متفرق اشعار

[ساجد تاج]

دل میں کوئی اس طرح کی آرزو پیدا کروں
لوٹ جائے آسماں میرے مٹانے کے لیے
اس چمن میں مرغِ دل گائے نہ آزادی کا گیت
آہ، یہ گلشن نہیں ایسے ترانے کے لیے
اقبال

 

[ساجد تاج]

ایک میں دل ریش ہوں ویسا ہی دوست
زخم کتنوں کے، سنا ہے، بھر چلے
خواجہ میر درد

 

[ساجد تاج]

اس مے سے نہیں مطلب، دل جس سے ہے بیگانہ
مقصود ہے اس مے سے دل ہی میں جو کھنچتی ہے
واں دل میں کہ صدمے دو، یاں جی میں کہ سب سہہ لو
ان کا بھی عجب دل ہے، میرا بھی عجب جی ہے
اکبر الٰہ آبادی

 

[ساجد تاج]

دل لے کے مفت، کہتے ہیں کچھ کام کا نہیں
الٹی شکائیتیں ہوئیں، احسان تو گیا
ڈرتا ہوں دیکھ کر دلِ بے آرزو کو میں
سنسان گھر یہ کیوں نہ ہو، مہمان تو گیا
داغ دہلوی

 

[ساجد تاج]

دل تاجگر، کہ ساحلِ دریائے خوں ہے اب
اس رہ گزر میں جلوۂ گل، آگے گرد تھا
جاتی ہے کوئی کشمکش اندوہِ عشق کی !
دل بھی اگر گیا، تو وُہی دل کا درد تھا

 

[ساجد تاج]

ٹوٹ گئے تو کرچیوں کے سوا اور کیا دیں گے
کانچ کے پیڑ خیالوں میں لگایا نہ کرو
گر بچھڑنا پڑا ہم سے تو جیو گے کیسے ؟
دل کی گہرائیوں سے اتنا ہمیں چاہا نہ کرو

 

[ساجد تاج]

*موسم گل کا آخری پیغام *
جب یہ سوچو کہ بھر چکا ہے دل
میری چاہت' میری رفاقت سے
خوو کو وقف غداب مت کرتا
لمبا چوڑا خطاب مت کرنا
کارڈ بھی انتحاب مت کرنا
ایک سوکھا ہوا گلاب کا پھول
بس لفافے میں بھیج دینا تم
میری تشنہ محبتوں کے نام
موسم گا کا آخری پیغام

 

[ساجد تاج]

وہ مزا دیا تڑپ نے کہ یہ آرزو ھے یا رَب
میرے دونوں پہلوٴوں میں دلِ بےقرار ہوتا

 

[ساجد تاج]

کُھلتا کسی پہ کیوں میرے دل کا معاملہ
شعروں کہ اِنتخاب نے رُسوا کیا مُجھے

 

[ساجد تاج]

رنجِ فرُقت اُسے ہوا ہی نہیں
ایسے بچھڑا ہے پھر ِملا ہی نہیں
اب تو مرضی ہے غم کے طوفاں کی
کشتئ دل کا ناخدا ہی نہیں