۱۔کیا آپ یہ کہنا چاہ رہے ہیں کہ اگر کوئی شخص بعض مرتبہ تحقیق کرکے صحیح احادیث بیان کرے اور بعض مرتبہ سنی سنائی ضعیف احادیث بیان کرے (اور اس کا مقصد ان کا ضعف واضح کرنا نہ ہو، بلکہ استدلال کرنا ہو) تو وہ گناہگار نہیں؟؟؟
۲۔ہر سنی سنائی بات کو آگے بیان کرنے سے روکنے کا مقصد اس کے علاوہ اور کیا ہے کہ لوگ قرآنِ کریم اور صحیح احادیث مبارکہ کی بجائے سنی سنائی باتوں پر عمل نہ شروع کردیں!!!
۳۔اسی طرح اگر ایک شخص تحقیق کرتا ہی نہیں، بلکہ جانبداری اور تعصّبات کی بناء پر اپنے من پسند عالم سے بغیر دلائل کے ہر سنی ہوئی بات پر عمل (تقلید) کرتا ہے، تو اگر وہ عمل عند اللہ غلط ہوگا، تب تو بقول آپ کے وہ گنہگار ہوگا،
۴۔لیکن اگر وہ عمل عند اللہ صحیح ہوا تو بقول آپ کے وہ اجر کا مستحق ہوگا، حالانکہ یہاں بھی اپنی نیت کی بناء پر اسے گنہگار ہونا چاہئے، اور یہی میری رائے ہے۔
۵۔ کیا آپ کی رائے اس کے مخالف ہے؟
۶۔بات مزید واضح کرنے کیلئے ایک مثال دیتا ہوں کہ اگر کوئی شخص قرآنِ کریم کی تفسیر میں کوئی بات بغیر علم کے صرف اپنی رائے سے کہہ دے، تو اگر اس کی تفسیر غلط ہو تب تو وہ گنہگار ہے ہی، لیکن کیا آپ کے نزدیک اگر بالفرض اس کی تفسیر عند اللہ صحیح ہو تو وہ اپنی ذاتی رائے کی بناء پر کی گئی تفسیر پر اَجر کا مستحق ہوگا؟؟؟
۱۔نہیں ہر گز نہیں ! میرا یہ مطلب قطعا نہیں !!!!
بلکہ وہ یقینا گہنگار ہی ہوگا !!!
در اصل آپ نے دو باتوں کو ایک سمجھ لیا ہے اسی بناء پر معاملہ الجھ گیا ہے ۔ لہذا پہلے دونوں باتوں کا فرق سمجھ لیں :
بعض سنی سنائی باتیں آگے بیان کرنے سے بندہ گہنگار نہیں بنا ہاں ہر سنی سنائی بات کو آگے بیان کرنے سے بندہ گہنگار بن جاتا ہے۔ یہ بات عام ہے ۔
جھوٹی یعنی ضعیف روایات کو آگے بغرض استدلال بیان کرنا حرام اور ناجائز ہے ۔ یہ بات خاص ہے ۔
یعنی ہر سنی سنائی بات میں کچھ نہ کچھ جھوٹ ہوگا اور کچھ نہ کچھ سچ , تو ہر سنی سنائی کو اگر آگے بیان کیا جائے گا تو اس میں جھوٹ ہونے کا خدشہ و امکان ہے ۔
لیکن جب ایک بات ہے ہی جھوٹ تو اس ایک کا بیان بھی غلط ہی ہوگا ۔
اسکی دلیل صحیح مسلم سے رسول اللہ صلى اللہ علیہ وسلم کا یہ فرمان ہے :
مَنْ حَدَّثَ عَنِّي بِحَدِيثٍ يُرَى أَنَّهُ كَذِبٌ فَهُوَ أَحَدُ الْكَاذِبِينَ
یعنی رسول اللہ صلى اللہ علیہ وسلم پر جھوٹ باندھنے یا آپ صلى اللہ علیہ وسلم کی طرف منسوب جھوٹی روایات کے بیان کا تو معاملہ ہی علیحدہ ہے ۔
یہی حال اللہ رب العالمین کے بارہ میں جھوٹ باندھنے کا ہے ملاحظہ فرمائیں :
وَلَوْ تَقَوَّلَ عَلَيْنَا بَعْضَ الْأَقَاوِيلِ (44) لَأَخَذْنَا مِنْهُ بِالْيَمِينِ (45) ثُمَّ لَقَطَعْنَا مِنْهُ الْوَتِينَ (46) فَمَا مِنْكُمْ مِنْ أَحَدٍ عَنْهُ حَاجِزِينَ (47) الحاقۃ
لہذا ان دو الگ الگ باتوں کو خلط ملط نہ کیا جائے ۔
امید ہے کہ میں اب اپنی بات کی وضاحت کر سکا ہوں گا۔ ان شاء اللہ تعالى۔
۲۔ یہ مقصد بھی ہے جو آپ نے بیان فرمایا ہے اور چونکہ یہ حکم عام ہے اس میں کتاب وسنت کی نصوص کے علاوہ عامۃ الناس کے اقوال بھی شامل ہیں کہ وہ بھی سنے سنائے ہی بیان نہ کر دیے جائیں لہذا اسکے اور بھی بہت سے مقاصد ہیں اس وضاحت کو سمجھنے کے بعد یقنا وہ خود ہی آشکار ہو جاتے ہیں ۔
۳۔ ہمارے نزدیک کتاب وسنت کے خلاف کسی بھی شخص کی بات کو ماننا تقلید کہلاتا ہے ہم ایسا کرنے والے کو صرف گہنگار ہی نہیں بلکہ خارج از اسلام سمجھتے ہیں ۔
۴۔ آپکی رائے بالکل درست ہے اگر یہی ہے تو ...!!!
یعنی اگر نیت بد کے ساتھ مشروط ہو , جبکہ میں کسی اور وادی میں ہوں جسکی وضاحت میں کرچکا ہوں ۔
۵۔ اس مشروط طرز پر میرے رائے آپکے ساتھ موافق ہے ۔
۶۔ تفسیر بالرائے کامعاملہ قدرے مختلف ہے جسکی کچھ وضاحت میں پہلے کرچکا ہوں , کیونکہ تفسیر بالرائے کرنے والا حقیقتا یہ کہنے والا ہوتا ہے کہ اللہ نے یہ کلمہ بول کر یہ معنى مراد لیا ہے ۔ اور اس کے پاس اس کی کوئی دلیل نہیں ہوتی ہے ۔ اور یہ قول على اللہ بمالم یعلم ہے جو کہ حرام ہے :
قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالْإِثْمَ وَالْبَغْيَ بِغَيْرِ الْحَقِّ وَأَنْ تُشْرِكُوا بِاللَّهِ مَا لَمْ يُنَزِّلْ بِهِ سُلْطَانًا وَأَنْ تَقُولُوا عَلَى اللَّهِ مَا لَا تَعْلَمُونَ (33) الاعراف![محدث فورم [Mohaddis Forum]](/styles/default/xenforo/Forum.jpg)
