شرافت سوز تصویروں کی اڑانی نہیں جاتی

[علی معاویہ بھائی بھائی]

تری جفائیں بھی سہتا رہوں ، دعا بھی کروں

تجھی سے رحم کی چلا کے التجا بھی کروں​

یہ دو دو کام تو بس کے مرے نہیں زاھد

کہ بُت کدہ میں رہوں طاعت خدا بھی کروں​

 

[علی معاویہ بھائی بھائی]

نازکِی اُس کے لَب کی کیا کہیے

پنکھڑی اِک گلاب کیسی ہے​

بار بار اس کے در پہ جاتا ہوں

حالت اب اضطراب کی سی ہے​

میں جو بولا کہاکہ یہ آواز!

اسی خانہ خراب کی سی ہے​

میر ان نیم باز آنکھوں میں

ساری مستی شراب کی سی ہے​

 

[علی معاویہ بھائی بھائی]

پی کے ہم تم جو چلےجُھومتے میخانے سے

جُھک کے کچھ بات کہی شیشے نے پیمانے سے​

نیچی نظروں سے مری جان مجھے کیوں دیکھا

لوگ کچھ اور ہی سمجھے تِرے شرمانے سے​

 

[علی معاویہ بھائی بھائی]

وہ صبح کو آئے تو کروں باتیں دو پَہر

اور چاہوں کہ دن تھوڑا سا ڈھل جائے تو اچھا​

ڈھل جائے جو دن بھی تو اسی طرح کروں شام

اور پھر کہوں گر آج سے کل جائے تو اچھا​

جب کل ہو توپھر وہی کہوں کل کی طرح سے

گر آج کا دن بھی یونہی ٹل جائے تو اچھا​

القِصّہ نہیں چاہتا میں جائےیہاں سے

دل اُس کا یہیں گر چہ بہل جائے تو اچھا​

 

[علی معاویہ بھائی بھائی]

کسی کو دیکھ کے ساقی کے ایسے ہوش اُڑے

شراب سیخ پہ ڈالی ،کباب شیشے میں​

 

[خضر حیات]

علی معاویہ بھائی آپ نے تو کسی اور طرز کی شاعری شروع کردی ہے ۔ مسکراہٹ
خیر

کسی کو دیکھ کے ساقی کے ایسے ہوش اُڑے

شراب سیخ پہ ڈالی ،کباب شیشے میں​

یہ شعر یا قطعہ یا رباعی جو بھی ہے یہ ایسے نہیں ۔ ساغر خیامی (بے دین سا آدمی لگتا ہے )نام کے ہندی شاعر نے اسے یوں کہا ہے :
حسین تم ہی نہیں ہو جمیل ہم بھی ہیں
اڑا کے رکھ دیے ساقی کے ہوش ایک پل میں
ملی نگاہ تو وہ بھی حواس کھو بیٹھا
شراب سیخ پر رکھ دی کباب بوتل میں

 

[علی معاویہ بھائی بھائی]

محترم بھائی خضر حیات صاحب :یہ تمام شعر بندہ نے مولانا سید محمد داؤد غزنوی رحمۃ اللہ علیہ کی بیاض سے نقل کئے ہیں
یہ شعر اپنے وزن کے اعتبار سے جیسا بھی تھا
کسی کو دیکھ کے ساقی کے ایسے ہوش اُڑے

شراب سیخ پہ ڈالی ،کباب شیشے میں​

لیکن جناب نے جو لکھا!​

ملی نگاہ تو وہ بھی حواس کھو بیٹھا
شراب سیخ پر رکھ دی کباب بوتل میں​

کباب کے ذکر پر منہ میں پانی کے ساتھ ساتھ ایک شعر اور بھی یاد آیا​

چمن سے آ رہی ہے خوش بو کباب کی​

کسی بلبل کا دل جلا ہوگا​