عقیدہ اہلسنت والجماعت

[محمد ارسلان]

اللہ تعالیٰ کی بعض صفات ذاتیہ

ہم اس بات کا بھی اعتقاد رکھتے ہیں کہ کہ اللہ تعالیٰ کے لیے ایسا چہرہ"وجہ" ہے جو کہ عظمت و شان سے متصف ہے۔فرمایا:
وَيَبْقَىٰ وَجْهُ رَبِّكَ ذُو ٱلْجَلَٰلِ وَٱلْإِكْرَامِ ﴿27﴾

ترجمہ: اور تمہارے پروردگار ہی کی ذات (بابرکات) جو صاحب جلال وعظمت ہے باقی رہے گی (سورۃ الرحمن،آیت27)

اور ہم اللہ تعالیٰ کے لیے ایسے ہاتھ بھی مانتے ہیں جو کہ جود و سخاء اور عظمت والے ہیں۔فرمایا:
بَلْ يَدَاهُ مَبْسُوطَتَانِ يُنفِقُ كَيْفَ يَشَآءُ ۚ

ترجمہ: بلکہ اس کے دونوں ہاتھ کھلے ہیں وہ جس طرح (اور جتنا) چاہتا ہے خرچ کرتا ہے (سورۃ المائدہ،آیت 64)

نیز فرمایا:
وَمَا قَدَرُوا۟ ٱللَّهَ حَقَّ قَدْرِهِۦ وَٱلْأَرْضُ جَمِيعًۭا قَبْضَتُهُۥ يَوْمَ ٱلْقِيَٰمَةِ وَٱلسَّمَٰوَٰتُ مَطْوِيَّٰتٌۢ بِيَمِينِهِۦ ۚ سُبْحَٰنَهُۥ وَتَعَٰلَىٰ عَمَّا يُشْرِكُونَ﴿67﴾

ترجمہ: اور انھوں نے الله کی قدر نہیں کی جیسا کہ اس کی قدر کرنے کا حق ہے اور یہ زمین قیامت کے دن سب اسی کی مٹھی میں ہو گی اور آسمان اس کے داہنے ہاتھ میں لپٹے ہوئےہوں گے وی پاک اور برتر ہے اس سے جو وہ شریک ٹھرماتے ہیں (سورۃ الزمر،آیت 67)

ہم اللہ تعالیٰ کے لیے حقیقی طور پردو آنکھوں کے قائل ہیں،جس کی دلیل اللہ تعالیٰ کا یہ ارشاد گرامی ہے:
وَٱصْنَعِ ٱلْفُلْكَ بِأَعْيُنِنَا وَوَحْيِنَا

ترجمہ: اور ہمارے روبرو اور ہمارے حکم سے کشتی بنا (سورۃ ھود،آیت 37)

نیز رسول اللہ ﷺ کا یہ ارشاد ہے:
حجابه النور لو كشفه لأحرقت سبحات وجهه ما انتهى إليه بصره من خلقه (صحیح مسلم)

"اس کا حجاب نور ہے اگر وہ اس کو ہٹا دے تو اس کے چہرے کی کرنوں سے تاحد نگاہ ساری مخلوقات جل کر خاک ہو جائیں۔"

اہلسنت کا اس بات پر اتفاق ہے کہ اللہ کی دو آنکھیں ہیں۔اس کی تائید نبی کریم ﷺ کے اس ارشاد سے ہوتی ہے جو دجال کے متعلق ہے فرمایا:
إنه أعور، وإن ربكم ليس بأعور (صحیح بخاری)

"بے شک وہ (دجال) یک چشم ہے اور تمہارا رب کانا نہیں۔"

اور ہم ایمان رکھتے ہیں کہ اللہ تعالیٰ کی یہ شان ہے:
لَّا تُدْرِكُهُ ٱلْأَبْصَٰرُ وَهُوَ يُدْرِكُ ٱلْأَبْصَٰرَ ۖ وَهُوَ ٱللَّطِيفُ ٱلْخَبِيرُ ﴿103﴾

ترجمہ: (وہ ایسا ہے کہ) نگاہیں اس کا ادراک نہیں کرسکتیں اور وہ نگاہوں کا ادراک کرسکتا ہے اور وہ بھید جاننے والا خبردار ہے (سورۃ الانعام،آیت103)

 

[محمد ارسلان]

اہل ایمان کے لیے اپنے رب کا دیدار

ہمارا ایمان ہے کہ صاحب ایمان قیامت کے روز اللہ تعالیٰ کو اپنی آنکھوں سے دیکھیں گے ،فرمایا:
وُجُوهٌۭ يَوْمَئِذٍۢ نَّاضِرَةٌ ﴿22﴾ إِلَىٰ رَبِّهَا نَاظِرَةٌۭ ﴿23﴾

ترجمہ: اس روز بہت سے چہرے رونق دار ہوں گے (اور) اپنے پروردگار کی طرف دیکھ رہے ہوں گے (سورۃ القیامہ،آیت 22-23)

 

[محمد ارسلان]

اللہ تعالیٰ کی مثل ہونا ناممکن ہے

ہمارا ایمان ہے کہ اللہ تعالیٰ کی اعلیٰ و اکمل صفات کی وجہ سے کائنات کی کوئی چیز اس جیسی نہیں۔فرمایا:
لَيْسَ كَمِثْلِهِۦ شَىْءٌۭ ۖ وَهُوَ ٱلسَّمِيعُ ٱلْبَصِيرُ﴿١١﴾

ترجمہ: کوئی چیز اس کی مثل نہیں اور وہ سننے والا دیکھنے والا ہے (سورۃ الشوری،آیت11)

 

[محمد ارسلان]

اللہ اونگھ،نیند،ظلم،غفلت ،عاجزی اور تھکاوٹ سے پاک ہے

ہمارا اعتقاد ہے کہ اللہ تعالیٰ اپنی کامل حیات اور مکمل قیومت کی وجہ سے یہ شان رکھتا ہے کہ:
لَا تَأْخُذُهُۥ سِنَةٌۭ وَلَا نَوْمٌۭ ۚ

ترجمہ: نہ اسے اونگھ آ سکتی ہے نہ نیند (سورۃ البقرۃ،آیت255)

اور ہم اعتقاد رکھتے ہیں کہ اللہ تعالیٰ اپنے کمال عدل و انصاف کی وجہ سے کسی پر ظلم نہیں کرتا۔اور وہ اپنی مکمل نگہبانی اور کامل احاطے کی بدولت اپنے بندوں کے اعمال و احوال سے ایک پل بھی غافل نہیں ہوتا۔اور ہم ایمان رکھتے ہیں کہ اللہ تعالیٰ کے کمال علم و قدرت کی وجہ سے آسمانوں اور زمین کی کوئی چیز اسے عاجز نہیں کر سکتی۔فرمایا:
إِنَّمَآ أَمْرُهُۥٓ إِذَآ أَرَادَ شَيْـًٔا أَن يَقُولَ لَهُۥ كُن فَيَكُونُ ﴿82﴾

ترجمہ: اس کی تو یہ شان ہے کہ جب وہ کسی چیز کا ارادہ کرتا ہے تو اتنا ہی فرما دیتا ہے کہ ہو سو وہ ہو جاتی ہے (سورۃ یس،آیت 82)

اور اس کی کامل طاقت و قوت کی وجہ سے نہ اس کو کوئی تھکاوٹ لاحق ہوتی ہے اور نہ ہی معذوری اور عاجزی۔ارشاد ہے:
وَلَقَدْ خَلَقْنَا ٱلسَّمَٰوَٰتِ وَٱلْأَرْضَ وَمَا بَيْنَهُمَا فِى سِتَّةِ أَيَّامٍۢ وَمَا مَسَّنَا مِن لُّغُوبٍۢ ﴿38﴾

ترجمہ: اور بے شک ہم نےآسمانوں اور زمین کو پیدا کیا اورجو کچھ ان کے درمیان میں ہے چھ دن میں اور ہمیں کچھ بھی تکان نہ ہوئی (سورۃ ق،آیت 38)

 

[محمد ارسلان]

کیف و تمثیل کے بغیر صفات الہی کا اثبات

ہم اللہ تعالیٰ کے ان تمام اسماء حسنی اور اعلیٰ صفات پر ایمان رکھتے ہیں جن کا خود اس نے یا اس کے رسول ﷺ نے اثبات فرمایا ہے۔لیکن ہم اسے دو بڑی غلطیوں تمثیل اور تکییف سے مبرا مانتے ہیں:
تمثیل
تمثیل یہ ہے کہ کوئی مماثلت کرنے والا اپنے دل یازبان سے یہ کہے کہ اللہ تعالیٰ کی صفات بعینہ مخلوق کی صفات کی طرح ہے۔
تکییف
تکییف یہ ہے کہ دل یا زبا سے یہ کہا جائے کہ اللہ تعالیٰ کی صفات ایسی ایسی ہے (یعنی کیفیت بیان کرنا)
اور ہم ہر اس چیز کے انکار و نفی پر یقین و ایمان رکھتے ہیں جس کی خود اللہ تعالیٰ نے اپنی ذات کے متعلق نفی کی ہے،یا اس کے رسول ﷺ نے اسے اس سے منزہ و مبرا قرار دیا ہے اور ہمارا اس بات پر بھی یقین ہے کہ یہ نفی اس کی ضد کے کامل اثبات کا تقاضا کرتی ہے ۔

 

[محمد ارسلان]

اللہ اور اس کے رسول ﷺ کے سکوت پرخاموشی اختیار کرنا

ہم ہر اس چیز سے خاموشی اختیار کرتے ہیں جس سے اللہ اور اس کے رسول ﷺ نے سکوت فرمایا ہے۔

 

[محمد ارسلان]

اس راستے پر چلنا ضروری ہے اس لیے کہ

ہم یقین رکھتے ہیں کہ اس راستے پر چلنا فرض اور ضروری ہے ،کیونکہ جس کا اللہ نے بذات خود اپنے لیے اثبات کیا ہے ،یا اپنی ذات سے اس کی نفی کی ہے ،ایک ایسی خبر ہے جس کو اللہ تعالیٰ نے خود اپنے متعلق واضح کیا ہے اور وہ اپنے متعلق سب سے زیادہ جاننے والا اور سب سے زیادہ راست گو اور بہترین کلام کرنے والا ہے اور بندے اس کی ذات کا ادراک و احاطہ نہیں کر سکتے۔
اور رسول اللہ ﷺ نے جس چیز کا اللہ تعالیٰ کے لیے اثبات کیا ہے ،یا جس چیز کی اللہ تعالیٰ سے نفی فرمائی ہے وہ ایسی خبر ہے جس کی اللہ تعالیٰ کے متعلق اطلاع خود آنحضرت ﷺ نے دی ہے۔
جبکہ آپ اپنے رب کو سب سے زیادہ جاننے والے مخلوق کو سب سے زیادہ نصیحت کرنے والے ،سب سے زیادہ سچے اور سب سے زیادہ فصاحت و بلاغت والے ہیں۔

 

[محمد ارسلان]

اللہ تعالیٰ اور اس کے رسول (ﷺ) کے کلام کا حسن بیان

اللہ تعالیٰ اور اس کے رسول ﷺ کا کلام علم و صدق اور وضاحت و بیان کے اعتبار سے کامل ترین ہے۔پس اس کو مسترد کرنے میں کوئی عذراور اس کے قبول کرنے میں کوئی تردد نہیں ہونا چاہیے۔

 

[محمد ارسلان]

فصل دوم

اسماء و صفات الہی اور سلف صالحین

ہم نے اللہ تعالیٰ کی صفات کے متعلق اجمالی یا تفصیلی ،اثبات یا نفی کی صورت میں جو کچھ ذکر کیا ہے ،اس کو کتاب و سنت کی روشنی میں پیش کیا اور ہم نے اس میں اسلاف امت اور ان کے بعد آنے والے آئمہ حق و ہدایت کے نقش قدم کی پیروی کی ہے۔

 

[محمد ارسلان]

کتاب و سنت کے نصوص کے ظاہری معنی کی اہمیت

ہمارے نزدیک کتاب و سنت کے نصوص کو ان کے ظاہری معانی اور اللہ تعالیٰ کی شان کے لائق حقائق پر محمول کرنا واجب ہے۔