اقوال سلف

[عمر السلفی۔]

"اخلاق حسنہ اہلِ خیر کی مصاحبت سے بھی حاصل کیے جاتے ہیں کہ طبعِ انسانی چور ہے، خیر وشر چُرا لیتی ہے!"
امام ابن قدامہ رحمہ اللہ
(مختصرمنهاج القاصدين: ١٥٣)

 

[عمر السلفی۔]

مَنْ تَفَقَّہَ وَ لَمْ یَتَصَوَّفَ فَقَدْ تَفَسَّقَ
وَ مَنْ تَصَوَّفَ وَ لَمْ یَتَفَقَّہَ فَقَدْ تَذَنْدَقَ
وَ مَنْ تَصَوّؤفَ وَ تَفَقَّہَ فَقَد تَحَقْقَقَ
امامِ مالک بن انس رحمہ اللہ
جس شخص نے علمِ قفہ حاصل کیا مگر تصوف کی راہ پر گامزن نہ ہوا اس نے وہ فسق و فجور میں مبتلاء ہوگیا،اور جس نے تصوف کو تو اختیار کیا مگر علمِ فقہ کو ترک کردیا وہ زندیق ہوگیا۔
اور جس نے تصوف اور علم فقہ دونوں حاصل کیا اس نے اپنی راہِ یقین و تحقیق کو پالیا۔
زندیق کی تعریف:جو شخص اپنے عقیدہٴ کفریہ کو دجل وتلبیس نیز ملمع سازی کرتے ہوئے اس خباثتِ باطنیہ کو اسلامی صورت میں ظاہر کرتا ہے، وہ زندیق ہے، شرح مقاصد للتفتازانی رحمہ اللہ:۲/۲۶۸

 

[عمر السلفی۔]

اس بات میں کوئی شک نہیں کہ عورتوں کا مردوں میں گھلنا ملنا ہر آفت و آزمائش کی جڑ اور عقوباتِ عامہ کے بنیادی اسباب میں سے ہے ... اسی طرح یہ موتِ عام اور پے در پے وباؤں کا سبب ہے۔

|[ امام ابن القيم رحمه الله || الطرق الحكمية : ٧٢١/٢ ]|

 

[عمر السلفی۔]

"ایک بار میں مکہ مکرمہ میں شدید بیمار پڑ گیا اور مجھے کوئی طبیب وغیرہ بھی میسر نہ ہو سکا، تو میں قرآن کو شفا مانتے ہوئے اپنی مرض کا خود ہی علاج کرنے لگا، میں نے یوں کیا کہ آب زم زم لے کر اس پر سوره فاتحہ پڑھ کر دم کیا اور اُسے پینے لگا، میں نے یہ عمل بارہا کیا، تو الله تعالیٰ نے مجھے اِس مرض سے مکمل طور پر صحت یاب کردیا۔ پھر میں نے اور بھی بہت سی امراض و تکالیف میں اس پر عمل کیا تو الله تعالیٰ نے ان سے بھی افاقہ فرمایا۔ اِس کے بعد جو شخص بھی مجھے اپنی کسی بیماری کی شکایت کرتا تو میں اُسے یہی نسخہ بتاتا اور بہت سے لوگوں کو شفایابی ہوئی!"
إمام ابن القيم رحمه الله
(زاد المعاد : ١٧٨/٤)

 

[عمر السلفی۔]

- ”حقیقی طالب علم دنیا اور دنیاوی مناصب سے دور بھاگتا ہے۔ اسی لیے ائمہ سلف نے زھد پر کتابیں لکھی ہیں۔“

- |[ د. ریاض بن سعید حفظه الله ]|

 

[عمر السلفی۔]

قال سعيد بن المسيب: إن كنتُ لأسير الأيام والليالي في طلب الحديث الواحد.
(تاريخ ابن أبي خيثمة، ٣١١)

"میں ایک حدیث کی طلب و جُستجو میں کئی کئی دن اور راتیں سفر کرتا تھا!"
سعید بن مسیب رحمہ اللہ
(تاريخ ابن أبي خيثمة، ٣١١)

 

[عمر السلفی۔]

سیدنا معاذ بن جبل ؓ نے فرمایا:
"اگر عالم ہدایت پر بھی ہو تو اپنے دین میں اس کی تقلید نہ کرو!"
(حلیۃ الاولیاء : 5؍97 )

‘‘ أما العالم فإن اھتدی فلا تقلدوہ دینکم’
(حلیۃ الاولیاء 5؍97 و سندہ حسن وقال ابو نعیم الاصبہانی: وھو الصحیح’’)

 

[عمر السلفی۔]

”میں نے دیکھا ہے کہ تنہائی میرے دل کو زیادہ بھاتی ہے۔“

(امام احمد رحمه الله || الآداب الشرعية : 22/3)

 

[عمر السلفی۔]

کفر کے چار ارکان ہیں: تکبر، حسد، غصہ اور شہوت_
تکبر: تابعداری سے روکتا ہے اور حسد نصیحت قبول کرنےاور دوسروں کو نصیحت کرنے سے_ غصہ عدل سے روکتا ہے اور شہوت عبادت کے لئے فارغ ہونے سے روکتی ہے_
(علامہ ابن القیم رحمہ اللہ)
[کتاب الفوائد صـ157]

 

[عمر السلفی۔]

شیطان عوام الناس کو ایسے دھوکہ دیتا ہے کہ جب عوام کو گناہوں سے روکا جاتا ہے تو آگے سے کہتے ہیں: رب کریم ہے، اور اسکی مغفرت بہت زیادہ ہے اور یہی ہلاکت کا سبب ہے
امام ابن الجوزي ؒ
(‏تلبيس إبليس ص ٨٨٩)