ہیپی برتھ ڈے (HAPPY BIRTH DAY)

[محمد عامر یونس]

آپ کو مغالطہ اکثر یہ ہو رہا ہے کہ آپ اپنی کوئی بات پوسٹ کر رہے ہیں ۔۔۔ حالانکہ آپ پوسٹ نہیں کر رہے بلکہ "نقل" کر رہے ہوتے ہیں۔ اور میں بچارا آپ کو بار بار یاد دلا رہا ہوں کہ یہ مکالمہ سیکشن ہے۔ اگر آپ کے پاس صلاحیت ہے تو اپنی سوچ و فکر کے ساتھ حصہ لیجئے یا نہیں تو پھر صرف سوال کیجئے۔ علماء کے فتاویٰ / کتابوں کے اقتباسات نقل کرنے کے لئے اور بھی کئی سیکشن ہیں جہاں اپنی پسند کی چیزیں شئر کرنے سے استفادہ کیا جا سکتا ہے۔
یہاں جو بھائی مکالمہ کر رہے ہیں (بشمول راقم) ان کے لئے یہ حوالے غیرضروری ہیں کیونکہ یہ سب ہم نے اس وقت ہی حرفاً حرفاً پڑھ لیا تھا جب یہ کتب بازار میں آئی تھیں

تو پھر اس پوسٹ کا موضوع جو کہ (HAPPY BIRTH DAY) کے نام پر ہے جو کہ واضح طور پر کفار کا شعار ہے تو اس پر اتنی غور و فکر کیوں ؟؟؟؟؟؟ کیا ھمارے لئے ان کا طریقہ حجت ہیں ؟؟؟

 

[حیدرآبادی]

تو پھر اس پوسٹ کا موضوع جو کہ (HAPPY BIRTH DAY) کے نام پر ہے جو کہ واضح طور پر کفار کا شعار ہے تو اس پر اتنی غور و فکر کیوں ؟؟؟؟؟؟ کیا ھمارے لئے ان کا طریقہ حجت ہیں ؟؟؟

معذرت! مگر اس تھریڈ میں یہ میرا آپ کے لئے آخری جواب ہے۔
ایک سوال آپ سے: کیا آپ اس فورم کے بانی یا مالک ہیں؟ یا یہاں صرف اسی موضوع پر گفتگو ممکن ہے جو آپ کی پسند یا مرضی پر موقوف ہو؟
I think you have to be in your limits

 

[محمد عامر یونس]

معذرت! مگر اس تھریڈ میں یہ میرا آپ کے لئے آخری جواب ہے۔
ایک سوال آپ سے: کیا آپ اس فورم کے بانی یا مالک ہیں؟ یا یہاں صرف اسی موضوع پر گفتگو ممکن ہے جو آپ کی پسند یا مرضی پر موقوف ہو؟
I think you have to be in your limits

بس بھائی آپ کے اندر اتنا صبر تھا میں نے تو سوال کئے تھے

اس سوال کا جواب آپ ہی دے دیں

(HAPPY BIRTH DAY) جو کہ واضح طور پر کفار کا شعار ہے تو کیا ھمارے لئے ان کا طریقہ حجت ہیں ؟؟؟؟؟؟؟

کیا دین اسلام کسی کی ملکیت ہے ؟؟؟ اور ہاں بھائی میں انگلش پڑھ تو لیتا ہو لیکن سمجھ پوری طرح نہیں پاتا اس کو ترجمہ بھی کر دیں

 

[ابوالحسن علوی]

بس بھائی آپ کے اندر اتنا صبر تھا میں نے تو سوال کئے تھے

اس سوال کا جواب آپ ہی دے دیں

(HAPPY BIRTH DAY) جو کہ واضح طور پر کفار کا شعار ہے تو کیا ھمارے لئے ان کا طریقہ حجت ہیں ؟؟؟؟؟؟؟

کیا دین اسلام کسی کی ملکیت ہے ؟؟؟ اور ہاں بھائی میں انگلش پڑھ تو لیتا ہو لیکن سمجھ پوری طرح نہیں پاتا اس کو ترجمہ بھی کر دیں

عامر بھائی، یہی تو ایشو ہے کہ کیا کفار کا شعائر ہے اور کیا نہیں؟ کیا چمچ سے کھانا اور کرسی ٹیبل پر بیٹھ کر کھانا کفار کا شعائر نہیں ہے؟ اور اس طرح کی لمبی چوڑی فہرست ہے و کفار کے شعائر میں شامل ہے لیکن سب ان شعائر پر عمل پیرا ہیں۔ جس طرح ہم گھر بنا کر رہتے ہیں کیا گھر بنانے کے جدید انداز مغرب سے درآمد شدہ نہیں ہیں؟ اب کیا لنٹر ڈالنا مسلمانوں کی ایجاد ہے؟ مسلمانوں کا طرز تعمیر تو بالکل مختلف ہے اگر ہم آرکیٹیکچر پر کوئی تحریر پڑھیں تو واضح ہو جائے گا کہ مسلم طرز تعمیر مغربی طرز تعمیر میں تبدیل ہو چکا ہے۔

 

[قاھر الارجاء و الخوارج]

ابو الحسن بھائی ایک ہے ان کی خوشی کے موقع اپنانا یعنی جن مواقع پر خوشی مناتے ہیں یہ زیادہ خطرناک ہے بنسبت ٹیبک وغیرہ پر بیٹھ کے کھانے پر اور گھروں کی تعممیر میں اگر ان کی ثقافت ہے جیسے بے پردہ گھر بنائے جاتے ہیں تو ان سے بھی بچنا ہی چاھیئے ہاں فتوی کہ یہ بھی حرام ہے وہ علماء ہی دیں میں قطعا اپنے لیئے اور مشورہ لینے والے کیلیئے یہ پسند نہیں کروں گا لیکن حرام کسی کیلئے نہیں کہتا الا یہ کہ علماء اس بارے یہ فیصلہ دے دیں
باقی اقتضاء الصراط المستقیم کو آپ بھی دیکھیں اور باقی بھائی بھی میں ابھی ابتدائی کلاسوں میں تھا جب میں نے وہ پڑھنی شروع کی تھی
ابن تیمیہ رحمہ اللہ نے امام احمد کا قول نقل کیا ہے اور بھی اقوال ہیں کہ ان سے پوچھا گیا یہ جو سندھ کی بنی جوتی لوگ پہنتے ہیں سبتیہ تو انھوں نے اسے نا پسند جاانا تھا یہی کہا تھا من زی العجم
اسیے ہی ابن تیمیہ رحمہ اللہ نے یہ بھی نقل کیا تھا کہ سلف بلا ضرورت اعاجم کی زبان بولنے کو ناپسند کرتے تھے
باقی انسان کا اپنا اپنا ایمان ہوتا ہے جو اسے کسی کام پر ابھارتا ہے مجھے آج تک یہی سمجھ لگی ہے
اور کچھ عرصہ قبل شیخ ولید السنانی کا انٹرویو دیکھا جیل سے اللہ کے اس بندے کو 20 سال ہو چلے ہیں غالبا نہ خود یہ پڑھا نہ بچوں کو پڑھایا وجہ کیا ہے ؟؟؟ یہ تعلیم کا نظام غیر شرعی امور پر مشتمل ہے اینکر کہتا ہے بیٹا تیرا جاھل فلاں فلاں کہنے لگے کہ میرے بیٹے کی لکھائی میرے سے خوبصورت ہے اور میرے بیٹے کی نحو میں تم ایک غلطی نہیں پکڑ سکتے میرا بیٹا اتنی کتب حدیث حفظ کر چکا ہے
علی کل حال مجھے یہ اقوال اچھے لگے لہذا میں تو یہی کہتا ہوں جو سلف کہا کرتے تھے کہ جوتوں تک میں تشابہ سے بچنا چاھیئے اور ابن تیمیہ رحمہ اللہ یہی بیان کرتے ہیں کہ شریعت کا مقصود ہی یہ ہے کہ کفار کی ہر کام میں مخالفت کرو اب کوئی یہ نہ کہ دے کہ ان کے بنے برتن اور گاڑی الی اخرہ کہ یہ چیزیں اللہ کے نبی صلی اللہ علیہ و سلم استعمال کرتے رہے اور اس کی اجازت بھی دی
لیکن انسان لے ہی ان کے تو
اپنے اپنے دل کی بات ہے

 

[حیدرآبادی]

لہذا میں تو یہی کہتا ہوں جو سلف کہا کرتے تھے کہ جوتوں تک میں تشابہ سے بچنا چاھیئے اور ابن تیمیہ رحمہ اللہ یہی بیان کرتے ہیں کہ شریعت کا مقصود ہی یہ ہے کہ کفار کی ہر کام میں مخالفت کرو

بالا قول پڑھ کر مجھے یہ روایت بےساختہ یاد آ گئی :)

حضرت عبداللہ بن عمر رضی اللہ عنہ سے ایک عراقی نے پوچھا کہ حالت احرام میں مکھی کا جائز ہے؟ انہوں نے خفا ہوکر جواب دیا:
"اے اہل عراق تمہیں مکھی کی جان کا اتنا خیال ہے حالانکہ تم رسول اللہ ﷺ کے نواسے کو قتل کرچکے ہو۔"

کتنی عجیب بات ہے کہ محض چند عمومی باتوں/چیزوں کے پیچھے ہم تشبہ تلاش کر رہے ہیں جبکہ دین کے بنیادی امور جن پر تقویٰ و للہیت کا دارومدار ہے وہ سب آج ہماری ترجیحات میں شامل نہیں ۔۔۔ آج ہم میں سے کون ہے جو جھوٹ نہ بولنے کا دعویٰ کرتا ہوں ، جس نے کبھی بدعہدی نہ کی ہو ، امانت میں خیانت نہ کی ہو ، کبھی بداخلاقی کا مظاہرہ اس بنیادی اصول کی روشنی میں نہ کیا ہو (مامن شیٔ اتقل فی المیزان منحسن الخلق / ان من احبّکم الیَّ احسنکم اخلاقاً)
پہلے ہم اپنے تقویٰ کے معیار کو سلف کے معیار تک تو لے جائیں کہ جس معیار تک پہنچ کر آدمی خود بخود بول اٹھے کہ ۔۔۔
آج ہی کے دن (10/دسمبر) 1948 کو اقوام متحدہ نے عالمی یوم حقوق انسانی کی بنیاد رکھتے ہوئے فلاح انسانی کا جو امن چارٹر بنایا تھا وہ تو 1400 سال پہلے ہادئ مکرم نے دنیا کے سامنے پیش کرتے ہوئے بتا دیا تھا کہ حقوق انسانی اور اس دینِ اسلام کی فطرت کے درمیان مکمل یکجہتی، یکسانیت اورہم آہنگی ہے۔

ورنہ تو دو چار اپنی پسند کی چیزیں ادھر ادھر سے لے لینا کہ فلاں فلاں سلف کی یہ عادت یہ حکمت تھی ۔۔۔۔ یہ دین نہیں میرے بھائی ۔۔۔ نفس پرستی ہے!

 

[محمد عثمان]

معقول بات ہے۔ لیکن ۔۔۔
اگر کوئی ساتھی ان متوقع فتنوں/بدعات کا بھی ذکر کر دیں تو اس موضوع پر مزید بات ہو سکے گی

بھائی بدعات میں سرِ فہرست "عید میلاد النبی" ہے، دوسرا یہ کہ ایسے تہوار یا ایام جو کہ مسلمانوں نے مجموعی طور پر آج تک نہیں منائے، اور جو غیر مسلموں سے امپورٹ ہو کر ہم میں رائج ہو رہے ہیں، ان تہواروں میں اکثر باتیں ایسی ہیں جسکو ہم تفریح سمجھ کہ کرتے ہیں، جب کہ وہ ایک خاص غیر اسلامی مذہبی تاریخ کا حصہ ہوتے ہیں، جیسا کہ بسنت یا اولمپکس گیمز وغیرہ۔ اور اکثر عام عوام خود ہی ایسے رواج کے متعلق فیصلہ کرنے بیٹھ جایئنگے کہ کیا یہ تہوار کسی حرام فعل کا راستہ بنتا ہے کہ نہیں ۔ اس لیئے طاہر اسلام عسکری بھائی کی بات سے متفق ہوں کہ

"جب ایک مباح کام کے متعلق یقینی(ظن غالب) ہو کہ وہ حرام کا ذریعہ بن جائے گا تو اس سے اجتناب ہی کی تلقین کی جائے گی"

باقی اگر اللہ کے نبی صلی اللہ علیہ وسلم نے ہر پیر کے دن اپنی پیدائش کی خوشی میں روزہ رکھا ہے، تو اسکا مطلب یہ ہے کہ عید میلاد النبی کچھ اپنے طریقہ سے منا لینا بھی کوئی غلط بات نہیں، ہر پیر کو نہ سہی، سال میں ایک دن ہی سہی۔۔۔ میرے خیال میں تو اللہ کے نبی صلی اللہ علیہ وسلم نے پیدائش کے دن روزہ رکھ کر، اور ہر سال پیدائش کی مخصوص تاریخ کو برتھ ڈے نہ منا کر اس مسئلہ کو خود ایک دنیاوی نہیں بلکہ دینی مسئلہ کے طور پر پیش کیا ہے، جیسا 10 محرم کے ساتھ 9 یا 11 کا روزہ جوڑنے کی ترغیب، تو اب میری ناقص عقل میں جو بات آئی وہ یہ کہ اگر برتھ ڈے منانی ہے تو ہر پیر کا روزہ رکھا جائے، اور ہر سال بعد کچھ نا منایا جائے۔ واللہ وعلم۔۔۔ @ابوالحسن علوی بھائی سے رہنمائی کی درخواست ہے، کیونکہ میں کوئی بھی بات جو اپنی عقل سے کہی ہو، بلا تنقید فورم پر چھوڑنا نہیں چاہتا۔

 

[عبداللہ کشمیری]

اگر یہ حق اور ناحق کا ہی معاملہ ہے تو یہ سیکشن "مکالمہ" کس لئے قائم کیا گیا ہے؟
ہمارے عہد کے نوجوانوں کا مسئلہ یہی ہے کہ چار اردو کتابیں اور دس ادھر ادھر کے فتاویٰ پڑھ کر حق اور ناحق کے نعرے لگانا شروع کر دیتے ہیں ۔۔۔ گویا جو اہل علم برسوں علم دین کے حصول میں جوتیاں گھستے اور اپنا قیمتی وقت لگاتے ہیں وہ گویا حق کو اس قدر محنت کے بعد بھی پہچان نہیں پائے ۔۔۔ سبحان اللہ ۔۔۔

اور اگر آپ یہ چاہتے ہیں کہ ہم بس کوئی مکالمہ کئے بغیر علما کی ہر بات پر بلا چوں و چرا ایمان لائیں تو پھر بھائی ایسی تقلید آپ کو مبارک ہو۔ ہمارے لئے تو مشکل ہے۔ سوری۔

 

[قاھر الارجاء و الخوارج]

حیدر آبادی بھائی ایسی کوئی بات نہیں اگر انسان سلف کی مٹی کو نہیں پہنچ سکتا تو اس کا مطلب یہ بھی نہیں کہ وہ ان کے اقوال کی حہیثیت ہی مٹا ڈالے یہ تو ایسے ہی ہے میں اتنا نیک نہیں لہذا میں یہ نیکی کا کام کیوں کروں فاتقوا اللہ ما استطعتم
رہا بد عھدی جھوٹ الی اخرہ تو بھائی فلا تزکوا انفسکم ھو اعلم بمن اتقی
اور اجتنبوا کثیرا من الظن ان بعض الظن اثم

 

[قاھر الارجاء و الخوارج]

تشبہ بالکفار آپ کے نزدیک عمومی بات ہو گی شریعت کے نزدیک نہیں ویسے مجھے نہیں پتا آپ نے پڑھی یا نہیں لیکن پھر بھی چلیں تجدید کے طور پر ایک دفعہ سرسری نظر ہی مار لیجئے گا اقتضاء الصراط المستقیم فی مخالفۃ اصحاب الجحیم کی صرف فہرست پر