اقوال سلف

[عمر السلفی۔]

ایک داعی کو کسی کے ساتھ بگاڑنے کی ضرورت نہیں، اور اگر کوئی خود بگڑے تو منانے کی ضرورت نہیں۔
(مولانا اسمعیل سلفی رح کا ایک زریں قول)

 

[عمر السلفی۔]

اگر قبروں کے پاس دعا کرنا، نماز پڑھنا اور تبرک حاصل کرنا فضیلت کا باعث ہوتا تو مہاجر اور انصار صحابہ اس قبر کے پاس یہ سب کچھ کرتے.
اور انہوں نے نبی کریم صلی اللہ علیہ و سلم کی قبر کی طرف اشارہ کیا.
امام ابن قيم رحمه الله۔
إغاثة اللهفان 1/319

 

[عمر السلفی۔]

"اگر کسی شخص کو دیکھیں کہ وہ قرآن سے زیادہ موسیقی میں دلچسپی لیتا ہے تو سمجھ لیں کہ اُس کا دل اللہ کی محبت سے خالی ہے!"
امام ابن قیم رحمہ اللہ
(الجواب الكافي : ٢٣٦)

 

[عمر السلفی۔]

‏جب تمھارے لیے خیر کا دروازہ کھولا جائے تو اس کی طرف جلدی سے لپکو؛ کیا معلوم وہ کب تم پر بند ہو جائے!

خالد بن معدان رحمہ اللّٰہ

[ حلية الأولياء - ترجمته ]

 

[عمر السلفی۔]

عَليْكَ بِتقوَى اللهِ عزَّ وجل والْزَمِ العُزْلَةَ ، واشْتَغِل بنَفسِك واسْتَأْنِس بِكتابِ الله
سفيان الثوري/الجرح والتعديل - (١/٨٧)

اللّٰہ عزوجل کا تقویٰ اختیار کرو؛ تنہائی کا التزام کرو؛ اپنے آپ میں مشغول ہو جاؤ اور کتاب اللّٰہ سے مانوسیت پاؤ!
سفیان ثوریؒ

 

[عمر السلفی۔]

‏ہم آج تو سیدھی راہ پر ہیں لیکن اگر دیکھو کہ ہم دائیں بائیں ہو گئے ہیں تو ہماری پیروی نہ کرنا!

محدث سفیان ثوری رحمہ اللّٰہ

(أخبار الشيوخ للمروذي، ص٩٩)

 

[عمر السلفی۔]

ابن مہلب کہتے ہیں:مجھے تعجب ہے کہ بادشاہ مال و دولت سے ممالک کو خریدلیتا ہے.مگر اپنے نیکیوں سے آزادوں کے دلوں کو نہیں خرید پاتا

 

[عمر السلفی۔]

آج لوگوں سے بھلائی کا تقاضا نہ کرو، صرف اتنی گزارش کرو کہ تکلیف نہ پہنچائیں۔ جو تمھیں اذیت دینے سے باز رہتا ہے ایسے ہے جیسے اس نے تمھیں انعامات سے نواز دیا ہو!
معاویہ بن قرہ رحمہ اللّٰہ

 

[عمر السلفی۔]

- ”غضِ بصر کے من جملہ فوائد میں سے ایک دل کا دردِ حسرت سے چھٹکارا پانا بھی ہے۔ کیونکہ جب نظر کا تیر کام کر جائے، تو حسرت پیچھا نہیں چھوڑتی۔ پس دل پر گراں ترین چیز نظر کا پڑنا ہے، کہ نظر ہی دل کو وہ دکھاتی ہے جس کی اسے شدید تر طلب ہو۔ اور نہ تو اس پر صبر و قرار ہو، نہ وصول کی کوئی راہ۔ یہی تو درد و عذاب کی انتہا ہے!“

- |[ امام ابن القيم رحمه الله || روضة المحبين ونزهة المشتاقين : ٩٧ ]|

 

[عمر السلفی۔]

جَواهرُ من اَقوال السلف

شیخ علی طنطاوی رحمہ الللہ کو جب عراق میں ادب پڑھانے پر مامور کیا گیا تو انھوں نے بغداد کا چکر لگایا اور خوب پیدل گھومے اور اسی پراگندہ حالی میں کلاس میں جا پہنچے۔

استاد نے دیکھا تو سمجھا کوئی طالب علم ہے۔
کہا: ابے او گدھے کہاں تھے، لکچر میں دیر سے کیوں پہنچے؟

شیخ نے معذرت کی اور طلبہ کے ساتھ جا کر بیٹھ گئے۔
استاد طلبہ سے کہنے لگا:
تمھیں پڑھانے کے لیے ادیب کبیر علی طنطاوی آ رہے ہیں،
دیکھنا ان کے سامنے مجھے بے عزت نہ کرا دینا۔
پھر ان سے ادب کے متعلق سوالات شروع کر دیے اور شیخ بھی ایک طالب علم کے مانند جواب دیتے رہے۔

استاد نے ان سے پوچھا:
کیا تم البحتری اور ابو تمام (دو عظیم شعرا) میں موازنہ کر سکتے ہو؟

شیخ نے اس پر بڑی زبردست تقریر کی ۔
استاد نے کہا: ویسے تم لائق طالب علم معلوم ہوتے ہو؛
نام کیا ہے تمھارا؟
شیخ نے کہا: علی طنطاوی!!
یہ سن کر استاد تو بے ہوش ہوتے ہوتے بچا۔
شیخ فرماتے ہیں:
*ہم آخر کب یہ سیکھیں گے کہ لوگوں کی ظاہری حالت دیکھ کر کوئی راے نہیں قائم کرنا چاہیے؟!*