ایک بہت بڑا شبہہ ہے تصویر کے حوالے سے اسکا حل بھی سمجھ لیں. شیخ محترم رفیق طاہر صاحب

[یوسف ثانی]

اصل میں کنفیوژن کا ایک بنیادی سبب یہ ہے کہ ہم مصوری (پینٹنگ، اسکیچ وغیرہ) اور فوٹو گرافی میں فرق نہیں کرتے، کیونکہ عربی میں دونوں کے لئے ایک ہی لفظ استعمال ہوتا ہے۔ واضح رہے کہ مصوری یا پینٹنگ (برش سے یا پنسل وغیرہ سے) ایک بہت قدیم ”فن“ ہے۔ دور رسالت صلی اللہ علیہ وسلم میں اسی واحدمصوری کا رواج تھا۔ چنانچہ احادیث میں اسی مصوری (صرف انسان یا حیوان) کی ممانعت ہے، فوٹو گرافی کی نہیں جو ایک جدید ترین ”فن“ ہے ۔ جب ایک شئے کا وجود ہی نہ تھا تو نام لے کر اس کی حرمت کے احکام کیسے بیان کئے جاسکتے ہیں۔ اور کسی شئے یا عمل کے حرام ہونے کے لئے ضروری ہے کہ قرآن یا حدیث سے وہ شئے یا عمل حرام ثابت ہو۔ فوٹوگرافی اور ویڈیو گرافی (ڈیجیٹل ہو یا غیر ڈیجیٹل)، دونوں کی "اصل" ایک ہی ہے۔ اور دونوں فی نفسہ جائز ہیں۔ الا یہ کہ ان دونوں کی عکاسی کے دوران کوئی غیر شرعی عمل سر انجام پا رہا ہو یا ان کے ذریعہ کوئی ایسا فعل مطلوب ہو، جو اسلام میں جائز نہیں ہے۔۔ ۔ ۔ یہ رائے ہے ان علمائے کرام کی جو سائنس و ٹیکنالوجی اور جدید عصری علوم پر بھی گہری نظر رکھتے ہیں۔

”اضطراری کیفیت“ میں تو ”پینٹنگ“ بلکہ ”مجسمہ سازی“ بھی جائز ہوجاتی ہے جبکہ ان دونوں کی حرمت متفق علیہ ہے۔ مثلاً میڈیکل کی تعلیم الابدان میں اسکیچنگ اور مجسمہ سازی کے عمل کو بنیادی اہمیت حاصل ہے۔ طلباء کو انسانی جسم کی باریکیوں کے اسکیچز پہلے پڑھنے اور پھر بنانے پڑتے ہیں تاکہ وہ انسان اور حیوانات کے اجسام کی بناوٹ کو بخوبی سمجھ سکیں۔ اسی مضمون میں انہیں بعد ازاں ماڈلز بھی دئے جاتے ہیں۔ اصل انسانی یا حیوانی جسم (ڈیڈ باڈیز) تو انہیں بالکل آخری مرحلہ تعلیم میں دیا جاتا ہے۔ تعلیم کے بالکل ابتدائی یعنی پرائمری لیول پر بھی طلباء کو اسکیچز یا مصوری کے ذریعہ جانداروں سے متعارف کرایا جاتا ہے۔ وغیرہ وغیرہ

واللہ اعلم بالصواب

 

[رفیق طاھر]

یوسف صاحب کی بات میں صرف لفظ تصویر، فوٹوگراافی وغیرہ نکال کر شراب الکوحل اور بیئر جیسے الفاظ لگا دیں کہ یہ اس زمانہ میں تھی اور یہ نہیں تو ..... الخ. بس اتنا ہی کرنے سے جناب کے موقف کاسقم واضح ہو جائے گا.
اور اگر ہمارے ممدوح میری سابقہ معروضات پڑھ لیتے تو شاید یہ پوسٹ نہ فرماتے

 

[خضر حیات]

’’ عکس ‘‘ اور ’’ تصویر ‘‘ میں فرق ہے یا نہیں ، اس پر تو شیخ رفیق طاہر صاحب نے بہترین وضاحت کی ہے ۔
اگر ’’ مصوری ‘‘ اور ’’ فوٹو گرافی ‘‘ میں بھی فرق واضح کردیا جائے تو بات سمجھنے میں آسانی رہے گی ۔

 

[محمد عامر یونس]

شیخ محترم @رفیق طاھر صاحب آج اہل حدیث کے اکثر اہل علم کی ویڈیو جن کی ویڈیو کے ذریعے ھم اسلام کی دعوت لوگوں تک پہچا رہے ہیں کیا اس عمل سے وہ اور ھم گناہ گار تو نہیں ہو گے کیونکہ کہ آج کے دور میں اکثر اہل علم نے دعوت کے لئے ویڈیو کو جائز قرار دیا ہے

سوشل میڈیا پر سب سے زیادہ فائدہ شیخ محترم توصیف الرحمن راشدی حفظہ اللہ، ڈاکٹر ذاکر نائک حفظہ اللہ، شیخ ابو ذید ضمیر حفظہ اللہ کی ویڈیو سے ہوا ہے اور لوگ اسلام کے صحیح عقیدے کی طرف پلٹ رہے ہیں -

میں یہاں پر ان ٹی وی چینل کا بھی ذکر کرنا چاھوں گا - جن سے غیر مسلموں کے پاس اسلام کا پیغام دنیا کے ہر کونے تک پہچ رہا ہے -

جیسے حرم مکہ اور مدینہ مسجد نبوی صلی اللہ علیہ وسلم سے لائف ٹیلی کاسٹ جس کو دیکھ کر بہت سے لوگ اسلام میں داخل ہوئے ہیں اسی طرح ڈاکٹر ذاکر نائک حفظہ اللہ کا پیس ٹی وی اور پاکستان سے ُپیغام چینل

اس بارے میں آپ ھم سب کو کیا نصیحت کرے گے

 

[رفیق طاھر]

’’ عکس ‘‘ اور ’’ تصویر ‘‘ میں فرق ہے یا نہیں ، اس پر تو شیخ رفیق طاہر صاحب نے بہترین وضاحت کی ہے ۔
اگر ’’ مصوری ‘‘ اور ’’ فوٹو گرافی ‘‘ میں بھی فرق واضح کردیا جائے تو بات سمجھنے میں آسانی رہے گی ۔

اس امر کی وضاحت بھی میرے مذکورہ فتوی میں موجود ہے اسے بغور پڑھیے.
مختصر یہ کہ مصوری اور فوٹوگرافی بالکل کتابت وخطاطی اور کمپوزنگ کی طرح ہے.
یعنی چیز ایک ہی ہے بس پہلے ہاتھ استعمال زیادہ ہوتا تھا اور اب بہت کم صرف بٹن دبانے کے لیے.

یہی بات میں نے اپنے فتوی میں بایں الفاظ سمجھانے کی کوشش کی ہے:

"اگر بنظر غائر ديکھا جائے تو يہي بات سمجھ آتي ہے کہ ان آلات يعني کيمرہ وغيرہ سے بنائي جانے والي تصاوير بھي تصاوير ہي ہيں عکس نہيں ہيں !!! , کيونکہ اس دور جديد جسطرح اور بہت سے کام مشينوں سے ليے جانے لگے ہيں اسي طرح تصوير کشي کا کام بھي جديد آلات کے سپرد ہوگيا ہے ۔ ان کيمروں سے تصوير کھينچنے والا اپنے ہاتھ سے صرف اس مشين کا بٹن دباتا ہے جسکے بعد وہ سارا کام جو پہلے پہلے ہاتھ سے ہوتا تھا اس سے کہيں بہتر انداز ميں وہ مشين سر انجام دے ديتي ہے ۔"

 

[رفیق طاھر]

شیخ محترم @رفیق طاھر صاحب آج اہل حدیث کے اکثر اہل علم کی ویڈیو جن کی ویڈیو کے ذریعے ھم اسلام کی دعوت لوگوں تک پہچا رہے ہیں کیا اس عمل سے وہ اور ھم گناہ گار تو نہیں ہو گے کیونکہ کہ آج کے دور میں اکثر اہل علم نے دعوت کے لئے ویڈیو کو جائز قرار دیا ہے

سوشل میڈیا پر سب سے زیادہ فائدہ شیخ محترم توصیف الرحمن راشدی حفظہ اللہ، ڈاکٹر ذاکر نائک حفظہ اللہ، شیخ ابو ذید ضمیر حفظہ اللہ کی ویڈیو سے ہوا ہے اور لوگ اسلام کے صحیح عقیدے کی طرف پلٹ رہے ہیں -

میں یہاں پر ان ٹی وی چینل کا بھی ذکر کرنا چاھوں گا - جن سے غیر مسلموں کے پاس اسلام کا پیغام دنیا کے ہر کونے تک پہچ رہا ہے -

جیسے حرم مکہ اور مدینہ مسجد نبوی صلی اللہ علیہ وسلم سے لائف ٹیلی کاسٹ جس کو دیکھ کر بہت سے لوگ اسلام میں داخل ہوئے ہیں اسی طرح ڈاکٹر ذاکر نائک حفظہ اللہ کا پیس ٹی وی اور پاکستان سے ُپیغام چینل

اس بارے میں آپ ھم سب کو کیا نصیحت کرے گے

سوال یہ ہے کہ کیا یہ تبلیغ آڈیو کے ذریعہ نہیں ہوسکتی؟

 

[محمد عامر یونس]

سوال یہ ہے کہ کیا یہ تبلیغ آڈیو کے ذریعہ نہیں ہوسکتی؟

جی شیخ محترم بالکل ہو سکتی ہے لیکن جو لوگ ویڈیو کے ذریعے اسلام کی دعوت پیش کر رہے ہیں کیا وہ سب گناہ گار ہے ؟؟؟

 

[رفیق طاھر]

جی شیخ محترم بالکل ہو سکتی ہے لیکن جو لوگ ویڈیو کے ذریعے اسلام کی دعوت پیش کر رہے ہیں کیا وہ سب گناہ گار ہے ؟؟؟

جو کام ایک متفق علیہ حلال ذریعہ سے ممکن ہے اسے سر انجام دینے کے لیے حرام یا مشتبہ ذرائع اپنانے کی کیا حاجت ہے؟

 

[محمد عامر یونس]

مگر شیخ محترم کچھ ویڈیو بطور ثبوت اہل باطل کو رد کرنے میں بہت کارآمد ہوتی ہے مثال کے طور پر یہ ویڈیو کیونکہ میرے کتنے دوست ہے جب ان کو اس طرح کی ویڈیو ثبوت کے طور پر دکھائی گئی انھوں نے مزار پرستی اور قبر پرستی سے توبہ کی

لنک


​

 

[ابو عبدالله]

جو کام ایک متفق علیہ حلال ذریعہ سے ممکن ہے اسے سر انجام دینے کے لیے حرام یا مشتبہ ذرائع اپنانے کی کیا حاجت ہے؟

شیخ محترم جزاک اللہ خیر!
اوپر ذکر کردہ علماء کرام میں سے شیخ توصیف الرحمان کی وڈیوز میں اکثر دوسرے فرقوں کے مولویوں کی تقاریر کے بھی کلپس (ثبوت کے طور پر) لگائے جاتے ہیں، جس سے حق اور زیاده نکھر کر سامنے آجاتا ہے.
ایسی صورت میں آپ کیا تجویز کریں گے؟