اقوال سلف

[عمر السلفی۔]

"تم ﷲ تعالیٰ کی عظیم نعمت اور کامل احسان (محکومیت سے آزادی) پر ﷲ تعالیٰ کی عبادت کر کے اور اس کے ساتھ شرک سے اجتناب کر کے اس کا شکر ادا کرو۔"

|[ تفسير السعدی از شیخ عبد الرحمن بن ناصر السعدی رحمه الله || الأنفال : ٢٦ ]|

 

[عمر السلفی۔]

شیخ الاسلام ابن تیمیہ رحمہ اللہ فرماتے ہیں :
متقی ہونے کے لئے ایسی کوئی شرط نہیں ہے کہ ان سے کبھی کوئی گناہ ہی سرزد نہ ہو، یا وہ خطا و معصیت سے معصوم پیدا کئے گیے ہوں، اگر ایسی کوئی شرط ہوتی تو پوری امت میں کوئی بھی متقی نہ ہوتا۔
متقی تو وہ ہے۔ جو اپنے گناہوں سے توبہ کر لیتا ہے اور جو گناہوں کو مٹا دینے والی نیکیاں کرتا رہتا ہے۔

(منهاج السنة 82/7)

 

[عمر السلفی۔]

عوام میں یہ حدیث مشہور ہے: اللهم بارك لنا في رجب وشعبان وبلغنا رمضان. اسے طبرانی نے روایت کیا ہے مگر یہ خبر منکر ہے اور رسول اللّٰہ ﷺ سے صحیح طور پر ثابت نہیں ہے
(محدث سلیمان العلوان)

‏قال الشيخ سليمان العلوان :

اشتهر عند العامة حديث ( اللهم بارك لنا في رجب وشعبان وبلغنا رمضان)
رواه الطبراني وهو خبر منكر لايصح عن رسول الله ﷺ.

 

[عمر السلفی۔]

‏" مسلمانوں کے اخلاق میں سے سب سے افضل درگزر ( کرنے والی خوبی ) ہے. "

حضرت حسن بصری رحمۃ اللہ علیہ
[ الزهد لابن مبارك رقم ٦٥٢ ]
( سنده صحيح )

 

[عمر السلفی۔]

مجھے تعجب ہے اس شخص پر جو نجات کا سامان ساتھ میں ہونے کے باوجود بھی ہلاک ہو جاتا ہے۔ پوچھا گیا کہ : اے أمير المؤمنين وہ کیا ہے؟ کہا : وہ استغفار ہے۔"

- |[ المجالسة وجواهر العلم : 1207، عیون الأخبار : 282/1، إسناده لا بأس به ]|

 

[عمر السلفی۔]

"گناہ سے توبہ کرنے والے کو اُس کے سابقہ گناہ پر ملامت کرنا منع ہے۔
جو کوئی ظاہراً توبہ کر لے، اُس کے ساتھ خیر کا معاملہ روا رکھا جائے گا!“
امام ابن تيمية رحمه الله
(الآداب الشرعية لابن مفلح : ١٢٦/١)

 

[عمر السلفی۔]

ہر شخص کی بات قبول یا چھوڑی جا سکتی ہے سوائے
نبی علیه السلام کے
امام مالک رحمہ اللہ

 

[عمر السلفی۔]

ابو حمزہ رحمہ اللہ سے سوال ہوا اخلاص کیا ہے ؟ فرمایا کسی عمل پر غیر اللہ سے تعریف نہ چاہی جائے

 

[عمر السلفی۔]

‏قال الفُضَيل بن عِياض رحمه الله:

مَنْ خاف الله لم يضرَّه أحدٌ،
ومن خاف غيرَ الله، لم ينفعه أحد.

- انـظـر: [سير أعلام النبلاء - (8/ص426)]

جو اللّٰہ سے ڈرتا ہے، اسے کوئی نقصان نہیں پہنچا سکتا اور جو غیر اللّٰہ سے ڈرتا ہے، اسے کوئی نفع نہیں دے سکتا!
فضیل بن عیاض رحمہ اللّٰہ

 

[عمر السلفی۔]

حافظ الدنیا امام ابن حجر رحمه الله فرماتے ہیں:

مسلمانوں کا یہ طریقہ رہا ہے کہ جب شعبان کا مہینہ شروع ہوتا تو مصاحف پر جھک جاتے (یعنی بہت کثرت سے تلاوت کرتے) اور زکوۃ ادا کر دیتے."

[ فتح الباری : ٣١۰/٣ ]

اس مہینے کو شھر القراء یعنی قاریوں کا مہینہ بھی کہا جاتا ہے۔

نیز رسول اللہ صلی اللہ علیہ وسلم رمضان کے بعد سب سے زیادہ روزے اسی مہینے میں رکھتے تھے، گویا یہ رمضان کی تیاری کے لئے اختیار کیے جانے والے اقدامات ہیں۔