بدعتی اور فتنے میں مبتلا شخص کی امامت؟

[عبداللہ کشمیری]

جزاکم اللہ خیرا محمد ارسلان بھائی اور تمام مواحدین برادران اللہ تعالی آپ لوگوں کو سلامت رکھے آمین ؟؟

 

[محمد ارسلان]

جزاکم اللہ خیرا محمد ارسلان بھائی اور تمام مواحدین برادران اللہ تعالی آپ لوگوں کو سلامت رکھے آمین ؟؟

آمین ثم آمین

اللہ تعالیٰ آپ کو بھی سلامت رکھے۔موحدین کی صحیح باتوں سے موحدین ہی اتفاق کرتے ہیں۔اللہ تعالیٰ آپ کو خوش رکھے آمین۔

 

[ابو یاسیر]

اگر کوئی امام فجر کی نماز میں مسلسل دعائے قنوت پڑھتا ہوتو کیا اس امام کے پیچھے ہمیں بھی دعائے قنوت پڑھنا چاہئے ؟

 

[ابن قدامہ]

تفصیل کیلئے درج ذیل فتاویٰ ملاحظہ کیجئے!
Islam Question and Answer - ديوبنديوں كے پيچھے نماز ادا كرنا
Islam Question and Answer - فاسق كے پيچھے نماز ادا كرنے كا حكم
Islam Question and Answer - كفريہ اور غير كفريہ بدعتى كے پيچھے نماز ادا كرنا

اس کتاب کے بارے میں آپ کی کیا رائے ہے
http://kitabosunnat.com/kutub-library/bidate-ke-pechee-namaz-ka-humkam

 

[طاہر اسلام]

اصل میں ہم نے اہل حدیث عوام کا جو زہریلا ذہن تیار کر دیا ہے ،اسی کا نتیجہ دیکھنے میں آ رہا ہے کہ اب وہ علما کے اس موقف کع بھی ہضم کرنے کو تیار نہیں ہیں کہ دیوبندیوں کے پیچھے نماز ہو جاتی ہے!!
سچی بات یہ ہے کہ یہ مسئلہ ان مسائل میں سے ہے جو بہت زیادہ حیران کر دینے والے ہیں اور میں زمانۂ طالب علمی ہی سے اس میں غور و فکر کرتا رہا ہوں لیکن کوئی واضح بات سمجھ میں نہ آتی تھی؛ان کچھ عرصہ پہلے یہ بات بالکل آئینہ ہو گئی ہے کہ جب تک کوئی شخص مسلمان ہے،اس کے پیچھے نماز بالکل جائز ہے۔میں اس ضمن میں دیوبندیوں ،بریلویوں اور شیعوں میں کوئی تفریق نہیں کرتا کہ ان میں سے کسی کی بھی صریح تکفیر نہیں کی گئی یا کم ا زکم اس پر اجماع و اتفاق نہیں ہو سکا؛اصل یہ ہے کہ ہر کلمہ گو مسلمان ہے الا یہ کہ وہ ضروریات دین کا منکر ہو؛ہاں اگر وہ کسی نواقض اسلام میں سے ناقض کا ارتکاب کرتا ہے تو پھر بھی جب تک تکفیر کے شرائط اور موانع کا جائزہ لے کر اس پر کافر ہونے کا حکم نہیں لگایا جاتا ،وہ مسلمان ہی شمار ہو گا اور اسےمسلمان کے حقوق حاصل رہیں گے؛پس قادیانیوں اور اسماعیلیوں کے سوا ہمارے یہاں موجود تمام کلمہ گو گروہ مسلمان ہیں اور ان کی اقتدا میں نماز جائز۔
لیکن اس کا مطلب یہ قطعاً نہیں کہ ان گروہوں کے کفریہ اور شرکیہ عقائد و اعمال کو صحیح سمجھ لیا جائے اور ان پر نقد نہ کیا جائے؛ بالکل ہونا چاہیے اور بریلوی،دیوبندی اور شیعہ کے مسائل و نظریات کی غلطی پوری طرح پر واضح کرنا چاہیے؛علما نے جو کام کیا ہے ،وہ اسی نوعیت کا ہے کہ اصول سمجھا دیے جائیں اور حق کی وضاحت ہو جائے؛یہ معنی نہیں کہ انھیں باقاعدہ کافر و مشرک کہا جائے۔
جہاں تک افضل یا غیر افضل ہونے کا تعلق ہے تو یہ ایک الگ موضوع ہے لیکن سردست یہ ذہن میں رکھیں کہ ہر اہل حدیث ہونے کا مدعی بھی ضروری نہیں کہ فاسق نہ ہو؛اس میں بھی فسق ہو سکتا ہے بل کہ فکر و عقیدہ کے باب میں بھی وہ سخت بدعتی ہو سکتا ہے؛ہم تو بدعت کو محض بریلوی دیوبندی تناظر میں دیکھتے ہیں لیکن جمہوریت،اشتراکیت اور لبرل ازم بھی بدعات میں شمار ہوتے ہیں (ان کی وہ صورتیں جنھیں اسلامائز کر لیا گیا ہے) اور اس طرح کے کتنے ہی مدعیان اہل حدیث موجود ہیں!!

 

[ابن داود]

السلام علیکم ورحمۃ اللہ وبرکاتہ!
میں پھر وہی ''حیران کن'' کا آئکون تلاش کرنے لگا تھا، کہ پھر یاد آیا!! کہ وہ تو ہے ہی نہیں!

 

[ابن قدامہ]

صل میں ہم نے اہل حدیث عوام کا جو زہریلا ذہن تیار کر دیا ہے ،اسی کا نتیجہ دیکھنے میں آ رہا ہے کہ اب وہ علما کے اس موقف کع بھی ہضم کرنے کو تیار نہیں ہیں کہ دیوبندیوں کے پیچھے نماز ہو جاتی ہے!!
سچی بات یہ ہے کہ یہ مسئلہ ان مسائل میں سے ہے جو بہت زیادہ حیران کر دینے والے ہیں اور میں زمانۂ طالب علمی ہی سے اس میں غور و فکر کرتا رہا ہوں لیکن کوئی واضح بات سمجھ میں نہ آتی تھی؛ان کچھ عرصہ پہلے یہ بات بالکل آئینہ ہو گئی ہے کہ جب تک کوئی شخص مسلمان ہے،اس کے پیچھے نماز بالکل جائز ہے۔میں اس ضمن میں دیوبندیوں ،بریلویوں اور شیعوں میں کوئی تفریق نہیں کرتا کہ ان میں سے کسی کی بھی صریح تکفیر نہیں کی گئی یا کم ا زکم اس پر اجماع و اتفاق نہیں ہو سکا؛اصل یہ ہے کہ ہر کلمہ گو مسلمان ہے الا یہ کہ وہ ضروریات دین کا منکر ہو؛ہاں اگر وہ کسی نواقض اسلام میں سے ناقض کا ارتکاب کرتا ہے تو پھر بھی جب تک تکفیر کے شرائط اور موانع کا جائزہ لے کر اس پر کافر ہونے کا حکم نہیں لگایا جاتا ،وہ مسلمان ہی شمار ہو گا اور اسےمسلمان کے حقوق حاصل رہیں گے؛پس قادیانیوں اور اسماعیلیوں کے سوا ہمارے یہاں موجود تمام کلمہ گو گروہ مسلمان ہیں اور ان کی اقتدا میں نماز جائز۔

شرک کرنے والے کا کوئی عمل قبول نہیں ہوتا ۔تو ان کے پیچھے ہماری نماز کیسے قبول ہوگی
( وَمَن يَكْفُرْ بِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ مِنَ الْخَاسِرِينَ ) المائدة/ 5
ترجمہ: اور جس نے بھی ایمان کے بجائے کفر اختیار کیا اس کا وہ عمل برباد ہوگیا اور آخرت میں وہ نقصان اٹھانے والوں میں سے ہوگا۔
( وَلَقَدْ أُوحِيَ إِلَيْكَ وَإِلَى الَّذِينَ مِنْ قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ ) الزمر/ 65
ترجمہ: آپ کی طرف یہ وحی کی جا چکی ہے اور ان لوگوں کی طرف بھی جو آپ سے پہلے تھے، کہ اگر آپ نے شرک کیا تو آپ کے عمل برباد ہوجائیں گے اور آپ خسارہ اٹھانے والوں میں شامل ہوجائیں گے۔
اور آپ کی شیخ زبیر علی زئی اور شیخ بدالدین راشدی اور شیخ توصیف الرحمن حافظ عبداللہ
بہاولپوری کے بارے میں کیا رائے ہے

اہل بدعت(مکفرہ) کی اقتداء میں نمازادانہ کرنا

اہل بدعت میں سے جن کی بدعت کفر کی حد تک پہنچتی ہے ان کی اقتداء میں ادا کی گئی نماز باطل ہے اور پڑھی گئی نماز کو دہرانا واجب ہے ۔ارشاد باری تعالیٰ ہے :
﴿مَا كَانَ لِلْمُشْرِكِيْنَ اَنْ يَّعْمُرُوْا مَسٰجِدَ اللہِ شٰہِدِيْنَ عَلٰٓي اَنْفُسِہِمْ بِالْكُفْرِ اُولٰۗىِٕكَ حَبِطَتْ اَعْمَالُہُمْ وَفِي النَّارِ ہُمْ خٰلِدُوْنَ۝ اِنَّمَا يَعْمُرُ مَسٰجِدَ اللہِ مَنْ اٰمَنَ بِاللہِ وَالْيَوْمِ الْاٰخِرِ وَاَقَامَ الصَّلٰوۃَ وَاٰتَى الزَّكٰوۃَ وَلَمْ يَخْشَ اِلَّا اللہَ فَعَسٰٓى اُولٰۗىِٕكَ اَنْ يَّكُوْنُوْا مِنَ الْمُہْتَدِيْنَ ﴾(التوبۃ:۱۷،۱۸)
’’مشرکوں کا یہ کام نہیں کہ وہ اللہ کی مسجدوں کو آباد کریں وہ تو خود اپنے اوپر کفر کی شہادت دے رہے ہیں، یہی لوگ ہیں جن کے سب اعمال ضائع ہو گئے اور وہ ہمیشہ جہنم میں رہیں گے ۔اللہ کی مساجد کو آباد کرنا ان کا کام ہے جو اللہ پر اور آخرت کے دن پر ایمان لائے ،نماز قائم کی ،زکوٰۃ ادا کی اور اللہ کے سوا کسی سے نہ ڈرے ‘امید ہے ایسے ہی لوگ ہدایت یافتہ ہوں گے ۔‘‘
اسی لیے ائمہ سلف نے غالی جہمیہ ،رافضہ اور قدریہ کی اقتداء میں نماز کے باطل ہونے کا فتوی دیا ہے ۔
1۔واثلۃ بن السقع رحمہ اللہ سے قدری کے پیچھے نماز کے بارے میں سوال کیا گیا توآپ نے فرمایا :’’اس کے پیچھے نماز ادا نہیں کی جائے گی اور اگر (انجانے میں)اس کے پیچھے پڑھ لوں تو میں دہرائوں گا ۔‘‘(شرح اصول اعتقاد اہل السنۃ والجماعۃ ‘ج :۲‘ص:۷۳۱)
2۔امام بربہاری رحمہ اللہ فرماتے ہیں :’’اگر جمعہ کے دن تیرا امام جہمی ہو اور وہ وقت کا سلطان ہو (یعنی تو اس کے پیچھے نماز ادا کرنے پر مجبور ہو)تو پھر اس کے پیچھے نماز پڑھ لے اور پھر اسے دہرا ۔‘‘(شرح السنۃ:۴۹)
3۔امام ابن نجیم حنفی رحمہ اللہ فرماتے ہیں :’’اصل یہ ہے کہ اہل اہواء کی اقتداء جائز ہے سوائے جہمیہ ،قدریہ ،غالی روافض ،خلق قرآن کے قائل ،خطابیہ ،مشبہ اور اس بدعتی کے جو اپنی بدعت میں غلو کرتا ہوا کفر کے درجہ کو جاپہنچے ۔باقی ماندہ لوگوں کی اقتداء میں نماز جائز مگر ناپسندیدہ ہے ۔‘‘(بحرالرائق شرح کنز الدقائق ،ج:۱ص:۳۷۰)
4۔سلام بن أبی مطیع رحمہ اللہ سے جہمیہ کے متعلق سوال کیا گیا‘ تو آپ نے فرمایا’’ وہ کفار ہیں ان کے پیچھے نماز نہ پڑھی جائے۔‘‘(السنۃ لعبداللہ بن أحمد ۱/۱۰۵)
5۔شیخ عبدالعزیز بن عبداللہ بن بازرحمہ اللہ فرماتے ہیں:جو کوئی قبر والوں سے استغاثہ کرتا ہے یعنی اپنی مشکلات میں اسے اپنی مدد کے لیے پکارتا ہے یا ان کی نذر و نیاز دیتا ہے اس کے پیچھے نماز پڑھنا صحیح نہیں کیونکہ وہ مشرک ہے اور مشرک کی نہ امامت درست ہے اور نہ ہی اس کے پیچھے نماز اور کسی مسلم کے لیے جائز نہیں کہ اس کے پیچھے نماز پڑھے۔(فتاویٰ اللجنہ جمع و ترتیب احمد بن عبد الرزاق الدویش فتوی نمبر [9336]

 

[ابن قدامہ]

لیکن اس کا مطلب یہ قطعاً نہیں کہ ان گروہوں کے کفریہ اور شرکیہ عقائد و اعمال کو صحیح سمجھ لیا جائے اور ان پر نقد نہ کیا جائے؛ بالکل ہونا چاہیے اور بریلوی،دیوبندی اور شیعہ کے مسائل و نظریات کی غلطی پوری طرح پر واضح کرنا چاہیے؛علما نے جو کام کیا ہے ،وہ اسی نوعیت کا ہے کہ اصول سمجھا دیے جائیں اور حق کی وضاحت ہو جائے؛یہ معنی نہیں کہ انھیں باقاعدہ کافر و مشرک کہا جائے۔

۔شیخ عبدالعزیز بن عبداللہ بن بازرحمہ اللہ فرماتے ہیں:جو کوئی قبر والوں سے استغاثہ کرتا ہے یعنی اپنی مشکلات میں اسے اپنی مدد کے لیے پکارتا ہے یا ان کی نذر و نیاز دیتا ہے اس کے پیچھے نماز پڑھنا صحیح نہیں کیونکہ وہ مشرک ہے اور مشرک کی نہ امامت درست ہے اور نہ ہی اس کے پیچھے نماز اور کسی مسلم کے لیے جائز نہیں کہ اس کے پیچھے نماز پڑھے۔(فتاویٰ اللجنہ جمع و ترتیب احمد بن عبد الرزاق الدویش فتوی نمبر [9336]
6۔شیخ عبدالعزیز بن بازرحمہ اللہ اور ان کی لجنۃ سے بریلوی جماعت کے پیچھے نماز پڑھنے کا حکم دریافت کیا گیا جن کا عقیدہ یہ ذکر کیا گیا کہ:
۱)رسول اللہ صلی اللہ علیہ وسلم زندہ ہیں۔ (۲)آپ صلی اللہ علیہ وسلم حاضر و ناظر ہیں۔ (۳)یہ لوگ قبر والوں سے حاجت روائی کی درخواست کرتے ہیں۔ (۴)قبروں پر گنبد بناتے ہیں اور چراغ روشن کرتے ہیں۔ (۵)یا رسول اللہ صلی اللہ علیہ وسلم اور یا محمد صلی اللہ علیہ وسلم کہتے ہیں۔ (۶)رفع الیدین کرنے والے اور آمین بالجہر کرنے والے سے ناراض ہوتے اور اسے وہابی کہتے ہیں۔ (۷ ) و ضو اور اذان میں نام محمد صلی اللہ علیہ وسلم پر انگوٹھے چومتے ہیں۔
ایسے عقائد کے حاملین کے پیچھے نماز کے متعلق شیخ صاحب فرماتے ہیں:’’جس شخص کے یہی حالات ہوں، اس کے پیچھے نماز پڑھنا ناجائز ہے اور اگر کوئی نمازی اس کی اس حالت سے واقف ہونے کے باوجود اس کے پیچھے نماز پڑھے تو اس کی نماز صحیح نہیں کیونکہ سوال میں مذکورہ امور میں سے اکثر کفریہ اور بدعیہ ہیں جو اس توحید کے خلاف ہے جسے دے کر اللہ تعالیٰ نے اپنے انبیاء علیہم السلام کو مبعوث فرمایا اور جو اس نے اپنی کتابوں میں بیان فرمائی۔[فتاویٰ دارالافتاء سعودی عرب: 256/2]

 

[طاہر اسلام]

سلفی علما میں دو رائیں موجود ہیں کہ جو غیر اللہ سے استغاثہ کرتا ہے وہ معین طور پر کافر ہے یا اسے کافر قرار دینے کے لیے اتمام حجت کرنا ضروری ہے؛ابن باز بریلوی ٹائپ لوگوں کو معین کافر کہتے ہیں لیکن ابن عثیمین نہیں کہتے۔

 

[طاہر اسلام]

اجمالی طور پر میرا موقف یہ ہے کہ ان فرقوں کے عوام کو جہالت کا عذر دیا جائے گا اور ان کے عالموں کو تاویل کا؛ہاں اگر آپ انھیں صریح کافر سمجھتے ہیں تو پھر نماز ہی نہیں بل کہ دیگر تمام احکام بھی کافروں والے لاگو ہوں گے؛مثلاً ان کا جنازہ نہیں پڑھا جائے گا؛نہ انھیں سلام کیا جائے گا؛نہ سلام کے جواب میں مسلمانوں والا سلام کہا جائے گا؛اگر اس طرح کا کوئی شخص آپ کے رشتہ داروں میں ہے تو اس کی وراثت بھی نہیں لیں گے اور نہ اسے دیں گے؛ نہ اس کا ذبیحہ جائز ہو گا۔اگر یہ سب باتیں کہتے ہیں تو بسم اللہ،ورنہ صرف نماز ہی پر آپ کیوں بھڑک اٹھتے ہیں۔باقی جن علما نے ان کے پیچھے نماز نہ پڑھنے کا موقف اختیار کیا ہے ،وہ مجتہد ہیں ؛میں ان کی راے کو کم زور سمجھتا ہوں اور انھیں اپنے اجتہاد میں ماجور؛ان شاءاللہ