شرافت سوز تصویروں کی اڑانی نہیں جاتی

[ساجد تاج]

​

​

​

​

لمحہ فکریہ

​

​

​

​

​

​

شرافت سوز تصویروں کی اڑانی نہیں جاتی​

ادب کی آڑ میں ترغیبِ رومانی نہیں جاتی​

​

​

اللہ کو معلوم کہ نسلِ نوح کا کیا انجام ہوا ہے​

وطن سے فحاش نغموں کی فروانی نہیں جاتی​

​

​

عذاب آئے تو اُس میں سینکڑوں کی جان جاتی ہے​

نہیں جاتی تو شیطانوں کی شیطانی نہیں جاتی​

​

​

کہیں بستی کی بستی بوند پانی کو ترستی ہے​

کہیں بارش برستی ہے تو بستی کی طُغیانی نہیں جاتی​

​

​

جہاں کے ذرے ذرے سے نمایاں ہے جلال اُس کا​

مگر ہم سے اللہ کی ذات پہچانی نہیں جاتی​

​

​

​

​

 

[اخت ولید]

کلام از؟

 

[Dua]

بہت پر اثر ہے بھائی۔
پلیز بتائیں یہ کس کا کلام ہے؟

 

[ساجد تاج]

معذرت کے ساتھ کہ کلام کس کا ہے بتا نہ سکا ، لیکن حقیقت میں یہ کلام ہے کس کا یہ بھی معلوم نہیں ہے، فورم کے کسی بھائی کے تھرو یہ میسج موصول ہوا تھا تو یہاں شیئر کر دیا۔

 

[Dua]

معذرت کے ساتھ کہ کلام کس کا ہے بتا نہ سکا ، لیکن حقیقت میں یہ کلام ہے کس کا یہ بھی معلوم نہیں ہے، فورم کے کسی بھائی کے تھرو یہ میسج موصول ہوا تھا تو یہاں شیئر کر دیا۔

ساجد بھائی ان بھائی سے پوچھ دیں۔
نوازش ہو گی۔

 

[یوسف ثانی]

شرافت سوز تصویروں کی عریانی نہیں جاتی​

ادب کی آڑ میں ترغیبِ رومانی نہیں جاتی​

​

خدا معلوم نسلِ نو کا کیا انجام ہونا ہے​

وطن سے فحش نغموں کی فراوانی نہیں جاتی​

​

عذاب آئے تو اس میں سینکڑوں کی جان جاتی ہے​

نہیں جاتی تو شیطانوں کی شیطانی نہیں جاتی​

​

کہیں بستی کی بستی بوند پانی کو ترستی ہے​

کہیں بارش برستی ہے تو طغیانی نہیں جاتی​

​

جہاں کے ذرے ذرے سے نمایاں ہے جلال اس کا​

مگر ہم سے خدا کی ذات پہچانی نہیں جاتی​

​

زمانہ اس قدر قائل ہوا ہے فیض جھوٹوں کا​

جو سچ کہتے ہیں ان کی کوئی بات مانی نہیں جاتی​

​

فیض احمد فیض​

مآخذ: اردو مجلس

پس تحریر: لیکن یہ غزل فیض احمد فیض کی شاعری کے رنگ سے ہم آہنگ تو نہیں ہے۔ (میری خود کلامی)

 

[اخت ولید]

پس تحریر: لیکن یہ غزل فیض احمد فیض کی شاعری کے رنگ سے ہم آہنگ تو نہیں ہے۔ (میری خود کلامی)

ممکن ہے کسی دوسرے شاعر نے یہ نام اپنا لیا ہو،اکثر اقبال اور کبھی علامہ اقبال کے تخلص کے ساتھ اشعار پڑھنے کو ملتے ہیں۔۔جو علامہ اقبال سے میل نہیں کھاتے۔۔۔عین ممکن ہے کوئی دوسرے شاعر ہوں یا علامہ اقبال کی ابتدائی شاعری ہو!!

 

[ابو عبدالله]

پس تحریر: لیکن یہ غزل فیض احمد فیض کی شاعری کے رنگ سے ہم آہنگ تو نہیں ہے۔ (میری خود کلامی)

لگتا ہے یہ کسی " عامی " کی شاعری ہے، اور جیسے علامہ اقبال اور فراز کے نام پر چلانے کی لہر چلی تھی اسی میں یہ بھی بہہ نکلی.....

 

[اخت ولید]

’’عامی‘‘ کی ہو یا’’خاصی‘‘ کی بہر حال بہت زبردست ہے!!

 

[ساجد تاج]

ساجد بھائی ان بھائی سے پوچھ دیں۔
نوازش ہو گی۔

بہنا جی یہ فورورڈ میسج کی شکل میں حاصل ہوا تھا نام تو اُن کو بھی پتہ نہ ہو گا۔