اقوال سلف

[عمر السلفی۔]

"علماء کا اِتفاق ہے کہ جہاد کی خاطر سرحدوں پر قیام، حرمین میں سکونت سے افضل ہے!"
امام ابن تیمیہ رحمہ اللہ
(الجواب الباهر : ٣٢٣)

 

[عمر السلفی۔]

مالك بن دينارؒ فرماتے ہیں :

*جو مخلوق کی کلام میں مگن ہو کر خالق کی کلام کو فراموش کر بیٹھے گا ، اس کا علم محدود ہوگا اور اس کے دل کا اندھا پن اس کی زندگی برباد کردے گا*

روضة العقلاء: ٨٥/ ١

 

[عمر السلفی۔]

- ”اللہ تعالیٰ نے فرمایا ہے کہ وہ اہلِ جنت کے دل بغض اور کینے سے پاک کر دے گا، کیونکہ کینہ پالنے والا ایک مستقل عذاب میں ہوتا ہے، اور جنت میں عذاب نہیں ہے۔“

- |[ امام ابن عطية الأندلسي رحمه الله || المحرر الوجيز : ٤٠١/٢ ]|

 

[عمر السلفی۔]

بسم اللہ الرحمن الرحیم
اللہ کی کبریائ کو تسلیم کرنا!
حافظ نعیم الحق نعیم رحمہ اللہ لکھتے ہیں :
"مؤذن جب اذان کہتا ہے تو وہ زبان سے محض عربی کے چند کلمات ہی نہیں نکال رہا ہوتا،بلکہ درحقیقت وہ یہ کہہ رہا ہوتا ہے کہ لوگو! اگر تم اللہ کی کبریائ اور بڑائ تسلیم کرتے ہو تو اس کے حکم کی اطاعت کرتے ہوئے سب کام چھوڑ کر مسجد میں آجاؤ! اور اللہ کی بارگاہ میں سجدہ ریز ہو کر حق بندگی ادا کر جاؤ! اور پھر بعد میں بھی اس کے احکام کو ہمیشہ پیش نظر رکھو!
اگر کوئ شخص اذان سننے کے باوجود نماز کے لیے نہیں اٹھتا تو اس نے گویا اللہ کو بڑا نہیں سمجھا، بلکہ اپنے کام کو بڑا سمجھا جس میں وہ لگا ہوا ہے۔اس نے اپنی دکان کو بڑا سمجھا،محفل احباب اور گپ بازی کو بڑا سمجھا،نیند اور آرام کو بڑا سمجھا اور نرم و گرم بستر کو بڑا سمجھا،جنھیں وہ اللہ کے لیے چھوڑ نہ سکا۔"


بحوالہ:دعوت و اصلاح کے چند اہم اصول،صفحہ نمبر 134, حافظ نعیم الحق نعیم رحمہ اللہ سابق مدیر ہفت روزہ "الاعتصام" لاھور۔
مکتبہ بیت السلام۔

 

[عمر السلفی۔]

”اللہ تعالیٰ نے فرمایا ہے کہ وہ اہلِ جنت کے دل بغض اور کینے سے پاک کر دے گا، کیونکہ کینہ پالنے والا ایک مستقل عذاب میں ہوتا ہے، اور جنت میں عذاب نہیں ہے۔“
(المحرر الوجيز لابن عطية الأندلسي : ٤٠١/٢)

 

[عمر السلفی۔]

"اللہ کے قریب ہونے کیلیے سب سے بڑا وسیلہ توحید اور اخلاص ہے!"

|[ شیخ عبد الرزاق البدر]|

 

[عمر السلفی۔]

کفار ممالک میں رہائش اور ابن تیمیہ

شیخ الاسلام امام ابن تیمیة رحمه الله فرماتے ہیں:

کفار ممالک میں رہنے والے مسلمان جو اسلام پر عمل پیرا ہیں، انکے لیے بڑی سعادت ہیں، جس قدر وہ اسلام پر عمل کرینگے اس قدر سعادت مند ہونگے، یہاں تک کہ جب مشرکین اور اھل کتاب ایک با عمل مسلمان کو دیکھینگے تو اسلام کی تعظیم اور اکرام کرنے لگینگے، اور اسلام کو ان اعمال سے علیحدہ کرلینگے جو اسلام کی طرف منسوب لوگ انجام دیتے ہیں (اور نتیجے میں اسلام بدنام ہوتا ہے)۔

مجموع الفتاوى ١٨/ ٢٩٣

 

[عمر السلفی۔]

اپنے آپ کو سب سے زیادہ محفوظ رکھنے والا شخص وہ ہے جو اپنی زبان پر قابو رکھے، اپنی عبادات میں مشغول رہے، اور بے فائدہ کاموں سے بچتا رہے۔
امام ابن بطة العكبري رحمه الله

 

[عمر السلفی۔]

شيخ الإسلام إمام إبن تَيميَّة رحمه اللّه فرماتے ہیں:

« انسان کا فقر و فاقہ توحید کے بغیر ختم نہیں ہوتا، اور اگر توحید کے ساتھ استغفار بھی ہو تو بندے کو اسکی سعادت اور دولت مل جاتی ہے، اور اس سے وہ چیزیں (پریشانیاں، گھبراہٹ، مادیت کی بیماری وغیرہ) ختم ہوجاتی ہے جنہوں نے اسے عذاب میں مبتلا کر رکھا ہوتا ہے».
[مجموع الفتاوى [٥٦ / ١]

 

[عمر السلفی۔]

- ”گناہوں کا ایک بڑا نقصان یہ ہے کہ معمول کے کام مشکل کر دییے جاتے ہیں۔“

️ - |[ شیخ عبد الرزاق البدر حفظه الله ]|