متفرق اشعار

[ساجد تاج]

اس دور میں اب جامہِ آمر نہیں جچتا
اب سُوٹ فرنگی کا وزیروں کو سِلا دو
جب بھوک سے ہونے لگے بیدار یہ ملت
اک نعرہء روٹی سے اسے پھر سے سُلا دو

 

[ساجد تاج]

آئے نہ صدا نغمہِ بلبل کی کہیں سے
ہر شاخِ چمن پر کسی الُو کو بٹھا دو
کرتا ہے سلیم ایسی سیاست کی قبا چاک
اِس شاعرِ بےباک کو سولی پہ چڑھا دو

 

[ساجد تاج]

اسی قرآن ميں ہے اب ترکِ جہاں کی تعليم
جس نے مؤمن کو بنايا مہ و پروين کا امير
تن بہ تقدير ہے آج ان کے عمل کا انداز
تھی نہاں جن کے ارادوں ميں خدا کی تقدير
تھا جو ۔ ناخُوب ۔ بتدريج وہی خوب ہوا
کہ غلامی ميں بدل جاتا ہے قوموں کا ضمير

 

[ساجد تاج]

زندہ قوت تھی جہاں ميں يہی توحيد کبھی
آج کيا ہے صرف اک مسئلۂِ علمِ کلام
روشن اس ضؤ سے اگر ظُلمت کو دار نہ ہو
خود مسلماں سے ہے پوشيدہ مسلماں کا مقام
ميں نے اے ميرِ سپہ ۔ تيری سپہ ديکھی ہے
قُل ھوَ اللہُ کی شمشير سے خالی ہے نيام

 

[ساجد تاج]

مشرق کے طور اور ھیں مغرب کے طور اور
دونوں کے طرز وطور میں کتنا تضاد ھے
مغرب میں‌آنکھ مارنا معمول کا سلام ھے
مشرق میں یہ معاملہ وجہ تضاد ھے

 

[ساجد تاج]

يہ جو حالت ہے ميری ميں نے بنائی ہے مگر
جيسا تو چاہتا ہے اب مجھے ويسا کر دے

 

[ساجد تاج]

ميرے ہر فيصلے ميں تيری رضا شامل ہو
جو تيرا حکم ہو وہ ميرا ارادہ کر دے
مجھ کو وہ علم سکھا جس سے اجالے پھيلے
مجھ کو وہ اسم پڑھا جو مجھے زندہ کر دے

 

[ساجد تاج]

ضائع ہونے سے بچا لے ميرے محبوب مجھے
يہ نہ ہو وقت مجھے کھيل تماشا کر دے
ميں مسافر ہوں سو رستے مجھے راس آۓ ہيں
ميری منزل کو ميرے واسطے رستہ کر دے

 

[ساجد تاج]

ميری آواز تيری حمد سے لبريز رہے
بزم کونين ميں جاری ميرا نغمہ کر دے

 

[ساجد تاج]

تنہا اُداس چاند کو سمجھو نہ بے خبر
سب کچھ سُن رہا ھے مگر بولتا نہیں
( امجداسلام امجد)