اقوال سلف

[عمر السلفی۔]

فکر و تدبر
میں دس برس سے ایک مسئلے پر غور و فکر کر رہا ہوں لیکن ہنوز کسی راے پر اطمینان نہیں ہوا!
امام مالکؒ

إني لأفكر في مسألة منذ بضع عشرة سنة فما اتفق لي فيها رأي إلى الآن.
(ترتيب المدارك)

 

[عمر السلفی۔]

زندگی میں قرآن مجید کو اپنا رفیق بنا لو، وہ تمھارا ساتھ نہیں چھوڑے گا جب تک تمھیں جنت میں نہ لے جائے!

‏رافق في حياتك القرآن فهو لن يتركك حتّى يُدخلك الجنّة

 

[عمر السلفی۔]

آل بیت کا اکرام
حضرت عمرؓ اور حضرت عثمانؓ سوار ہوتے اور جناب عباس بن عبدالمطلبؓ ان کے پاس سے گزرتے تو رسول اللہ ﷺ کی نسبت کا احترام کرتے ہوئے یہ سواری سے اتر آتے یہاں تک کہ عباس آگے چلے جاتے!
(سیر اعلام النبلاء 89/2)

 

[عمر السلفی۔]

جس روز امام احمد بن حنبل رحمہ اللّٰہ کی وفات ہوئی، چار طرح کے گروہ ماتم کناں ہوئے اور آپ کا نوحہ پڑھا: مسلمان، یہود، نصارٰی اور مجوس۔ اس دن یہود و نصارٰی اور مجوسیوں میں بیس ہزار لوگوں نے اسلام قبول کیا۔ (مناقب الإمام أحمد لابن الجوزي، ص 565)

 

[عمر السلفی۔]

انسان جوں جوں علم میں بڑھتا جاتا ہے اس کے جذبۂ رحمت و رافت میں بھی بڑھوتری ہوتی چلی جاتی ہے ! ( امام ابن قیم الجوزیہؓ )
________________________
وهكذا الرجلُ كلما اتَّسعَ علمُه اتَّسَعَت رحمتُه.

 

[عمر السلفی۔]

کرامت
امام احمد بن حنبلؒ کے فرزند جناب صالح کا گھر جل کر خاکستر ہو گیا جس میں چار ہزار دینار تھے لیکن صالح صرف یہی کہتے تھے کہ مجھے اپنے مال کا کوئی غم نہیں ہے البتہ اس میں ایک کپڑا تھا جس میں میرے والد گرامی نماز پڑھا کرتے تھے اور پھر میں بھی اسی میں پڑھتا رہا ہوں ۔ لوگ گھر میں داخل ہوئے تو دیکھا کہ وہ کپڑا بالکل محفوظ ہے !
ـــــــــــــــــــــــــــــــ
احترق بيت صالح بن أحمد بن حنبل وفيه 4000 دينار فجعل يقول ما غمني ما ذهب مني إلا ثوب أبي كان يصلى فيه وأصلي فيه فدخلوا فوجدوا الثوب قد سلم

 

[عمر السلفی۔]

حسن بصریؒ سے کسی نے کہا: مجھے پتا چلا ہے کہ آپ میری غیبت کرتے ہیں؟ فرمایا: میری نظر میں ابھی تمھاری یہ حیثیت نہیں کہ تمھیں اپنی نیکیوں پر حاکم بناؤں!! (تفسیر قرطبی 3/ 336)

 

[عمر السلفی۔]

جو مسلمان سیدنا محمد ﷺ پر کثرت سے درود پڑھتا ہے تو اللّٰہ تعالیٰ اس کے دل کو منور کر دیتا ہے؛ اس کے گناہوں کو بخش دیتا ہے؛ اس کا سینہ کھول دیتا ہے اور اس کے معاملات آسان کر دیتا ہے۔ اس لیے زیادہ سے زیادہ درود بھیجا کرو، کیا عجب کہ اللّٰہ تعالیٰ تمھیں آں حضرت ﷺ کی ملت میں شامل کر دے اور آپ ﷺ کی سنت پر عمل کی توفیق دے اور ہم سب کو جنت میں آپ ﷺ کی رفاقت عطا فرما دے کہ وہی اپنی رحمت سے ہم پر فضل فرمانے والا ہے۔ (امام ابن الجوزیؒ)

قال ابْنُ الجَوزيِّ -رَحِمَهُ اللهُ- «مَا مِن عَبدٍ مُسلمٍ يُكثِرُ الصَّلاةَ عَلىٰ مُحمَّدٍ ﷺ، إلَّا نوَّرَ الله قَلبَه، وغَفرَ ذَنبَهُ، وشَرحَ صَدرَهُ، ويسَّرَ أمرَهُ؛ فأكثِرُوا مِن الصَّلاةِ؛ لَعلَّ الله يَجعَلكُم مِن أهلِ مِلَّتِهِ، ويَستَعمِلكُم بسُنَّتِه، ويَجعَلهُ رَفِيقَنَا جَمِيعًا في جنَّتِهِ، فهو المُتَفضِّلُ عَلينَا برَحمَتِه. (بُستَانُ الوَاعِظِين / ٢٩٧)

 

[عمر السلفی۔]

خوشی اور غم سے تو ہر شخص دوچار ہوتا ہے؛ لیکن بات جب ہے کہ تم خوشی کو شکر بناؤ اور غم کو صبر!
تابعی عکرمہ رحمہ اللّٰہ

قال الحافظ ابن كثير رحمه الله تعالى :قَالَ عِكْرِمَةُ :لَيْسَ أَحَدٌ إِلَّا وَهُوَ يَفْرَحُ وَيَحْزَنُ ، وَلَكِنِ اجْعَلُوا الفَرَح شُكْرًا وَالْحُزْنَ صَبْرًا . (تفسير القرآن العظيم: ٢٧/٨)

 

[عمر السلفی۔]

اللہ رب العزت جب کسی بندے سے بھلائی کا ارادہ کر لیتا ہے تو اس کے دل میں ایک واعظ مقرر کر دیتا ہے جو اسے امر و نہی کرتا ہے ! ( امام ابن سیرین رحمہ اللہ )