اقوال سلف

[عمر السلفی۔]

”زندگی میں عورتوں کا کردار غزوہ احد کے تیر انداز دستے کی مانند ہے ؛ یعنی میدان میں لڑتے ہوئے مردوں کی پشت کو محفوظ اور مضبوط رکھنا !“

(شیخ سلیم بن عید الهلالي حفظه الله)

 

[عمر السلفی۔]

- مؤحد کیسا ہونا چاہیے ؟!

"توحید کی کششِ ثقل کا یہ تقاضا ہے کہ اس کے ماننے والے کے اندر تمام نیکیاں خود بخود کھنچتی چلی آئیں۔ وہ انفرادی طور پر بھی اچھا ہو، اجتماعی طور پر بھی اچھا ہو۔ اس کا ظاہر بھی اچھا ہو، اس کا باطن بھی اچھا ہو۔ اس کا کردار بھی اچھا ہو، اس کی گفتار بھی اچھی ہو۔ اس کے اخلاق بھی اچھے ہوں، اس کے معاملات بھی اچھے ہوں۔ الغرض وہ رزم ہو یا بزم ہو، پر حالت میں پاک دل اور پاکباز ہو۔"

• حافظ نعیم الحق نعیم رحمه الله
• دعوت و اصلاح کے چند اہم اصول (١٢٠)

 

[عمر السلفی۔]

راحت یکسوئی میں ہے ...

ابراہیم بن ادھم رحمہ اللہ فرماتے ہیں :

”جسے راحت چاہیے وہ مخلوق کا خیال دل سے نکال دے!“

(سير السلف الصالحين للأصبهاني : ص ٤٧٧)

 

[عمر السلفی۔]

سیدنا عمر بن خطاب رضی اللہ عنہ بیت اللہ کا طواف کرتے ہوئے روتے جاتے اور فرماتے :

”اے اللہ! اگر تو نے ہم پر سختی اور گناہ لکھ دیا ہے، تو اسے مٹا کر سعادت اور مغفرت میں بدل دے، بیشک تو جو چاہے مٹا دے، اور جو چاہے باقی رکھے!“

(تفسير الطبري : ٢٠٤٧٨)

 

[عمر السلفی۔]

اصلاح کا طریقہ ...

ایک شخص شیخ ابن باز رحمہ اللہ سے سوال پوچھنے آیا۔ اس کے منہ سے سگریٹ کے دھویں کی بو آ رہی تھی۔ شیخ نے پہلے اسے سوال کا جواب دیا پھر اسے قریب ہونے کا کہا۔ وہ قریب ہوا تو آپ نے عود کا عطر نکال کر اسے لگایا، اور کہا : ”یہ خوشبو زیادہ اچھی ہے۔“

(د. ریاض بن سعید)

 

[عمر السلفی۔]

سہل تستری رحمہ اللّٰہ سے پوچھا گیا: آدمی حدیث کب تک لکھے؟ فرمایا: موت آنے تک، اور باقی روشنائی اس کی قبر میں انڈیل دی جائے! (سیر أعلام النبلاء، ١٣: ٣٣٠)

 

[عمر السلفی۔]

‏.

قال ‎#ابن_تيمية رحمه الله :

النفوس الطيبة تتلذذ بالعفو والإحسان

والنفوس الخبيثة تتلذذ بالإساءة والعدوان

مجموع الفتاوى ٥٦٠


پاکیزہ نفوس عفو و احسان سے لذت پاتے ہیں جب کہ خبیث طبائع کو بدسلوکی اور زیادتی میں لذت ملتی ہے!
امام ابن تیمیہ رحمہ اللّٰہ
.

 

[عمر السلفی۔]

قال الحافظُ ابنُ رجب:
ليسَ الخائفُ مَن بكى وعَصَرَ عينيه، إِنما الخَائفُ مَنْ تركَ الحَرام إِذَا قَدرَ عَلَيْه
الرَّسائل [1\ 163]

خوف خدا رکھنے والا وہ نہیں جو روئے اور آنسو بہائے بل کہ وہ ہے کہ قدرت کے باوجود حرام کام سے رک جائے!
حافظ ابن رجب رحمہ اللّٰہ

 

[عمر السلفی۔]

نافعؒ کہتے ہیں کہ حضرت عبداللّٰہ بن عمرؓ ہر جمعہ کے دن اپنے ناخن اور مونچھیں تراشتے۔
(موطا ابن وھب:219)

 

[عمر السلفی۔]

تم چاہو تو میں قسم کھا کر بھی کہہ سکتا ہوں کہ خدا کو سب سے زیادہ محبوب وہ لوگ ہیں جو اللّٰہ سے محبت کرتے ہیں اور اللّٰہ کو مخلوق کا محبوب بناتے ہیں.
سیدنا ابو درداء رضی اللّٰہ عنہ