دین میں تقلید کا مسئلہ

[شاکر]

بات گھوم پھر کر وہی ویڈیو کے ثبوت پر آئی۔ ویڈیو کس حد تک مصدقہ ہیں؟ پہلے اس کااظہار کریں۔ پھر آگے بات ہوگی۔اگرویڈیو مصدقہ ہیں توپھر ہمارے پاس بھی بہت سارے ویڈیوز ہیں۔کیاانہیں بھی پیش کروں؟یہ توابتدائے عشق ہے۔یہ توآنجناب کی محبت ہے جوکسی بھی بحث سے فرار کیلئے امام ابوحنیفہ کی پناہ ڈھونڈتے ہیں۔بہرحال ہمیں اپنی بات کاتاحال ثبوت مطلوب ہے۔

جمشید بھائی،
سند کا مطالبہ کرنا کوئی غلط بات تو نہیں۔ آپ خود بھی یہ مطالبہ کرتے ہی رہتے ہیں۔ آپ نے بالجزم ایک جملہ کو امام احمد بن حنبل رحمہ اللہ کی طرف منسوب کیا ہے۔ اس کا ثبوت دینا آپ ہی کی اولین ذمہ داری ہے۔ کفایت اللہ بھائی نے اپنی بات کا ثبوت ویڈیو کی صورت میں دے دیا ہے۔ اس ویڈیو میں اگر آپ کو ایڈیٹنگ پر اعتراض ہے تو پیش فرمائیں۔ لیکن بحیثیت مجموعی نہ تو ویڈیو کو ثبوت ماننے سے انکار کرنا ممکن ہے اور نہ اس کو قبول ہی کیا جا سکتا ہے۔ ہر ویڈیو ثبوت پر اس کے اندرونی و بیرونی شواہد کی بنیاد پر علیحدہ حکم لگتا ہے۔ یہی معاملہ انٹرنیٹ پر موجود آرٹیکلز، کتب وغیرہ کا بھی ہے۔
آپ بھی اپنی بات کا ثبوت تو پیش کریں، ثبوت پر اعتراض کا معاملہ علیحدہ ہے۔ پہلا مرحلہ سر کر لیں تو آگے بھی بات ہو۔
بہرحال یہ فرار کے لئے امام ابو حنیفہ کی پناہ ڈھونڈنا، جیسے الفاظ سہج صاحب کہیں تو کچھ حرج نہیں۔ لیکن آپ کا ہماری نظر میں مقام علیحدہ ہے ازراہ کرم خیال رکھا کریں۔

 

[کفایت اللہ]

بات گھوم پھر کر وہی ویڈیو کے ثبوت پر آئی۔ ویڈیو کس حد تک مصدقہ ہیں؟ پہلے اس کااظہار کریں۔ پھر آگے بات ہوگی۔اگرویڈیو مصدقہ ہیں توپھر ہمارے پاس بھی بہت سارے ویڈیوز ہیں۔کیاانہیں بھی پیش کروں؟یہ توابتدائے عشق ہے۔یہ توآنجناب کی محبت ہے جوکسی بھی بحث سے فرار کیلئے امام ابوحنیفہ کی پناہ ڈھونڈتے ہیں۔بہرحال ہمیں اپنی بات کاتاحال ثبوت مطلوب ہے۔

محترم بھائی !
ّغالبا آپ نے جلدبازی میں یہ پوسٹ کردیا ورنہ آپ جیسے اہل علم سے اس طرح کے جواب کی توقع نہیں ہوتی ہے، بھائی میں نے کوئی صدیوں پہلے کسی عالم کی کسی بات کی طرف اشارہ نہیں کیا تھا کہ اس کی سند کتابوں سے پیش کروں، میں نے عصر حاضر میں کہی گئی بات کی طرف اشارہ کیا تھا اور وہ بات میں نے جہاں سے سنی تھی آپ کے مطالبہ پر میں نے اس کا حوالہ دے دیا، میرا جس قسم کا دعوی تھا اس قسم کے ثبوت کے لئے اتنا حوالہ کافی ہے۔
غورکریں کہ میں نے ایک سنی ہوئی بات کی طرف اشارہ کیا تھا نہ کی لکھی ہوئی بات کی طرف ، پھر سنی ہوئی بات میں تحریری شکل میں کیسے پیش کروں، ایسی صورت میں تو ویڈیو اس بات کے لئے کافی ثبوت ہے کہ واقعی کسی حنفی نے یہ بات کہی ہے ۔

ویڈیو کس حد تک مصدقہ ہیں؟ پہلے اس کااظہار کریں۔ پھر آگے بات ہوگی۔

جناب اگر آپ عصر حاضر میں کہی گئی کسی بات سے متعلق دعوی کریں کہ میں نے یہ کہتے ہوئے سناہے اور آپ نے یہ بات کسی ویڈیو میں سنی ہو تو یقینا اس کا حوالہ آپ دے سکتے ہیں، اس طرح کی باتوں کے حوالے کے لئے ویڈیو زبردست ثبوت ہے ۔
البتہ ویڈیو میں جوبات کہی جارہی ہے وہ کہاں تک درست ہے اس کے لئے ویڈیو کا حوالہ کافی نہیں ہے، امید ہے کہ اس فرق کو پیش نظر رکھیں گے۔

اگرویڈیو مصدقہ ہیں توپھر ہمارے پاس بھی بہت سارے ویڈیوز ہیں۔کیاانہیں بھی پیش کروں؟

کہیں آپ کا اشارہ ان ویڈیوز کی طرف تو نہیں ہے جنہیں آپ نے کبھی اردو مجلس پر یہاں پیش کیاتھا ؟؟؟ اگر ہاں تو یہیں پر بعض بھائیوں نے آپ کو جو نصیحتیں کی ہیں انہیں دوبارہ پڑھ لیں۔
محترم میرا دعوی یہ تھا کہ میں نے ایک بات سنی ہے اب میں نے جہاں سے سنی تھی اس کاحوالہ دے دیا ، جو کافی ہے ، اب اس ویڈیو میں جوبات کہی گئی ہے وہ کہاں تک صحیح ہے یہ ایک الگ مسئلہ ، بالفاظ دیگر یوں سمجھئے کہ کسی قول کا قائل سے صحیح ثابت ہونا اور کسی قول کا بذات خود صحیح ہونا دونوں میں فرق ہے ، اول الذکر کے لئے ویڈیو وغیرہ کے حوالے دئے جاسکتے ہیں ، جبکہ ثانی الذکر کے لئے ویڈیو کا حوالہ کافی نہیں ہے۔

اوراگر آپ کو اس ویڈیو کے بناوٹی ہونے کا شبہہ ہے تو یاد رہے کہ ہم نے دیوبندی عالم چن محمد کی ویڈیو پیش کی ہے اس میں اس عالم کی تصویر کے ساتھ ساتھ ، اس کی آواز اور اس کا لب ولہجہ بھی قید ہے اور ان تمام سے یہ معلوم کیا جاسکتا ہے کہ یہ ایک معروف دیوبندی ہی کی آواز ہے یا نہیں، اگر آپ کو اس ویڈیو کے جعلی ہونے پر شک ہے تو اس کی وجوہات پیش کریں۔

یہ بھی یاد رہے کہ یہ کسی خفیہ گوشہ میں کہی گئی بات نہیں ہے بلکہ یہ بات ایک مناظرہ میں پیش کی گئی ہے ، جس میں لوگوں کی ایک بڑی تعداد شریک تھی ، اور یہ تعداد بھی اس بات پر گواہ ہے کہ دیوبندی عالم چند محمد نے یہ بات کہی ہے ، ان سے رابطہ کرکے اس کی تصدیق کی جاسکتی ہے۔

اچھا اس دیوبندی عالم نے مذکورۃ بات شیخ زبیر علی حفظہ اللہ سے مخاطب ہوکر کہی ہے تو کیا اگر میں یہی بات شیخ زبیرعلی حفظہ اللہ سے رابطہ کرنے کے بعد ان سے نقل کروں تو آپ تسلیم کریں گے یا نہیں ؟ اگر ہاں تو یہ بھی کرکے دیکھ لیاجائے اور اگر نہیں تو آپ یہ بتائیں کہ آج اگر کوئی عصرحاضر میں اپنے ہم عصر کا کوئی قول پیش کرے تو قول کی سند کے طور پر اسے کیا پیش کرنا ہوگا۔

یہ توابتدائے عشق ہے۔یہ توآنجناب کی محبت ہے جوکسی بھی بحث سے فرار کیلئے امام ابوحنیفہ کی پناہ ڈھونڈتے ہیں۔

امام ابوحنیفہ رحمہ اللہ کی پناہ سے اللہ کی پناہ !
جناب امام ابوحنیفہ رحمہ اللہ کا حوالہ اس لئے پیش کیا جاتا ہے تاکہ آپ حضرات کا دوسرا رخ بھی سامنے آجائے ، یعنی آپ حضرات جن چیزوں کو بطور حجت پیش کرتے ہیں امام ابوحنیفہ رحمہ اللہ کے حق میں وہی چیزیں آپ حضرات کی نظر میں ناقابل حجت ہوتی ہیں۔

بہرحال ہمیں اپنی بات کاتاحال ثبوت مطلوب ہے۔

ثبوت آپ کو نہیں ثبوت ہمیں مطلوب ہے برائے مہربانی آپ امام احمد بن حنبل کا قول باسند صحیح پیش کردیں۔

 

[انس]

امام احمد کے ارشاد کا مطلب بعد میں پوچھئے گا پہلے اس قول کو امام احمد سے باسند صحیح پیش کردیں۔
واضح رہے کہ جب کوئی یہ کہتا ہے کہ امام ابوحنیفہ رحمہ اللہ نے اپنی تقلید سے منع کیا ہے تو مطالبہ کیا جاتا ہے کہ امام ابوحنیفہ رحمہ اللہ سے یہ قول باسندصحیح پیش کرو ، اس لے آپ سے گذارش ہے کہ امام احمد کا قول باسند صحیح پیش کریں۔

پہلے تواس لفظ کوئی اورمطالبہ کرنے والے شخص کا حوالہ ہی باسند صحیح آنجناب پیش کریں پھربات آگے بڑھائیں۔

بحث سے جان چھڑانے کا کیا خوب انداز ہے!!
ورنہ اگر جمشید بھائی کو واقعی ہی حوالہ چاہئے تھا تو وہ الحمد للہ کفایت اللہ بھائی نے ویڈیو پیش کر کے دے دیا ہے۔ اس کے باوجود بھی اگر جمشید بھائی کی تسلّی نہیں ہوئی تو اس سے یہی ظاہر ہوتا ہے کہ شائد ان کے پاس امام احمد﷫ کے قول کا حوالہ موجود نہیں؟!!

 

[راجا]

جی آپ کی یہ تاویل اور جذباتی اپیل تو تب مانیں بھائی جب محمود الحسن صاحب نے خود وضاحت نہ کر رکھی ہو۔ ملاحظہ فرمائیں:


اس ایک جملہ سے آپ کی درج بالا تمام وضاحتوں کا آپ ہی آپ رد ہو گیا۔ یہ سیدھے سادھے الفاظ کیا کسی تشریح کے محتاج ہیں؟ پوائنٹس نوٹ فرمائیں:

١۔ محمود الحسن صاحب خیار مجلس کے مسئلہ میں تحقیق کے بعد حق بات کو پا گئے۔
٢۔ اور وہ حق بات یہ تھی کہ امام شافعی کے موقف کو ترجیح حاصل ہے۔
٣۔ خودبخود ثابت ہوا کہ امام ابوحنیفہ کا موقف خاص خیار مجلس کے معاملے میں محمود الحسن صاحب کے نزدیک مرجوح ہے۔
٤۔ لیکن چونکہ محمود الحسن صاحب مقلد ہیں۔
٥۔ مقلد پر امام کی تقلید واجب ہے۔
٦۔ لہٰذا درج بالا پوائنٹ چار اور پانچ میں بیان کی گئی تقلید وہ واحد وجہ ہے کہ جس کی وجہ سے محمود الحسن صاحب حق و انصاف کی مخالفت پر مجبور ہو گئے۔
٧۔ قائل کی اپنی وضاحت کو دیکھیں تو حق و انصاف کی مخالفت کی وجہ ’نئے طرز عمل سے پیدا ہونے والا انتشار بین المسلمین‘ یا ’نوافل کے لئے فرائض کی قربانی‘ نہیں۔ بلکہ صرف اور صرف تقلید ہے جس نے حق و انصاف کی مخالفت پر مجبور کیا ہے۔
٨۔ میری ناقص رائے میں یہ ایک منفرد عالم کی تنہا غلطی ہے کہ وہ تقلید کی وجہ سے حق و انصاف کی مخالفت کرتے ہیں۔ ایسی غلطیاں ہر مسلک کے علمائے کرام سے ہوئی ہیں اور ہو رہی ہیں۔ لیکن دیوبندی حضرات کا بحیثیت جماعت قصور یہ ہے کہ وہ اس طرح کی مثالوں میں عالم کی غلطی کو غلطی تک نہیں مانتے۔ اسی مثال میں دیکھ لیں کہ قائل کی مرضی کے خلاف تاویل کر کے محمود الحسن صاحب کے اس باطل عمل کو بھی درست ثابت کرنے کی کوشش کر رہے ہیں۔ اور یقیناً آفتاب بھائی کے الفاظ میں یہی اندھی تقلید ہے کہ جس کی خود حنفی علماء قولاً مخالفت کرتے ہیں اور عملاً اسی کے شدید حامی ہیں۔

اللہ ہی سے دعا ہے کہ وہ ہمیں حق جاننے اور پھر انا پرستی اور مسلک پرستی سے بچتے ہوئے اس پر عمل کی توفیق دے ۔ آمین۔

جمشید صاحب تو ہیں نہیں۔
ایک دوسرے دھاگے میں محترم اشماریہ صاحب سے اسی موضوع پر گفتگو چل رہی ہے تو انہی سے گزارش ہے کہ اس موضوع پر اظہار خیال یہاں فرما دیں۔

 

[اشماریہ]

جمشید صاحب تو ہیں نہیں۔
ایک دوسرے دھاگے میں محترم اشماریہ صاحب سے اسی موضوع پر گفتگو چل رہی ہے تو انہی سے گزارش ہے کہ اس موضوع پر اظہار خیال یہاں فرما دیں۔

جمشید بھائی ما قبل میں جواب دے چکے ہیں۔ میری رائے جاننا چاہتے ہیں تو ملاحظہ فرمائیں لنک
چوں کہ جمشید بھائی جواب دے چکے ہیں اس لیے میں مزید بحث سے معذرت چاہوں گا۔

 

[مفتی عبداللہ]

السلام علیکم سلف صا لحین کا اس میں کیا اقوال ہے کہ امام ابو حنیفہ رحمہ اللہ تعالی تابعی تھے یا نہیں ؟؟؟ کل ایک وٹ سیپ کی گروپ میں اس مسئلے میں بحث چلی میرے درخواست ہے کی مستند دلایل سے ذرا اس مسئلے کی وضاحت فرماے پلیز جزاکم اللہ خیرا کثیرا