اقوال سلف

[عمر السلفی۔]

بلند ہمتی کا ایک نمونہ
امام کسائی رحمہ اللّٰہ چالیس برس کی عمر تک بکریوں کے چرواہے تھے۔ ایک دن چلتے چلتے انھوں نے ایک ماں کو دیکھا جو اپنے بیٹے کو ترغیب دے رہی تھی کہ حفظ قرآن کے لیے کسی حلقے میں شریک ہو جاؤ مگر بیٹا جانے کو تیار نہ تھا۔ اس پر وہ کہنے لگی: بیٹا! جاؤ جا کر کچھ سیکھ لو تاکہ بڑے ہو کر اِس چرواہے جیسے نہ ہو جاؤ!
کسائی کہتے ہیں: میں تو گویا جہالت کی مثال بنا دیا گیا!! اس پر فوراً اپنی بکریاں فروخت کیں اور علم کی طلب و جستجو میں مشغول ہو گئے؛ نتیجہ یہ ہوا کہ زبان و لغت اور قراءات قرآنی کے امام کہلائے اور علم و فضل اور بلند ہمتی میں ان کی مثال دی جانے لگی! (الجواہر والدرر، ابن حجر عسقلانیؒ)

 

[عمر السلفی۔]

شُہرت کے غم ...

امام احمد رحمہ اللہ کے پاس ان کے چچا آئے اور دریافت کیا :”بھتیجے! اس غم اور پریشانی کا سبب کیا ہے؟“ امام صاحب نے فرمایا : ”چچا جان، مبارک ہو ان لوگوں کو، جنہیں اللہ گمنام کر دیتا ہے۔“

(سير أعلام النبلاء : ٢٠٧/١١)

 

[عمر السلفی۔]

‏"حیاء كی قلت دل اور روح كی موت كی بدولت هے , پس دل جتنا زنده هوگا حیاء بھی اتنی مكمل هو گی _ "

قال الامام ابن القيم رحمۃ اللہ
[ مدارج 2/248 ]

 

[عمر السلفی۔]

سُچے دلوں والے ...

”صحابہ و تابعین جب کسی جنازے میں شرکت کرتے تو کئی دن تک غم ان کی چال ڈھال میں نظر آتا رہتا۔“

(الزهد لابن المبارك : ٢٤٦ ، صحَّ عن إبراهيم النّخعي)

 

[عمر السلفی۔]

قَلْب نَقِيٌّ في ثِيَاب دَنِسَة خَيْر من قَلْبٍ دَنِسٍ في ثِيَابٍ نَقِيَّة. (ابن أبي شيبة في المصنف٣٦٥٢٠)

میلے لباس میں صاف دل، اجلے ملبوس میں موجود ناپاک دل سے بہتر ہے!
ابو ادریس خولانی رحمہ اللّٰہ

 

[عمر السلفی۔]

‏البقاعي في "نظم الدرر":
"ينظر المنافق إلى ما يستسقط به فضائل أهل الفضل ويتعامى عن محاسنهم! "

‎#سفينة_التاريخ


منافق اس شے پر تو بڑی نظر رکھتا ہے جس سے اہل کمال کے فضائل بے وقعت ہو جائیں مگر ان کے محاسن پر اندھا بن جاتا ہے!
مفسر البقاعی رحمہ اللّٰہ

 

[عمر السلفی۔]

‏سلیمان بن داؤد رحمہ اللّٰہ کی بیٹے کو وصیت
میرے بچے! چغل خوری سے بچنا کہ یہ تلوار سے زیادہ تیز ہے-

روضة العقلاء (١٧٦)

 

[عمر السلفی۔]

"منبر و محراب میں اثر باقی نا رہنے کی وجہ بھی یہی ہے کہ علماء کو جن بیماریوں کا علاج ہونا چاہئے وہ خود ان کے مریض ہوگئے۔ پھر کوئی بھی تو ایسا نہیں جو اپنے موقف سے ایک انچ بھی پیچھے ہٹنا چاہتا ہو۔ہر ایک یہی سوچ کر اپنے دل کو جھوٹی تسلی دے لیتا ہے کہ میں اس وادی میں کوئی تنہا تھوڑی ہی ہوں، فلاں فلاں بھی تو شریک ہیں۔
یعنی گناہ گناہ کی دلیل بن چکا ہے اور جھوٹ جھوٹ کے لئے تائید"

شيخ الحديث مولانا محمد اسماعيل سلفی رحمہ اللہ

 

[عمر السلفی۔]

- ”اپنے دل میں جھانکیں، وہاں ایک چھوٹا سا فرعون ہو گا۔ اس سے چھٹکارا پا لیں، قبل اس سے کہ وہ بڑا ہو جائے!“

- *|[ استاد فہد الحمدان حفظه الله ]|*

 

[عمر السلفی۔]

طلبہ حدیث کی خدمت میں!
طالبانِ حدیث پر لازم ہے کہ وہ ادب میں تمام لوگوں سے کامل تر ہوں؛ خلق خدا میں سب سے بڑھ کر منکسر مزاج ہوں؛ دین داری اور پرہیزگاری میں سب پر فائق ہوں؛ طیش و غضب کا سب سے کم شکار ہوں؛ اس لیے کہ ان کی سماعتیں ہمہ وقت رسول اللّٰہ صلی اللّٰہ علی و آلہ وسلم کے محاسن اخلاق اور آداب کے تذکروں سے معمور رہتی ہیں! (محدث خطیب بغدادیؒ)
ـــــــــــــــــــــــــــــــ
‏إلى طلبة الحديث..!
قال الخطيبُ البَغدادي: الواجب أن يكون طلبة الحديث أكمل الناس أدبًا، وأشدَّ الخلْق تواضعًا، وأعظمهم نزاهة وتديُّنًا، وأقلهم طيشًا وغضبًا؛ لدوام قرع أسماعهم بالأخبار المشتملة على محاسن أخلاق رسول الله صلى الله عليه وسلم وآدابه. (الجامع لأخلاق الراوي 1 / 78)