اقوال سلف

[عمر السلفی۔]

”مصیبتوں کو چھپانا بھی راز کو چھپانے جیسا ہے،کیوں کہ ان کا اظہار دشمنوں کو خوش کرتا ہے،اور محبت کرنے والوں کو تکلیف دیتا ہے۔“

صيد الخاطر لابن الجوزي : ٢٧٤

 

[عمر السلفی۔]

‏طویل سکوت، عبادت کی کنجی ہے!
سفيان بن عيينة
[ الصمت لابن أبي الدنيا ٤٣٣ ]

 

[عمر السلفی۔]

ہلاکتیں کیوں ہوتی ہیں؟
امام ابن قیم رحمہ اللہ فرماتے ہیں:

*اجتماعی ہلاکتوں کا سب سے بڑا سبب زنا کی کثرت ہے، اور اس کا سبب مردوزن کا اختلاط ہے، جب خواتین بن سنور کر بے پردہ حالت میں مردوں کے شانہ بشانہ چلتی ہیں، اگر حکومتی عہدیداروں کو صرف اتنا علم ہو جائے کہ اس اختلاط کا دنیاوی نقصان کس قدر ہے، اوعوام میں کتنا فساد پھیل سکتا ہے صرفِ نظر اس کے کہ دینی لحاظ سے نقصان کتنا ہو گا، تو اس اختلاط و زنا کی روک تھام میں سب سے آگے یہی ہوں، سیدنا عبد اللہ بن مسعود رضی اللہ عنہ فرماتے ہیں: جب کسی بستی میں سود اور زنا عام ہو جاتا تو اللہ تعالیٰ اس بستی کو ہلاک کرنے کا اذنِ عام جاری فرمادیتا ہے۔*

الطرق الحكمية في السياسة الشرعية (724/2)

 

[عمر السلفی۔]

‏أمير المؤمنين حضرت عمر بن الخطابؓ فرماتے ہیں:
علم تین چیزوں کے لیے نہ سیکھو، اور تین چیزوں کے لیے علم سیکھنا ترک نہ کرو۔
بحث، ریاکاری اور فخر کے لیے علم نہ سیکھو، اور حیاء، زھد اور جہالت پر راضی ہونے سے بچنے کے لحاظ سے علم سیکھنا ترک نہ کرو ۔

[جامع الأحاديث للسيوطي : ٤٧٥٥]

 

[عمر السلفی۔]

قطوف من الكلم الطيب
قال ابن مسعود رضي الله عنه : إني لأكره أن أرى الرجل فارغا لا في أمر دنياه ولا في أمر دينه.


"مجُھے ناپسند ہے کہ کِسی شخص کو بالکل فارغ دیکھوں؛ وہ نہ دُنیا کا کوئی کام کر رہا ہو اور نہ دِین کا!"
سیدنا عبداللہ بن مسعودؓ

 

[عمر السلفی۔]

‏"اگر کسی شخص کو دیکھیں کہ وہ قرآن سے زیادہ موسیقی میں دلچسپی لیتا ہے تو سمجھ لیں کہ اُس کا دل اللہ کی محبت سے خالی ہے!"

امام ابن قیم رحمہ اللہ
(الجواب الكافي : ٢٣٦)

 

[عمر السلفی۔]

"علماء کا اِتفاق ہے کہ جہاد کی خاطر سرحدوں پر قیام، حرمین میں سکونت سے افضل ہے!"
امام ابن تیمیہ رحمہ اللہ
(الجواب الباهر : ٣٢٣)

 

[عمر السلفی۔]

ایمان کسی منڈی کی شے نہیں کہ تمہیں خرید کر لا دیا جائےیہ دل کی دکان پر عمل صالح کی نقدی ہی سے دستیاب ہو سکتا ہے
مولانا ابوالکلام آزاد رحمہ اللہ

 

[عمر السلفی۔]

‏شُہرت کے غم ...

- امام احمد رحمه الله کے پاس ان کے چچا آئے اور دریافت کیا :”بھتیجے! اس غم اور پریشانی کا سبب کیا ہے؟“

- امام صاحب نے فرمایا : ”چچا جان، مبارک ہو ان لوگوں کو، جنہیں الله گمنام کر دیتا ہے۔“

• سير أعلام النبلاء : ٢٠٧/١١ |

 

[عمر السلفی۔]

سيدنا عبد الله بن مسعود رضي الله تعالى عنه فرماتے ہیں :

مؤمن کو الله تعالیٰ سے ملاقات ہونے تک سکون نہیں ملتا
|[ کتاب الزھد للإمام أحمد : ١٢٨ ]|