حدیثِ دل

[ساجد تاج]

'محسن'' وہ ہوتا ہے جس کی نگاہ صرف واجبات و فرائض پر نہیں ہوتی
بلکہ وہ ہر وقت بہتر سے بہتر کرنے کی کوشش میں رہتا ہے. الله تعالی کو ایسے لوگ بہت پیارے ہیں.
وَأَحْسِنُوا إِنَّ اللَّهَ يُحِبُّ الْمُحْسِنِينَ. ( البقرة : ١٩٥)
اور سلوک واحسان کرو، اللہ تعالیٰ احسان کرنے والوں کو دوست رکھتا ہے (195)
پروفیسرحماد لکھوی حفظہ اللہ

 

[ساجد تاج]

کچھ لوگ خوش قسمت ہوتے ہیں
وہ زوال کی طرف جائیں یا کمال کی طرف،
وہ صرف شکر کے راستے پر ہی سفر کرتے ہیں۔

 

[ساجد تاج]

خالق سے مانگنا عزت کی بات ہے
اگر دے تو رحمت نہ دے تو حکمت
مخلوق سے مانگنا ذلت ہے
اگر دے تو احسان نہ دے تو شرمندگی
شیخ نصراللہ خالد

 

[مشکٰوۃ]

لگتا ہےساجد بھائی ہر وقت ہی سوچتےرہتے ہیں۔۔۔ابتسامہ​

 

[مشکٰوۃ]

بصارت کا کھو جانا کوئی بڑی بات نہیں مصیبت تب بنتی ہے جب بصیرت کی کمی واقع ہو جائے۔​

 

[محمد ارسلان]

جو شخص اللہ سے ڈرتا ہے وہ کبھی بدلہ نہیں لیتا

قرآن میں جان کے بدلے جان کا حکم ہے۔ ارشاد باری تعالیٰ ہے:
وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ ﴿١٧٩﴾۔۔۔سورۃ البقرۃ
اور
كَتَبْنَا عَلَيْهِمْ فِيهَا أَنَّ النَّفْسَ بِالنَّفْسِ وَالْعَيْنَ بِالْعَيْنِ وَالْأَنفَ بِالْأَنفِ وَالْأُذُنَ بِالْأُذُنِ وَالسِّنَّ بِالسِّنِّ وَالْجُرُ‌وحَ قِصَاصٌ ۚ فَمَن تَصَدَّقَ بِهِ فَهُوَ كَفَّارَ‌ةٌ لَّهُ ۚ وَمَن لَّمْ يَحْكُم بِمَا أَنزَلَ اللَّـهُ فَأُولَـٰئِكَ هُمُ الظَّالِمُونَ ﴿٤٥﴾۔۔۔سورۃ المائدہ
اور
الشَّهْرُ‌ الْحَرَ‌امُ بِالشَّهْرِ‌ الْحَرَ‌امِ وَالْحُرُ‌مَاتُ قِصَاصٌ ۚ فَمَنِ اعْتَدَىٰ عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَىٰ عَلَيْكُمْ ۚ وَاتَّقُوا اللَّـهَ وَاعْلَمُوا أَنَّ اللَّـهَ مَعَ الْمُتَّقِينَ ﴿١٩٤﴾۔۔۔سورۃ البقرۃ

 

[محمد ارسلان]

دن کو رزق تلاش کرو اور رات کو اسے تلاش کرو جو تمہیں رزق دیتا ہے

• دن کو بھی رزق کے ساتھ اللہ کی رضا تلاش کرو
• روزی کی خاطر اللہ کے احکامات کو مت توڑو
• روزی کی خاطر اللہ کو مت بھولو
• رات کو جو اللہ توفیق دے وہ عبادت کرو
• رات کو بیوی کا حق بھی ادا کرو
• اور رات کو آرام بھی ضرور کرو

یہ تمام تر باتیں درست ہیں، دن کو اللہ کی یاد سے غافل ہو کر رزق کمانا اور ساری ساری رات جاگ کر بدعتی طریقوں سے اللہ کی عبادت کرنا درست نہیں ، بلکہ اعمال کی بربادی کا سبب ہے، ان تمام باتوں میں اللہ کی شریعت کی پیروی ازحد ضروری ہے۔

 

[محمد ارسلان]

خوبصورت دلوں کی تلاش کرو خوبصورت چہروں کی نہیں
کیوں کہ
خوبصورت چہرے تو دھوکا دے جاتے ہیں لیکن
خوبصورت دل کبھی دھوکا نہیں دیتا

ہمیں اس بات کا ہی تو ادراک نہیں ہو سکتا کہ ہم جسے پیار کر رہے ہیں وہ دل کا بھی خوبصورت ہے یا نہیں، دل کی کیفیت تو صرف اللہ تعالیٰ ہی جانتا ہے (إِنَّ اللَّـهَ عَلِيمٌ بِذَاتِ الصُّدُورِ‌) اسی لئے ہم انسان ہونے کے ناطے دھوکا کھا جاتے ہیں، خوبصورت چہرے واقعی میں دھوکا دے جاتے ہیں

 

[محمد ارسلان]

کچھ لوگ معصومیت کا نقاب پہن کر دوسروں کے دلوں سے کھیلتے ہیں ایسے لوگوں سے بچنا چاہیے ۔

اللہ ایسے لوگوں کو سمجھنے کی توفیق عطا فرمائے جو دوسروں کے جذبات چاہے وہ اس کے لئے کتنے ہی سچے کیوں نہ ہو ، کھیل تماشا بناتے ہیں، یہ نہیں جانتے کہ یہ دلوں کا معاملہ بہت نازک ہے، آپ کا تو کھیلنا ہو گیا ، اگلے کی زندگی داؤ پر لگ گئی۔

 

[محمد ارسلان]

اپنی مدد آپ ، کامیابی کا سب سے بڑا اصول ہے ۔

اور ساتھ میں اللہ پر بھروسہ اس سے بھی بڑا اصول ہے۔