اقوال سلف

[عمر السلفی۔]

سب سے جلیل القدر علم وہ ھے جو تمھیں تمھارے پروردگار کے قریب کرے اور اسکی رضامندی کے حصول میں تمھارا معاون ھو
امام حافظ ابن حزم رحمہ اللہ
الاخلاق والسیرلابن حزم

 

[عمر السلفی۔]

‏جو اپنے خالق کے چہرے کا دیدار کرنا چاہتا ہے، وہ نیک عمل کرے اور کسی کو اس کی خبر نہ ہونے دے ..

‏(امام ابن المبارک رح - رواه اللّالكائي ٢٣٥/٣)

 

[عمر السلفی۔]

مخلوق کا مخلوق سے مانگنا یوں ہی ہے جیسے کوئی قیدی دوسرے قیدی سے کہے مجھے رہا کردو

شیخ غلام مصطفی ظہیر امن پوری (حفظہ اللّه)

 

[عمر السلفی۔]

"سچے مسلمانوں کے دل ، اور انکی نیک دعائیں یہ وہ لشکر ہے جس پر کوئی غالب نہیں آسکتا ، اور یہ ایسی فوج ہے جس کو کوئی شکست نہیں دے سکتا!"
امام ابن تیمیہ رحمہ اللہ
(مجموع الفتاوی: 28/644)

 

[عمر السلفی۔]

الله کا سب سے مضبوط قلعہ

شیخ الاسلام ابن القیم رحمه الله فرماتے ہیں :

فإن الطاعة حصن الله الأعظم، من دخله كان من الآمنين من عقوبات الدنيا والآخرة

بے شک اطاعتِ الہی الله رب العزت کا سب سے بڑا قلعہ ہے جو اس میں داخل ہو گیا وہ دنیا و آخرت کے مصائب سے بچ جانے والوں میں سے ہو جائے گا

الجواب الکافی ص 75

 

[عمر السلفی۔]

امام ابن تيميہ رحمہ الله فرماتے ہیں:

"سخاوت کی بدترین قسم یہ کہ تم اپنی نیکیاں دوسروں کو دے بیٹھو, غیبت اور چغلی کر کے, بہتان باندھ کر یا گالی گلوچ کے ذریعے…!"

 

[عمر السلفی۔]

‏مجیب بن موسیٰ اصفہانیؒ کا بیان ہے کہ میں مکہ کےسفر میں امام سفیان ثوریؒ کے ہمراہ تھا؛وہ بہت زیادہ روتےتھےتو میں نے پوچھا:اے ابو عبداللہ! کیا یہ روناگناہوں کےڈرسےہے؟امام نے محمل سےایک لکڑی اٹھاکرپھینکی اورفرمایا:گناہ میرےلیے اس قدرہلکےہیں؛میں توڈرتاہوں کہیں توحیدسلب نہ ہوجائے!
‏(اخبار اصبھان، 1923)

 

[عمر السلفی۔]

‏خیر پانچ چیزوں میں ہے:

غناے قلب، تکلیف پہنچانے سے باز رہنا، کسبِ حلال، تقویٰ اور اللّٰہ پر اعتماد

امام شافعیؒ

(سير أعلام النبلاء)

 

[عمر السلفی۔]

‏علم حاصل کر لو، اس سے پہلے کہ اسے اٹھا لیا جائے اور علم اٹھنے سے مراد ہے علما کا دنیا سے رخصت ہو جانا!

سیدنا ابو الدرداءؓ

"حلية الاولياء" (1/213)

 

[عمر السلفی۔]

‏شيخ ابن عثيمين رحمه الله کہتے ہیں :

فرشتے روح کو خوشبو لگاتے اور کفن پہناتے ہیں
اور انسان بدن کو خوشبو لگاتے اور کفن پہناتے ہیں
دیکھو ! اللہ سبحانه و تعالى اپنے بندے پر کس قدر لطف و کرم فرماتے ہیں .

«الملائكة تُكفّن وتُحنّط الـــروح
والبشر يُكفّنون ويُحنّطون البدن
فانظر إلى عناية الله بالآدمي!»

[«شرح رياض الصالحين» (٤٤٢/١)]