اقوال سلف

[عمر السلفی۔]

جانتے ہو؟ جس حالت میں تم اس وقت ہو، ایک خلقت اس کی بس تمنا ہی کرتی ہے!
یعنی
مُردے سب کے سب تمنا کرتے ہیں، کوئی ایک گھڑی ان کو توبہ کرنے کےلیے دے دی جائے جس میں وہ اطاعت کر جائیں، مگر وہ گھڑی ان کو ملنے کی نہیں
اور جو کہ اس وقت تم کو فی الواقع دے رکھی گئی ہے!

۔(لطائف المعارف از ابن رجبؒ)

 

[عمر السلفی۔]

مَنْ تَفَقَّہَ وَ لَمْ یَتَصَوَّفَ فَقَدْ تَفَسَّقَ
وَ مَنْ تَصَوَّفَ وَ لَمْ یَتَفَقَّہَ فَقَدْ تَذَنْدَقَ
امامِ مالک بن انس رحمہ اللہ
جس شخص نے علمِ قفہ حاصل کیا مگر تصوف کی راہ پر گامزن نہ ہوا اس نے وہ فسق و فجور میں مبتلاء ہوگیا،اور جس نے تصوف کو تو اختیار کیا مگر علمِ فقہ کو ترک کردیا وہ زندیق ہوگیا۔
زندیق کی تعریف:جو شخص اپنے عقیدہٴ کفریہ کو دجل وتلبیس نیز ملمع سازی کرتے ہوئے اس خباثتِ باطنیہ کو اسلامی صورت میں ظاہر کرتا ہے، وہ زندیق ہے، شرح مقاصد للتفتازانی رحمہ اللہ:۲/۲۶۸

 

[عمر السلفی۔]

"اکابرین کی غلطیاں نکالنا اور ان کی پگڑیاں اچھالنا اصاغرین کا سب سے آسان مشغلہ ہے اور جس کا علم جتنا وسیع ہوتا ہے وہ اتنا دوسروں کے لیے عذر تلاش کرتا ہے۔"
(مفہوم کلام الشيخ صالح العصيمي حفظه الله)

 

[عمر السلفی۔]

"اجتماعی خرابیاں اُس وقت اُبھر کر نمایاں ہوتی ہیں جب انفرادی خرابیاں پایہ تکمیل کو پہنچ جاتی ہیں"۔

(سید ابوالاعلی مودودی رحمه الله۔۔۔ اسلام کا اخلاقی نقطۂ نظر)

 

[عمر السلفی۔]

"رحمت جِس قدر تیزی سے قرآن سُننے والے کی طرف جاتی ہے، کسی دوسرے کی طرف نہیں جاتی!"
لیث بن سعد رحمہ اللہ
(الجامع لأحكام القرآن: ١\١٨)

 

[عمر السلفی۔]

*••• اچھا تو بیوی سے ڈرتے ہو !! شیخ عبد العزيز ابن باز - رحمه الله - کا مزاح •••*

جب شام کے وقت کوئی شخص شیخ ابن باز رحمه الله کی مجلس سے اٹھ کر جانے لگتا تو آپ اسے رات کے کھانے تک رکنے کا کہتے۔ اگر وہ معذرت کرتا تو فورا کہتے : *"اچھا تو اس (بیوی) سے ڈرتے ہو۔ اگر نہیں ڈرتے تو ہمارے ساتھ کھانا کھا کر جانا۔"*

- *|[ ابن باز عالم فقدته الأمة : ١٥٣ ]|*

 

[عمر السلفی۔]

فتنے بڑھ رہے ہیں. دین کے خلاف شکوک و شبہات میں اضافہ ہو رہا ہے. الحادی تحریکیں زور پکڑ رہی ہیں، لا دینیت کا سیلاب اسلامی ملکوں میں امڈا چلا آ رہا ہے. مغربیت کا طوفان انتہائی خوفناک صورت اختیار کرتا چلا جا رہا ہے. اور اسلام دشمن استعماری طاقتوں کی دسیسہ کاریاں اور ریشہ دوانیاں بڑھتی جا رہی ہیں. لیکن ان تمام محاذوں پر کام کرنے کے لئے جتنے اور جس طرح کے افراد کی ضرورت ہے، مذکورہ رجحانات کی وجہ سے ایسے افراد کی تیاری کا سلسلہ ہی قریب قریب بند ہو گیا ہے. نتیجتاً ارتداد کا فتنہ موجود ہے لیکن کوئی ابو بکر پیدا نہیں ہو رہا ہے. کفر دندنا رہا ہے لیکن درہ فاروقی کو حرکت میں لانے والا کوئی نہیں. تاریکی اور اندھیرے بڑھ رہے ہیں لیکن ایمان و ھدایت کی مشعلیں فروزاں کرنے والے نظر نہیں آ رہے ہیں. بلکہ نوبت بہ ایں جارسید کہ مسندیں اجڑ رہی ہیں. مسجدیں ویران ہو رہی ہیں. علمی و دینی ادارے زبوں حالی کا شکار ہیں اور تحقیق و افتاء کے میدان خالی ہو رہے ہیں.
... کیا ہمارے نوجوان علماء میں ان ضرورتوں کا ادراک نہیں؟
کیا انہیں اپنی ذمہ داریوں کا کوئی احساس نہیں؟
کیا مدارس کے چارہ گروں کو بھی اسکا حل اور اسکا علاج سوچنے کی ضرورت نہیں؟
أ ليس منكم رجل رشيد

مفسر قرآن، فقید ملت حافظ صلاح الدين یوسف رحمہ اللہ
الاعتصام / خصوصی اشاعت / مولانا عطاء اللہ حنیف بھوجیانی نمبر / ص 177

 

[عمر السلفی۔]

"جس نے ایک گھنٹہ بھی ختم نبوت کا کام کیا اسے پیارے آقا محمدﷺ کی شفاعت ضرور ملے گی"
(حضرت مولانا انور شاہ کشمیری رحمہ اللہ)

 

[عمر السلفی۔]

امام خطابی رحمه الله فرماتے ہیں :

*”المدّاحون هم الذين اتخذوا مدح الناس عادة، وجعلوه بضاعة، يستأكلون به الممدوح ويفتنونه.“*

"خوشامدی وہ لوگ ہوتے ہیں جن کا طریقہ ہی لوگوں کی تعریفیں کرنا ہوتا ہے، تعریفوں کے ذریعے دوسروں سے اپنا مطلب نکالتے ہیں، اور انہیں فتنے میں ڈالتے ہیں۔"

- *[ معالم السنن : ٤٧٤/٢ ]*

 

[عمر السلفی۔]

جانتے ہو؟ جس حالت میں تم اس وقت ہو، ایک خلقت اس کی بس تمنا ہی کرتی ہے!
یعنی
مُردے سب کے سب تمنا کرتے ہیں، کوئی ایک گھڑی ان کو توبہ کرنے کےلیے دے دی جائے جس میں وہ اطاعت کر جائیں، مگر وہ گھڑی ان کو ملنے کی نہیں
اور جو کہ اس وقت تم کو فی الواقع دے رکھی گئی ہے!
۔
(لطائف المعارف از ابن رجبؒ)