اقوال سلف

[عمر السلفی۔]

نظر کی حفاظت کا نسخہ کیمیاء

‏جنید بغدادی رحمه الله سے پوچھا گیا:

نظر کی حفاظت پر کیسے مدد لی جائے؟

آپ نے فرمایا:
تمھارے اس یقین سے کہ الله کی نظر تم پر پہلے پڑجاتی ہے، تمھارے کسی بھی چیز (ممنوع، نا محرم) پر نظر ڈالنے سے پہلے۔

- إبن رجب | جامع العلوم والحكم ٢/٤٧٩

 

[عمر السلفی۔]

‏جب آپ ﷲ کی طرف متوجہ ہوں تو نہ خوف کھائیں اور نہ غمگین ہوں، یقیناً شیطان کی چال ہمیشہ سے ہی کمزور ہے، ایک موحد بندہ ہزاروں پہ حاوی ہوتا ہے جیسا کہ ﷲ تعالیٰ نے فرمایا کہ "ہمارا لشکر ہی غلبہ پانے والا ہے"

شیخ محمد بن عبد الوهاب رحمه الله

[ الدرر السنية ٧٢/١ ]

 

[عمر السلفی۔]

‏معصیت کی نحوست اور اس کا علاج

معصیت انسان پر لازماً اثر انداز ہوتی ہے؛ حتیٰ کہ اگر وہ بھول بھی چکا ہےتو سینےکی تنگی اوربرکت و صبر کی قلت کی صورت میں اس کا اثر محسوس کرےگا-اسی لیےہر حالت میں گناہوں سےاستغفار کی تلقین کی گئی ہے،خواہ یاد ہوں یافراموش کردہ!

(محدث عبدالعزیزالطریفی)

 

[عمر السلفی۔]

#ساعةوساعة
(بعض سوالوں کا جواب ایسا ہی ہوتا ہے)

اعمش رحمہ اللہ سے ایک شخص نے پوچھا:
رات کیسے گزاری؟
آپ گھر داخل ہوئے، چٹائی اور تکیہ لائے،
پھر لیٹ کر کہا ایسے...!
[ﺃﺧﺒﺎﺭ ﺍﻟﻈﺮﺍﻑ ﻭﺍﻟﻤﺘﻤﺎﺟﻨﻴﻦﺻـــ٦٤]

 

[عمر السلفی۔]

قناعت میں یہ بھی شامل ہے کہ خطیب خطبے کے لیے دیے گئے وقت پر ہی قناعت کر لے ！
(صالح بن ماضی )

 

[عمر السلفی۔]

کئی مرتبہ کسی مسئلے میں کوئی موقف اپنانے سے پہلے تین سال تک غور و فکر کرتا رہا ہوں!
امام احمد بن حنبل رحمہ اللّٰہ

 

[عمر السلفی۔]

- ”فہم کی درستی تو ایک نور ہے جو اﷲ تعالیٰ بندے کے دل میں روشن کرتا ہے، جس کی بنیاد ﷲ کا ڈر اور نیک نیتی ہوتی ہے۔“
- *|[ امام ابن القيم رحمه الله || إعلام الموقعين : ٦٩/١ ]|*

 

[عمر السلفی۔]

شک جیسا یقین

امیر المؤمنین عمر بن عبدالعزیز رحمه الله فرماتے ہیں:

میں نے ایسا یقین کبھی نہیں دیکھا جو شک جیسا ہو، سوائے موت کے، کہ جس پر لوگ یقین تو پورا رکھتے ہیں لیکن اسکی تیاری بالکل نہیں کرتے۔

القرطبي 10/64

 

[عمر السلفی۔]

"لوگوں پر ایسا وقت بھی آئے گا جب یہ چیزیں نایاب ہو جائیں گی: غم خوار (دینی) بھائی/بہن، حلال کا پیسہ، سنت پر عمل۔"

( الزهد للإمام أحمد ٩٦٤)

 

[عمر السلفی۔]