اقوال سلف

[عمر السلفی۔]

‏غیبت، قرض سے زیادہ سخت ہے کہ قرض اتارا جا سکتا ہے لیکن غیبت کا بوجھ اتارنا ممکن نہیں!

سفیان بن عیینہ رحمہ اللّٰہ

 

[عمر السلفی۔]

‏قال ابن الجوزي رحمه الله :
فمَن حفظَ لسانهُ لأجلِ الله تعالى في الدنيا أطلقَ اللهُ
لسانهُ بالشهادة عندَ الموتِ ولقاءِ الله تعالى
ومَن سَرَّح لسانهُ في أعراضِ المسلمين ،
واتبعَ عَوراتهم أمسكَ اللهُ لسانهُ عن الشهادةِ عند الموت

*جو اللّٰہ تعالیٰ کی خاطر دنیا میں اپنی زبان کی حفاظت کرتا ہے، اللّٰہ تعالیٰ اس کی موت اور خود سے ملاقات کے وقت اس کی زبان کو کلمۂ شہادت کے لیے رواں کر دیتا ہے۔ اور جو شخص اپنی زبان کو لوگوں کی عزت پامال کرنے کے لیے بے لگام چھوڑ دیتا ہے اور ان کے عیوب کے درپے رہتا ہے، اللّٰہ تعالیٰ موت کے وقت اس کی زبان کو کلمۂ شہادت کی ادائیگی سے روک دیتا ہے۔*

(علامہ ابن الجوزی رحمہ اللّٰہ)
بحر الدموع ص#12
اللہ ہمیں محفوظ فرمائے آمین

 

[عمر السلفی۔]

‏حضرت امام شافعی رحمۃ اللہ علیہ نے فرمایا:

جو اپنے بھائی کو خاموشی سے نصیحت کرے اس نے نصیحت کی اور جس نے سب کے سامنے نصیحت جھاڑی اس نے اسے رسوا کیا۔

(ملفوظات امام شافعی رحمہ اللہ صفحہ 20)

 

[عمر السلفی۔]

‏قال ابن القيم رحمه الله:

أَفهام الصحابة رضي الله عنهم فوق أفهام جميع الأمة، وعلمهم بمقاصد نبيهم صلى الله عليه وسلم وقواعد دينه وشرعه أتم من علم كل من جاء بعدهم.

الطرق الحكمية ١ / ٣٢٤

صحابہ کرام ؓ کا فہم پوری امت کے فہم پر فوقیت رکھتا ہے۔ نبی کریم ﷺ کی مراد و منشا اور دین و شریعت محمدی کے اصول و قواعد کے متعلق ان کا علم بعد میں آنے والے ہر شخص سے زیادہ کامل تر ہے!
(حافظ ابن قیم رحمہ اللّٰہ، الطرق الحکمیہ، 1: 324)

 

[عمر السلفی۔]

‏فلاح و سعادت کی ایک علامت یہ ہے کہ انسان کے علم میں جتنا اضافہ ہوتا ہے، اسی قدر اس کی تواضع اور شفقت بڑھ جاتی ہے-

حافظ ابن قیم

(الفوائد ١٥٥/١)

 

[عمر السلفی۔]

جب بدعتیں نکلتی ہیں اور اہل علم خاموش رہتے ہیں تو آگے چل کر وہ سنت سمجھنی جانے لگتی ہیں
امام اوزاعی رحمہ اللہ

 

[عمر السلفی۔]

‏امام نووىؒ فرماتے ہیں:
کچھ وقت تنہائی کے لیے مختص کرنا، نیکوکاروں اور ﷲ کے برگزیدہ بندوں کی سنت ہے ۔

[شرح صحيح مسلم : ١٩٨/٢]

 

[عمر السلفی۔]

اللہ تعالی نے دل کے لیے اس سے سخت سزا اور کوئی نہیں رکھی کہ وہ اس سے حیا کو سلب کر لے!

مالک بن دینارؒ

 

[عمر السلفی۔]

* دین_پر_رونے_والا_کوئی_نہیں#

امام ابن عقيل رحمه الله فرماتے ہیں :

*« میں نے لوگوں کے احوال کا جائزہ لیا تو بڑا ہی عجیب معاملہ پایا...*

*- وہ گھروں کے اجڑنے پر روتے ہیں، پیاروں کی موت پر آہیں بھرتے ہیں، معاشی تنگ دستی پر حسرتیں کرتے ہیں اور زمانے کو برا بھلا کہتے ہیں!*

*- حالانکہ وہ دیکھتے ہیں کہ اسلام کی عمارت گر رہی ہے، دین فرقوں میں بٹ چکا ہے، سنتیں مٹ رہی ہیں اور بدعات کا غلبہ ہے، گناہوں کی کثرت ہے!*

*- لیکن ان میں سے اپنے دین کیلیے رونے والا کوئی نہیں ہے، اپنی عمر برباد کرنے پر کسی کو افسوس نہیں ہے، اپنے وقت کو ضائع کرنے پر کوئی غم نہیں ہے!!*

*- اور میں اس سب کا ایک ہی سبب دیکھتا ہوں کہ دین ان کی نظروں میں ہلکا ہو گیا ہے اور دنیا ان کی فکروں کا محور بن چکی ہے ».*

[ الآداب الشرعية لابن مفلح : ٢٤٠/٣ ]

____________________________

 

[عمر السلفی۔]

جو علم حدیث حاصل کرتا ہے اسکے چہرے پر تازگی ہوتی ہے کیونکہ نبی علیه السلام نے اس کے چہرے کو تروتازہ رکھنے کی دعا کی ہے
سفیان بن عیینہ رحمہ اللہ