرہ کی زندگی میں کیوں استعمال کرتے ہیں؟؟ -
امام بخاری کی جن روایات میں ضعیف راوی ہے ان پر امام بخاری نے خود جرح کی ہے - اس حدیث میں کوئی جرح نہیں- اس کے تمام راوی سقہ ہیں - البتہ سلف و صالحین میں اس کے مفہوم میں تھوڑا بہت اختلاف ضرور ہے - (واللہ اعلم)
![محدث فورم [Mohaddis Forum]](/styles/default/xenforo/Forum.jpg)
